| Miss catastrophe... ch'est mi | |
|
Auteur | Message |
---|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Miss catastrophe... ch'est mi Jeu 25 Avr 2013 - 17:14 | |
|
C'soir in est invité chez nou chef d'orchestre et j'me sus dit que j'allos apporter des madeleines putôt qu'un bouquet d'fleurs. L'semaine passée j'a treuvé eune arcette qui ma fo donne un bieau résultat, et un pus ch'est bon les madeleines.... Vers 15 h, j'fais m'pâte qui faut laicher arposer eune heure au frais... jusque là tout va bin. A 16 h, j'sors l'pâte, j'la mets dins les tiotes alvéoles du moule à madeleines... nin d'soucis. L'problème ch'est que cha cuit vite chés machins là, alors dès 16 h 05 j'survelle cha de près et là les innuis comminchent : Dring Dring, cop d'téléphone, j'voulos pas réponte mais ch'étot eune copine de l'chorale, alors j'décroche pou savoir c'qu'alle veut et là, va savoir pouquo, au lieu d'aller avec l'téléphone dins l'cujine pou raviser c'qui s'passe dins l'four, j'm'assoie dins l'canapé pou y parler... Oh, in a nin parlé lontimps pace que d'un cop eune bielle odeur de brûlé est venu catouiller mes narines... Min diu seigneur marie-joseph, carbonisées qu'alles étottent mes madeleines... j'sors chés plaques du four et pou aller pus vite, j'attrape l'bote in fier pou mette chés simblant d'madeleines d'dins in attindant qu'alles arfroissent pou les mette à l'poubelle, et là deuxième catastrophe. In effet j'avos posé l'couverque de l'bote d'sus les plaques à induction et in faisant mes manoeufes j'ai du froler ch'bouton digital et l'plaque alle a cauffé, ch'est bin l'induction mais cha cauffe très vite, surtout au numéro 9.... nouvielle odeur de brûlé tenace et un couverque complètemeint noirci... et nin l'impression d'avoir perdu min temps !
Comme j'ai nin querre rester d'sus un échec, j'ai arfait de l'pâte... pou l'instant alle est dins l'phase d'arpos dins l'frigo... normalemint j'mets à l'cuisson à 17 h 30... suspence (finalemint au bain marie cha brûle jamais !) |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Miss catastrophe... ch'est mi Jeu 25 Avr 2013 - 17:42 | |
|
Bin té va vite ar'printe des kilos si té minches des mad'leines tous les s'minnes |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Miss catastrophe... ch'est mi Jeu 25 Avr 2013 - 18:22 | |
|
D'autint que, te me connos, ch'est nin pour dire, eune fos que t'es au téléphone et que t'as mis t'machine à babeller in route, i a de quo faire carboniser un gambon tout intier.
Question in passint: i s'est passé presque eune heure depuis la mise au four.... ch'est déjà cuit? T'avos alleumé le four?
In tous les cas, mi j'ai l'induction au gaz et cha au moins cha ne se met nin in route mine d'arien. Te vos cha que ch'est d'être hyper moderne.... et maigue! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Miss catastrophe... ch'est mi Jeu 25 Avr 2013 - 18:30 | |
|
YES........ COMME DISTENT LES JONNES ! vl'a l'résultat : alorse, cheules qu'alles sont à gauche de l'photo, alles sont parfumées au rhum, cheules à droite au citron (pou les infants ch'est miux..) t'inquiète nin Marcel, j'fais mais j'in minge nin gramint, pis d'abord ch'est pou offir chés madeleines..... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Miss catastrophe... ch'est mi Jeu 25 Avr 2013 - 18:51 | |
|
Ch'est meilleur au rhum énon?
Chez nousautes, tchand qu'in faijot du pudding (du pain de quiens qu'is distent les boyaux rouches) les afants is in mingeottent.
Et je peux te dire que du rhum, i n'd'avot.... mais cha s'évapore à l'cuisson ch'bazar. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Miss catastrophe... ch'est mi Jeu 25 Avr 2013 - 18:54 | |
|
Si ti t'es miss catastrophe, mi je dos être mister maboule...
Aujord'hu i a fait eune caleur de tous les diapes et j'ai rin trouvé de mieux comme invie de souper que..... de l'tartiflette! Cha fait des lustres que je n'd'ai nin mingée.
Ch'est drôle des invies essin. J'espère que je ne chus nin inceint..... D'autint que min vinte i devient comme ch'ti au boyau rouche d'in bas à gauche! |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: Miss catastrophe... ch'est mi Jeu 25 Avr 2013 - 20:04 | |
|
Ch'est rin, d'main i fait frod, te peux minger d'el tartiflette....mais j'ai comme l'impression que quand t'in minge d'el tartiflette t'as b'soin d'nous l'dire car ch'est nin premire fos ou alors ch'est des moules ! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Miss catastrophe... ch'est mi Sam 27 Avr 2013 - 9:35 | |
|
Nou chef nos a fait un barbecue vindredi soir, in a mingé dehiors, sous un auvent à l'abri mais dehiors.... bin ch'est nin aujourd'hui qu'in pourrot l'faire, i pleut à dique et daque depis hier au matin... in pourrot faire eune tartiflette et l'minger au coin de ch'fu ! Heu... in s'in va queques jours l'semaine prochaine du côté d'Bordeaux alors caneçon d'bain ou paletot d'hiver ? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Miss catastrophe... ch'est mi Sam 27 Avr 2013 - 10:00 | |
|
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Miss catastrophe... ch'est mi Sam 27 Avr 2013 - 13:53 | |
|
Bin vla miux ichi ! tcheu drôles d'idées si qu'les poils y déhutent du bikini , ch'est nin bieau.
|
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Miss catastrophe... ch'est mi Sam 27 Avr 2013 - 14:08 | |
|
Comme in dit: i a l'foin qui déhute de l'carrette!
Je ne chus nin un espécialisse, mais i a l'air qu'i a à ch't'heure eune masse de d'esthéticiennes maillotteusses qui n'existottent nin dins nous jonesse....
Si qu'in arwette des visses photos de pineupes du timps passé, i a l'air que ch'est un méti vraimint récint!
Infin, je dis cha, je ne dis rin hein. Vous me connaichis! |
|
| |
Contenu sponsorisé
| Sujet: Re: Miss catastrophe... ch'est mi | |
|
|
| |
| Miss catastrophe... ch'est mi | |
|