ché pus inciens y comprindront d'quo que j'parle



m'file ainée all est v'nue passer l'semaine dernière à l'mason aveuc sin tiot mouchon (deux mos et d'mi) all est v'nue in avion....donc, maman demertes te pou treuver tous ché articles d'puericulture qu'y ont b'son ché tiots machins là à ch't'age là....

poussette landeau, siége auto, transat ...tout cha....j'ai battu l'rappel amon d'mes copines mamies comme mi...et cha a été fort bien.

m' fille all m'rapelle l'veille de s' n'arrivée: "t'as un stérilisateur pour les biberons ? "

ah non qu'j'y dis...à l'incienne in cocotte minute!!

eune fos ché biberons bien bouillus dins l'cocotte, ché là qu'il a fallu les desincrinquer sins s'bruler....pôvre tiote all y arrivot pon...

alors super mamie aveuc s'n'instrumint magique all a fait eune intrée royale dins l'cuisine , s'pinche à cornichons à bout d'bras....j'aros du immortaliser l'momint ( mais j'avos pus d'piles)

Non dis-me pas qu'te fais comme Batisse ! J'pinse que ch'est astheure une bonne excuse. "T'as fais l'photo du momint historique qu'in vint vive ?" pour pas dire qu'in a oblié in trouffe l'excusse incontournabe "Bin non j'avos pu d'piles !!!!" Chacré Camanette va.

Ah bon ? ch'est arvenu à l'mode d'stériliser chés biberons ? mi qui garde des infants d'pis pus d'20 ans, j'ai tout connu, stériliser jusqu'à point d'âche (avint l'collèche quind même !), stériliser foque 3 mos, nin stériliser, stériliser à caud, à frod, in cocotte, au micro-ondes, j'in passe et des meilleures (y a foque au bain marie que j'n'ai point eu l'occasion d'tester, , dommache !)...
Min dernier tiot qui a 22 mos j'ai rin stérilisé pou li, y a 22 mos apparemment cha s'faisot pus....

Au fait l'pinche à cornichons té l'as stérilisée commint avint d'l'incrinquer dins l'biberon bin purifié ?

camanette a écrit:

ché pus inciens y comprindront d'quo que j'parle

alors super mamie aveuc s'n'instrumint magique all a fait eune intrée royale dins l'cuisine , s'pinche à cornichons à bout d'bras....j'aros du immortaliser l'momint ( mais j'avos pus d'piles)

Pus d'piles dins l'pinche ?????

Kazimierz a écrit:

camanette a écrit:

ché pus inciens y comprindront d'quo que j'parle

alors super mamie aveuc s'n'instrumint magique all a fait eune intrée royale dins l'cuisine , s'pinche à cornichons à bout d'bras....j'aros du immortaliser l'momint ( mais j'avos pus d'piles)

Pus d'piles dins l'pinche ?????

I vient un ache du qu'in a bésoin d'eune pinche à cornichons ou d'eune fourchette à zescargots ! ! !

L'air d'arien, je me marre dins m'moustache.... Is sont tertous à se foutre de m'guiffe parce que j'ai l'honnêteté d'avouer que des fos les piles de mes manicraques à photos elles sont à plat, mais cha arrife à des autres, même des qui crèchtent dins l'chef lieu de l'boyauroucherie.

Pour in arvenir au sujet - eune autre de mes espécialités - m'femme elle a nourri au sein et elle trouvot que l'stérilisation des tétines cha faijot du mal.

J'imagine super mamie avec sin trophée, telle que l'statue de l'liberté éclairint le monde. Je chus à peu près certain qu'elle a dit "tattttattttaaaaam" in même timps.

Cabotine

T'as quand minme pus printe des photos de ch'Pitit au moins pendant sin séjour. Après avoir ar'mis des piles bin sûr.
Mi qui croyot qu'l'histoire ed piles cha n'arrivot qu'à Batisse.