Ouais j'sens que cha va bin rire d'mi du côté d'l'Est et comme j'vos connos cha va rire aussi des autes coins d'France et d'Navarre... peut ête même que cha va passer chés frontières !
Alors j'plante l'décor : un dimanche à la campanne lyonnaisse, chez min frère avec toute l'famile réunie, plus des amis de l'famile, bref in tout 25 personnes... (pus deux cats, des vaques, des mouques, des lézards et j'in passe)
But de tout cha ?, vos allez deminder. Ben les anniversaires de mes tros nièches, eune que ch'étot l'bonne date et les deux autes qu'in a pas pu vir au momint d'leu ans et qu'in profitot que tertous étot réuni pou fêter cha.
J'avos bin sur apporter min apparel photo, eune batterie d'arcange : fallot rin risquer d'querre in rade et rater d'bielles prises, fallot immortaliser l'momint.
Bref, j'sens que certains moqueux d'gins comminchent à comprinde (surtout là haut à droite)...
Bin ouais, j'avos bin l'apparel mais PAS L'CARTE MEMOIRE qui va d'dins....
Allez y riez, cha fait du bin et parait qu'cha vaut un bistèque...

L'velle au soir j'avos décargé chés photos d'sus min manicraque et j'ai tout simplemint oblié d'armette l'carte mémoire dins l'apparel.... L'pire ch'est que je n'd'ai eune aute d'carte mémoire mais in voulot pas prinde l'malette avec tout chés zooms, chargeurs et cie du fait qu'in avot d'jà pas mal d'séquos d'bouffe et d'cadeaux à importer, tout cha pou nin s'incombrer d'pus.  J'avos foque l'batterie d'arcange, qui bin sur sins carte mémoire n'servot à rin.
Infin in a pas tout perdu, min papa a fait des photos... l'pus long va ête d'les récupérer... Pis j'ai querre faire mes propes photos.
L'prochain cop j'prinds tout l'malette, cargé comme un baudet pour cargé comme un baudet, in est pus à cha près !
Eune d'mes nièches qui sait qu'in a tendance à faire gramint d'photos m'a dit in rigolant : "pour une fois elles seront vite triées tes photos tatie !"

.     Ch'ti qui fait rin i a touis tout bon. Si t'as un apparelphoto d"qualité" té peux printe des photos sans carte mémoire aveuc l' mémoire interne.
.     J'ai toudis eune deuxième carte et un jus d'piles mais.......
. C'qui m'est arrivé diminche passé, à la fête de la mer à Boulonne, in photographiant l' guss qui met des batieaux in boutèle , ch'est min flash externe ultra super plus speedligh qui est tombé in rideau. .     I s'alleume pus.
.     J'ai vu par internenet qu'i a un aute guss qui a eu l'même tour, i a démonté l'bazar, a treuvé un fusipe sauté...l'a rimplacché et cha armarche.
.   Min dépanneur "monsav.com" n'dépannant pas les flashs,  j'ai démonté l'mien....que ju, j'ai couircircuité l'fameux fusipe, bernique ! ! ! !  j'ai pu qu'a n'acater un aute.
.    Bon, in va pas braire pour cha. in s'in armettra ! ! ! !
  

  el progrès ch'est bien , asteure tous chés acrinquillaches alectroniques , i z on del mémoire ! oué ch'est bieau tout cha , mais i feudroait qu'chés gins i n'euch'te un molé ed "mémoire " sinon cha n'porro mi aller     heinn tiote belotte  hureusmin qui reste chés souvnirs incrinqués dins tin cabu , chélo inn' s'effaceront jamais énon ?!!

Mi j'ai fait que sourire.
Mais d'min côté j'ai toudis deux batteries et deux cartes quand j'min va.
Sauf qu'eine fos ch'est min apparèle qui est quéu in panne, pus d'son pus d'imach', i a fallu raccater un apparèle, in plus ch'étot lors d'eine croisière in Norvech', i m'l'ont minme pas fait in détaxe.
Mais cha va i fonctionne très très bien.

Aveuc mes LUMIX, in peut printe des photos sans carte aveuc l'mémoire interne, j'ai core essayé hier, bin intindu pour lire les imaches, i faut brancher l'apparel aveuc un cape.
............
Aveuc min CANON 550, que dale i n'a pas d"mémoire interne.
....................
..... Quand qu'i n'a pas d'carte, l'Lumix i inscrit d'sur l'écran...pas d"carte...mémoire interne....
......Sacrés z"apparels les Panasonic LUMIX
Pub gratuite à moinsse que.....
.............
..... J'ai commandé un flash ultra super plus in Chine....79.35 euros....in France tros ou quate fos pus querre.....paiemint PPal:pépère:     
.....

Mi je ne dis rin.....
                                                                  

T'as vu cha qu'ch'est de rire des gins?

Cha va, t'avos nin oblié t'lingue? Là te seros vraimint estropiée hein?

Euh... tin papa i a pris des photos avec un Polaroïte? Ch'est dur à invoyer par émile cha....

Euh... cheftaine... à ch't'heure pour printe des photos i va falloir que te pinses à printe, in puq des piles, de l'mémoire et un aide mémoire!

Sacrée cheftaine! Si qu'in ne t'avos nin in s'innuirot grammint puq!

Achtung! pour lire les photos: inliéver l'carte si qu'alle est dins l'apparel......et brancher l'apparel photo d'sur l'Pc avec les capes bin intindu.
  pour eune fos que j'peuche espliquer eune sèquo à quéqu'un ! ! ! !
Z'avez-vous essayé d'printe des photos sans carte aveuc vote lapparel.....I ne l'font pas tertousse.

batisse a écrit:

Euh... tin papa i a pris des photos avec un Polaroïte? Ch'est dur à invoyer par émile cha....

