Je l'dédicace à mi-même!

https://www.dailymotion.com/video/xd396_brassens-quand-on-est-con_news#.UX-4Jso4dw0

Ce matin je m'aros foutu des baffes. Allez, je vous raconte, cha m'apprindra:

Vu que min patron i m'invot ouvrer à perpette inclus après demain 2 mai (nin pour livrer), et vu que l'météo elle est plutôt à l'pleufe, on s'a dit insonne que cha serot miux si que j'y allos in auto plutôt qu'in mobylette. Manque de pot, m'n'auto elle dot aller in réparation aujord'hu, et je ne sais nin pour combien de timps elle sera indisponipe. Du coup j'ai eu drot à eune auto de l'fabrique.

Alors hier j'ai été à m'fabrique in mobylette (je n'd'ai deux et j'ai prévu d'utiliser l'autre demain pour eune sortie avec des potes du coin). J'ai sorti l'auto de l'fabrique de sin garache, mis l'mob à s'plache, serré le garache à clé, et je chus arvénu à m'majon, ch'est à dire à 80 km de l'fabrique. J'ai passé 60 des 80 km à essayer de faire marcher le régulateux de vutesse (i n'a nin cha chu m'n'auto à mi) et à m'mote qu'i est in panne....

Bref, ch't'au matin je me lève bonne heure pour aller porter min auto à mi au garache dès qu'i ouvre, et je rintre à m'majon à pids.

Eune fos à m'majon je me rinds compte que j'ai deux tros tiotes courses à faire. I ne pleut nin incore, je décide d'y aller in mobylette.

Ouais, et ch'est là que je m'aros foutu des baffes: j'ai laichi l'autre mobylette bin incriquée dins un garache à 80 km d'ichi... avec le casque et les gants bin posés dessur!

Du coup j'irai à m'sortie de demain avec des vieuseries.

Tcheu balochard batisse! Un gosse i arot fait cha, in s'arot foutu de s'guiffe et in l'arot ingueulé.

Bon, allez, rassurez-me, i n'a nin qu'à mi que cha arrife des séquos ainsi?

Mi cha m'arri'vra pon passe que j'ai pas d'casque.
Na na n'aireee!!

Bin: te mettra un bob pour t'sortie moto aveuc tes comarates. Min garchon y dit que l'bob, ch'est l'seul capieau qui donne l'air biête.

J'aros jomais osé dédicasser ceute canchon là pour ti... t'es dins quelle catégorie? de l'dernire drache ou des neiches d'antan?

Bon 1er mai à tertous, ichi y fait frod et l'timps y'es à l'pleuff.

En MAI fait cha qui t'plait qu'in dit des fos.... bin nous, in a mis du bos dins l'fu pour ête un tiot peu au caud et faire gonfeller eune pâte à brioche... In devrot ête dehiors in train d'ceuillir du muguet dins les bos!

In étot chinq à l'majon ce midi et y n'd'a tros qui z'ont mingé des champignons que je n'connos pos. J'espère que j'va nin ête veuve et perte 2 afants avint c'soir. Min plus grind garchon et mi in n'a pos voulu in minger, in s'est dévoués si qui faudrot conduire l'famile à l'hopital.
D'après tous les liffes et les sites Internet, cha serot des amanites rougissantes ( rin à vir aveuc les autes mortelles) elles sont classées 3 fourchettes ( goût exceptionnel) mais mi, à part 5 ou 6 variétés que j'connos + les champignons de Paris, je n'prind aucun risque aveuc cha.
J'vous dirais quoi.;;pour l'instant cha a l'air ed foncer

ehh mériloun, ej sais bin qu'os sommes au mois d'mai, chacun foait ch'qui li plait comme in dit ; mais d'la a maquer des champignons douteux ....!! cha foait 2 !!
si os seroémes a ch'mois d'avril et qui maquroéte chés champignons; ... pi qui queroéte dins les pommes, bin lààà ; cha s'roé amusant, car i t'aroete foait un ... bieau pichon d'avril

mais là !!! comme tu disoais t'taleure , oublie pon d'nous dire quoi !!

. Té séra quo in ravisant l'chronique négrologique d'main, si qu'les champignons is étotent bons.

. Dins l'doute t'in fais minger avant ti sans avoir l'air d'a rien.

Loumarcel a écrit:

Mi cha m'arri'vra pon passe que j'ai pas d'casque.
Na na n'aireee!!

mi nin pus, pas b'soin d'casque pou conduire m'poussette.... infin pou l'momint in nd'a pas b'soin, quoque des fos aux passaches protégés devint l'école cha pourrot ête utile avec chés pressés qui sont prêts à t'rouler d'sus putôt qu'à t'laisser passer.....

bon asteur j'vas pinser à mérilou et à s'famile jusqu'à qu'in euche des nouvielles !!! infin,, vu l'heure j'espère que tertous est dins sin lit à l'majon et nin à l'hôpital !

Pas besoin de casque la cheftaine? Min oeul ouais! Et tchand qu'elle va faire sin indéfrisape chez s'coiffeusse, hein?

Mi je l'connos s'coiffeusse. Elle va au plus vite pour li mettre sin casque chu ch'tiête, incriqué jusqu'à ses épaules et ses ys, pour avoir eune chance qu'elle arrête de babeller.

Elle est à l'archerche d'un casque intégral l'coiffeusse. I parait qu'in coiffure ch'est rare. Si jamais vous avez cha....

Je chus là que je rigole, mais à l'occasion je vais devoir armettre mes bieaux habits de tchand que j'ouvros....

Allez Mérilou, dis nous vite que tin veuvache ch'étot nin pour ch'coup-là.

Mi je ne savos même nin qu'i avot des champignons in sortie d'hiver. Ch'étot du congelé?

Bin non, j'sus nin cor veuve... ch'est pos cor pour s'cop là .. pt'ête que sro jomais veuve après tout, et pourquo que j'partiro nin l'première ( l'plus tard possipe)

Les ammanites rougissantes elles ont bien foncées.. et in puq, y se sont régalés ches goulaffes

Ouf qu'i n'a de mort avec ches chimpignons.

Quo qu'ch'est qui rougit dins eune amammite rougissinte? Ch'ti qui la minge?

mi j'étos rouche ed colère qui la mingtent...
les amanites phalloïdes cha fait nin rougir mais j'cros qu'cha fait pâlir définitivmint. Faut nin rigoler aveuc cha.

Ch'est des cops à rire djaune énon?