I y a quinsse jours in a été rindonner dans l'région du Sidobre à Brassac, Lacrouzette à 80km au Sud-Est d'Albi, et in y a vu des rochers comme cha plein ches bos.
Chti là i fait 780 tonnes. Ch'est du granit dins l'temps is taillotent chés rochers là avec des burins à ch't'heure is ont des vrais carrières et des machines..
J'ai mis des collègues in d'sous pour vire l'taille de ch'rocher.
Cha y est in ar' a d'l'orach', cha drache sérieux.

J'connos nin ch'coin là, cha à l'air d'ête verdoyant.. Bon faut dire que cheule année pou treuver un coin sec, i faut gramint cacher !
J'ai quer l'photo du rocher et du car in d'sous, in dirot eune tiote carette "majorette" comme in avot in étant gosse. In s'attind à c'que l'rocher i bascule et quet d'sus ; "splach ! crac !"

Commint qui ont fait pour faire tenir ch'caillou?
Mi aussi j'ai été rindonner,enfin faire eun' marche aujourd'hui...
in a eu du biau temps...depuis 2 mos,tous les diminches matin,in groupe et à notre rythme, in fait eun' marche,in avot comminché à faire 3km ,aujourd'hui in a marché 7km,in s'améliore p'tit à p'tit.
ya tros mos, l'maximum que j'marchos, ch'étot 500m...

Bin dis donc , in foque tros mos , té marche 14 fos pus loin.
A m mote que t'es parti pour faire el tour du monte et du pas de Calais Roger.

Félicitations, j'sus bénaiche pour ti.

Ch'est vrai qu'ch'est rigolo, ch'rocher aceuc l'carette in dssous.
Y devrot nin cor querre des météorites dins les mos qui vienntent? Pourvu qu'cha soche nin dins min gardin.

Félicitations Roger, té verras t'iras d'pus in pus loin in marchant à tin rythme.
Ch'caillou i est comme cha à cause ed l'érosion, j'pinse qu'i faudra cor quique temps avant qu'i dégringole sus l'route
Chi d'sous ch'est des gins qu'is ont pas eu peur sous un aut' rocher.
Tout in bas in vot sus l'photo des trous fait avec des burins; ch'est comme cha que ch'rocher i étot attaqué. I y in a gramint qui sont restés comme cha, i paraît que l'boulot i avot qu'minché in 1914 et qu'ches hommes is sont jamais ar'vénus d'la guerre.
Après ch'est eine vielle photo pou faire vire l'travale sus un énorme rocher d'granit.

J'avos pas cor lu l'derni post ! ouais, j'sais ch'est pas bien
in va pet ête aller du côté d'Albi cheule année, in connot cor nin c'coin là et ch'est vrai que tes rochers Marcel cha m'donne invie d'découvir chés curiosités là.

J'dos cor avoir ches tracés d'rando

Vlà chi eun' photo de l'marche qu'in a fait ya 15 jours
J'pinse que vous allez m'arconnaître?

Bin sur qu'in t'arconnot, ch'est ti l'pus bieau.
  

Vin diouss qu'i est beau not Roger !

T'es facile à arconnaître: ch'est ti le plus séquelet!

Te vas dire que j'ai toudis eune séquo à dire mais vousautes tros, question marher au pas, in ne peut nin imaginer pire.....

Eune bonne journée min garchon, pis tertous.

J'pinsos qu'is étotent  d'sur les bidets ? ?
  

Bin té rajeunis à vue d'oel Roger