 Bin ichi ! min papa qui est foque un an pus jonne que nou ppPB est presque aussi moderne que li, j'dis preque pace que l'ordinateur ch'est cor eune séquo qu'i n'maitrise pas intièremint mais i sait faire des émiles... et li, i a foque un tiot apparel photo, mais un numérique...
un polaroïd ! j't'in foutros mi du polaroïd (heu cha existe cor chés bêtes là ?)

Bon demain in est d'mariache, mairie-églisse-vind'honneur et fiesta, j'ai tout préparé, l'malette avec les deux apparels, l'gros (reflex) avec chés zooms, l'tiot numérique compact, les cartes mémoires des deux apparels (4 in tout) et chés batteries d'arcanges (2)... tout est bin arcargé et y a de l'plache d'sus les cartes ! normalemint in est paré, j'dis bin normalemint...
ah ouais pis j'ai aussi préparé m'langue des fos que j'pourros pas faire d'photos, j'pourros toudis parler, n'est ce pas... (ouais je sais m'babelle j'ai nin besoin de l'préparer... j'le dis in premier )

Eh beh... se marier des caleurs parelles....

Pinse à printe tes pare solel, pour tin lapparel à photos et pour ti. I ne faudrot nin que cha cauffe de trop dins les boyaux de t'tiête hein tiote.

Te vos d'ichi que te te mettros à bégayer? Eh beh min di seigneur, à m'mote que du coup saint Toni i rindrot sin tablier. 

In tous les cas, un bon mariache et à m'mote que j'ai nin beso de te souhaiter bon courache pour aller armuer tin popotin chu l'piste de dinse au soir.

Né l'dis à personne Tiote Bellote, hier j'sus dallé printe in photo les epeutnaerts à Echinghen, j'avos pris min gros lappatel mais........j'avos laiché s'n'accu d'sur l'chargeur ! ! ......J'ai pas d' accu d'avanche mais j'ai un deuxième lappareil de secours dins l'boîte à gant de l'carrette......
...... rigolez pas vous-autes....... J'va vous mète des photos......
  I a des cops i a d'quo sé l' printe et pis d'sé l'morte.  

Promis ppPB je l'garderai pou mi....

Alors, à min mariache, tout s'est bin passé aussi bin côté photos que côté festif, les mariés étottent bieaux, les parints un tiot peu émus et in a eu bin caud, cha cange du premi mariache que j'ai fait in mai d'ù qu'i a pleut à yux d'vaques eune partie de l'journée (surtout à l'sortie de l'mairie)...

Sinon pou parler d'aute cosse, j'espère que tous chés photographes qui joquent devint l'maternité inglaisse is ont bin pinsé à prinde tout leu matériel.... armarquez si i n'd'a un qui a oblié quette cosse i pourrot toudis emprunter l'apparel d'sin vojin, i n d'a tellemint au cm2 que cha s'verrot nin ! (is sont fous chés inglais ! in dirot qui va s'passer eune séquo estraordinaire et unique dins l'monte !)

it's a boy !

of course.............

J'm'in fous comme de première quémiche....

Ch'est des rutes cachotiers... ou commercints!

Is ne veultent nin dire tcheu prénom is vont li donner. Pindint ch'timps-là les mises pour les paris sont ouvertes. Et à m'mote qu'i a des taxes à récupérer là-dessur....

Mi je vote pour batisse. A 40 millions contre 1.

mi j'propose Napoléon, au moins cha s'rot drôle, in aurot pas fini d'in intende parler !
Mais avec un prénom comme cha, j'cros que "the queen Elisabeth" alle minge un d'ses capiaux ! (ch'est pas graffe alle a du stock)

tiote bellotte a écrit:

j'cros que "the queen Elisabeth" alle minge un d'ses capiaux ! 

 te pinses qu'elle a des assez bonnes dints pour cha vu s'n'âche ! Cha peu aussi faire une nouvielle décoration d'bord ed capiau avec des traces ed dints tout autour : feston machuré !

j'vote pour Adolphe.

Matante a écrit:

 te pinses qu'elle a des assez bonnes dints pour cha vu s'n'âche !

 j'pinse que trimpé dins eune tasse d'thé cha peut aider....

Pour trimper un de ses capieaux, ch'est nin eune tasse qu'i faut, ch'est un saladier.

Et incore, un pour fameuse nombrile....

Elle est restée bin jolie l'jeune mère énon? Moins que s'soeur, mais grammint puq que s'bielle mère.

Infin, je trouve. Comme dirot l'autre, ch'est min avis et je le partage!

batisse a écrit:

Elle est restée bin jolie l'jeune mère énon? Moins que s'soeur, mais grammint puq que s'bielle mère.

 S'bielle mère elle minge les pichoulis par les racines ! Ti t'es fort in histoire estringère.!!!ou t'as l'mémoire courte ch'est comme te veux.

Oups!

J'ai jamais été fort in histoire... te le sais.... même nous mononques et matantes à nousautes je n'ai jamais trop bin su qui que ch'étot. Infin, les grinds mononques et grintes matantes, quind même.

Pour mes soeurs, parel que les mononques et matantes de rang 1: je sais qui qu'ch'est. Quind même!

Alors l'Andrew ch'est sin garchon à sin père Charles. I a bin fait de ressimbler à s'mère mais du coup i intind moins bin et i ne sait nin toudis d'ùche que le vint in vient. I se pourmène des fos in jupe aussi?

Ch'est vrai que l'reine, pour avoir un tiot de s'n'âge au nouvieau papa, elle arot du avoir un rute coup de démon de midi.