Bonjour mes gins man dieu qu'i a ti longtemps que j'sus v'nue marquer un tiot quettiosse mais là j'ai du mau à min cœur min cat i a été impoisonné du cop fallot que j'vous l'dise Alle est chez l'vétérinaire d'puis hier in aura l'réponse in fin d'matinée j'ai l'troule .Ah ouai j'vous avos aussi parlé que m'file alle cachot un ouvrache bin alle a un contrat dins un centre d'acceul pour tiots quinquins alle traval l'mercredi et pis les vacances ch'est d'jà cha Amitieuss'mint (minme si je n'marquepas grand cosse j'vous lis souvint )

Coucou annesophie
ch'est vrai que té t'fais trop rare...
j'espère que cha va d'aller pou tin cat, vraimint avec tes biêtes t'as nin d'chance !
allez à l'arvoyure, donne nou des nouvielles

Ch'est nin sur qu'i a été impoisonné. I a peut-être attrapé eune sourite ou un rat qui, elle ou li, avot mingé du poison.

In tous les cas, je li souhaite de s'in sortir. Ch'est rudemint costaud un cat. Courage tiote.

faut printe eune decision ch'est rute Merci tiote bellotte

Merci Batisse ,bin si cha avot été de l'mort aux rats l'veterinaire i a dit qu'cha soignot facil'mint mais là faut prindre l'décision et ch'est rute j'n'i arrife pas

Si te ne le piques nin, quo qu'i va arriver? I va mourir quind même ou i va "foque" souffrir pindint un momint?

Si qu'i est condamné, si te l'aimes i faut l'aider à in finir. Je sais, ch'est dur, cha m'a arrivé. J'ai brait. Mais au moins i arrêtera de souffrir pour rin ou presque.

Et pis d'ichi bétôt cha va être l'saison des portées de cats normaux. Si t'as du timps à lu consacrer, prinds in deux!

Batisse nan j'arprinds pas d'cat ni d'quien min quien pour l'momint i a foque Alzheimer i s'perd dins l'maison i fait l'sot par momint mais li i est cor avec nous Pour min cat bin j'va du moins je l'espère in savoir plus c'matin j'va vir quo qui va m'raconter l'vétérinaire i m'a dit qu'alle souffrot pas chez li avec l'perfusion Si vraimint j'dos l'aider à quitter l'tierre bin i m'rest'ra sin frere et pis s'sœur Mais cha fait trop d'mau pus rin minme pus un pisson rouche(pichan je n'sais pus marquer poisson ) rouche In tout cas merci à vous autes d'ête là cha m'arquinque un tiot peu

J'sus hereusse ,fin bénache Ouai min vétérinaire i m'a téléphoné j'arprinds min cat au soir l'urée alle a baissé et pis alle armange un tiot peu J'sus tout in foufèle J'vous dis quo ouai bin sur comme inda beaucop qui m'ont dit cha m'a couté des sous mais j'sus heureusse in s'serra l'cheinture un tiot peu mais mes biêtes bin alles font parties de m'famile :)Cha i est j'braie j'cros qu'j'in ai b'soin Merci d'avoir été là pour m'lire et m'répondre

Bon cha i est min cat i est à l'maison ch'n'est pas l'grande forme mais cha va quand minme beaucop miux Alle a des intibiotiques pindant 10jours fos li écraser et pis l'mucher dins l'nourriture bin ch'n'est pas gagné Rester infermee pindant cor deux tros jours cha s'rot bin Bin ouai mais à peu d'chosses pres hier alle partot d'jà dins l'camps à coté je n'sait pas commint j'ai fait pour l'rattraper Voià in espérant que cha va d'aller Amitieus'mint mes aminautes ch'ti et boyaux rouches