)…..A la champe.
Tous les mardis, pindant la guerre, l’médecin des Mines archevot les ouvriers malates ou blessés, à, c’qu’on appelot « la champe ». I les consultot dins un bureau qui donnot sur eine grande salle d’ attinte. Al porte, un infirmier archevot les ouvriers malates
.
. Arrife Joseph qui avot un mal ed dints terripe , i souffrot l’martyre. I étot v’nu quaire un calmant in intindant ed daller chez l’dentiste... I oufe el porte… I rinte
. Aussi fèle, l’infirmier li d’mante :
. « Bonjour Zeph , du qu’t’as d’maux ? T’es malate ? ? ?
. – Nan, bonjour Ch’guss, mi, j’ai maux à mes dints, jé n’tiens pus. J’claqueros m’tiète conte ches murs ! !..
. – Bon, j’vos cha. Déshabile te et fais la queue aveu les autes dins l’salle d'à côté...
. – Quoi ? Té m’dis d’em’ d’shabiler alors qu’ej té dis qu’j’ai maux à mes dints ? ? .
. – Ouais, discute pas, t’es pas tout seu ichi, i a du monte, l’ docteur n’a pas d’timps à perte.
. – M’ déshabiller pour mes dints ? ?
. – Ouais, pour tes dints, i a pas d’passe drot ichi . ! »
. Not’ Zeph, i s’déshabile in bertonnant et i fait la queue aveu tout cheux qui sont tout nus à la… queue leu leu… ch’est l’cas d’el dire. I s’malotot , Joseph…L’moinsse qu’in peut dire, ch’est qui étot nins contint.
. « Ch’est pas permis, i faut qu’jé mette à poil pour eune rage ed dints ; j’vas in parler au délégué syndical, ch’est pas normal, in nous prind pour des biètes……In n’a jamais vu cha ! ! ! !
. – Mais, min camarate, qui li dit ch’ti qui étot d’vant li, pourquoi qu’té t’ malotes comme cha, in dirot qu’t'es pas contint ? ? ?
. - Quoi j’sus pas contint, j’viens pour mes dints, l’infirmier i m’fait mete tout nu ! ! !
. – N’té plainds pas min camarate , mi, j’sus l’facteur, j’viens porter un télégramme ! ! ! »
.
(\__/)
(='.'=)
(")_(")