Cha y est presque mes gins, cha sint les vagances pou nosautes, foque un jour d'ouvrache intr'aujourd'hui et mercredi pou mi, pis, tros jours pour m'n'homme et après in fait les valisses et in va aller dire bonjour dins ch'nord...
Comme à l'habitute in ara nin l'temps d'tout faire c'qu'in voudrot faire ni d'aller vir tout ceusses qu'in voudrot bin vir mais quoque vos voulez l'traval prind gramint d'temps !
Vivemint l'artraite (dins queques mos pour min homme, mais dins queques années pou misautes  ), à c'momint là in pourrra rester un mos intier et faire l'tour d'tertoutes popotes...
Cheule fos ci, in emmène mes parints avec nosautes dins l'carette, asteur min papa n'saurot pu faire d'long trajet ainsi comme conducteur.
Alors ch'est promis quind j'arrife devint l'panneau Nord et après devint chti du Pas de Calais, j'crierai bin fort "bonjour mes amis de ch'forum"... acoutez bin mes gins et j'sus sure que vos allez m'intende
 

Ah bon? Te causes tisaute....
Bonne route. Et ch'est nin pour dire mais à m'mote que les tros autres dins l'auto is vont avoir lus orelles toutes mates et qui font le drapeau au soir.
Et de quo que te causes pindint si tant de kilomètres?

gna gna gna (comme té dis)             
attintion tisaute, l'prochain cop que j'te vos ch'est tes orelles qui vont cauffer, et pas pace que j'causerai

ceci dit j'vas t'surprinde in carette je n'parle pas d'trop... si, si... té demindras à min homme

en s'qui concerne l'artraite et avoér sin temps ed'joquer ; ch'est point si seur equ'cha !!   énn'dit on point souvint equ' ch"est ches pinssionnés les plus préssés ??    
bon voyache tiote bellote   et boéne vagances  
a l'arvoyure

tiote bellotte a écrit:

j'vas t'surprinde in carette je n'parle pas d'trop... si, si... té demindras à min homme

Ah ouais, te fais d'l'hule..... je vos cha d'ichi!

tiomolet62 a écrit:

en s'qui concerne l'artraite et avoér sin temps ed'joquer ; ch'est point si seur equ'cha !!   énn'dit on point souvint equ' ch"est ches pinssionnés les plus préssés ??    
bon voyache tiote bellote   et boéne vagances  
a l'arvoyure

Chés pon qu'in est préssé nos autes les pinsionnés ,
ch'est qu'in a l'temps ed rin .... 

Chés pon qu'in préssé nos autes les pinsionnés ,
ch'est qu'in a l'temps ed rin .... 


    cha't'rappel rin ch'titiot symbole là !!?   l'avnir appartient a ch'ti qui s'léve tôt !

pi malgré cha , chés artraités i z'on l'temps d'a rin !?  bin am'mote qui n'a qui d'vroéte mette leu revel a sonner un molé plus al'timpe au matin !!          

 

just' après eul r'euscope d'sus ReTeLe ,


  salut min camarate , ej'sais pu d'un quel essketch ed'comique équ'ja déjà intindu eune séquoé du style que l horoscope  disoé "jour néfaste " alors du coup i s'dit bon bin puisque ch'est comme cha j'min va m'arjouquer ! ess'feme voéyant ess'n homme s'rintiquer dins sin lit al' i d'manne mais quoé qu'ch"est qu'te fait???  bin j'marcouche qui li declaque , em'n  horoscope annoce un jour néfaste ! du coup ess'feme prind l'jornal et l'ravise et al'i rinfique , bin nan badeux t'a rin compris té peux  t'arssaquer i z'annonss'te eune " journée  faste "      

 

sinan si elle va s'arcouquée ch'est un "capital qui dort" ...

  bin oui pi ch"est pon l'momint qu'chés femes al's'ecanill'te   car a ch'journal l'aute coup j'ai intindu dir equ'pour el méme nombres d'heures chés femes al'gognoétes moinss !  alors ch"est vrai qui faut qu'al saque ed'dins pou gagner s'quinzaine ! ahhh chés inégalitées !  
allé a l'arvoyure