Ch't'au soir, 31 déchimpe, je me chus dit que j'allos déboucher eune bonne boutelle. Eune de "derrière les fagots" comme in dit. Eune qu'in garte in réserve pour eune occasion exceptionnelle. In va faire comme si que le 31 déchimpe 2012 ch'est eune occasion exceptionnelle hein.... Min menu de réveillon ch'est menu chinois, préparé juste pour mi par le chinetoque local, qui m'a même payé 2 bières. Ch'est des rutes commercints cheux-là.... Ch't'au soir, à sin resto i a karaoké et du coup i ne risque nin de me vir minger chez li....

Bref, j'ai fouillé dins min bazar - un tiot peu bordélique je l'admets - de boutelles à m'cafe. Et je m'ai dit, allez papa, in va s'in sacrifier eune à nous deux. Je vas in sortir eune du secteur des intouchables.

Ouais, parce que j'ai des vieuseries qui datent principalemint de min père, qui a fermé ses ys pour de bon in 90.

Je n'd'ai saqué eune de tout in bas. Etiquette illisible à cause de l'poufrinque, z'avez qu'à vir, mais le niveau i ne m'a nin plu: trop bas. Eune couleusse, que sin bouchon i a fui. Cha arrife... J'in prinds eune autre, parel, niveau trop bas. Brun. Je n'd'ai sorti 10 comme cha. Pas eune avec le bon niveau.... Je les ai ouvertes/goûtées par acquis de conchiinche, mais elles ont toutes passées à l'évier. I ara des bielles étiquettes à l'benne à ordures. Des 1976 (année du siècle), 78, 82, 83 et 88.

Finalemint, à force de cachi, j'ai tché chu un st Emilion grind cru de 88, couleux aussi, mais incore à peu près buvable. In tous les cas grammint moins mauvais que les autres!

Donc mes gins, je ne voudros nin vous donner de consel, mais cha ne sert à rin de garder des vins trop longtimps si que vous avez l'intintion de les boire. Buquez dedins tint qu'i est timps.

Ou alors i faut chinger les bouchons de timps in timps, cha qui donne in gros doute chu l'vérité de l'âge de l'boutelle....

Bonne année!

Bin t'avos pas gardé un "Pic St Loup" pou l'occase?
Que dommach'

T'as raison.... je dos cor l'avoir. Je l'ai gardé parce que ch'est du bon, justemint pour eune occasion espéciale.

Promis, je vas cachi après et le boire avint qu'i soche trop tard.

Cheule boutelle-là elle a échappé à la perpette! Elle comminche bin s'dernière année....

Té peux toudis v'nir in racater, par ichi i y in a autant qu'té veux.
Pou ti tout seu in mobylette cha irot pou quiques boutèles, mais té pourros aussi rimplir tin camion et in r'vinte dins tin coin.
Té peux t'garer d'vant l'maison, i y a de plache.

Au fait, j'viens d'pinser et discuter avec Solan?e, qu'à partir du mois d'juin de ch't'année, j'va passer deux ans in Alsace, après j'va ar'déchinte vers Lyon pou un an.
Bon après j'pinse que j'irai vers Luxeuil, mais là i fait vraimint frod, mais cha n's'ra que pou un an aussi.
Après j'ar'déchindrai vers Macon, et insuite in verra.
Tout cha, cha va cor faire des voyach'.

Bin Batisse,t'ars nin été l'seul...
hier soir j'ai réveillonné ch'est m'belle mère comme d'habitude,m'belle soeur, pour m'faire plaigir,va quere eun' boutelle de vin à s'cave,qu'elle avot acaté pour les 50 ans d'mariage d'ses parints dins les années 90,toute fière de min verser un verre,mi, tout contint de m'régaler avec un bon pinard!
A peine mis à m'bouque,j't'ai racraché cha! j'te dis pas, du vinaique,du coup j'ai bu l'mi temps d'un litre d'ieau.

Loumarcel a écrit:

Au fait, j'viens d'pinser et discuter avec Solan?e, qu'à partir du mois d'juin de ch't'année, j'va passer deux ans in Alsace, après j'va ar'déchinte vers Lyon pou un an.
Bon après j'pinse que j'irai vers Luxeuil, mais là i fait vraimint frod, mais cha n's'ra que pou un an aussi.
Après j'ar'déchindrai vers Macon, et insuite in verra.
Tout cha, cha va cor faire des voyach'.

Euh... te mets les sous titres? Quo qu'ch'est que ches idées de passer 2 ins par chi, un in par là et pis tout cha. Te t'as ingagé dins l'armée ou eune séquo ainsi? I n'a nin de limite d'âche à cha?

T'aros nin forcé chu l'tutute au réveillon des fos? Te m'inquiètes garchon.

Citation :

Quo qu'ch'est que ches idées de passer 2 ins par
chi, un in par là et pis tout cha. Te t'as ingagé dins l'armée ou eune
séquo ainsi?

i sa peut ête acaté un camping car?

Hé Batisse t'étos pas dins 62 i y a deux ans?

Quo qu'ch'est qu'i raconte li?

Ouais, j'ai été dins le 62 i a 2 ins, pis in 2012 aussi. J'ai aussi été dins le 67, le 88, le 57, le 55, le 08, le 59, le 02, le 80, le 52, le 51, le 90, le 25, le 42, le 43, le 69, le 74 et pis incore plusieurs autres. Plusieurs fos. J'y suis jamais resté un in.

Quo qu'ch'est que t'essayes de nous dire avec tes mystères boyaurouchiques?

Ch'est pas ti qui disos qu't'étos dins l'année des Boyaux rouch' i y a deux ans?

Oh brun! Ch'étot pourtint évidint. I suffisot d'afficher les numéros des départemints. Je dos être mat.

Te me feras signe tchand que te seras in région parigotte hein...

J'avos nin compris nin pus à cha qui disot Marcel.... asteur cha y est ! dons après avoir déjuster un tiot maconnais i ira mingé des rillettes....

Nosautes à la Noël in a ouvert un magnum de Bordeaux, un bon cru, ch'étot l'occasion vu qu'in étot 20 adultes et in n'savot pus qui ch'est qui nos avot offert cheule boutelle... quind min garchon (l'aîné) dit à sin père "ah, papa, je vois que tu as déstocké la bouteille que je t'ai offerte il y a quelque temps pour ta fête des pères".... in s'a treuvé bête in avot pinsé à plein d'gins sauf à li ! (parints indignes !)

Nous, in avot des amis qui ténottent eune épicerie WIBAUT,et un jour qu'in mingeot à leu maison, l'copain y a été avec André pour cacher eune vieille boutelle dans l'cave et y z'ont armonté eune grosse boutelle pleine d'poussière.



Y z'étotent tout contints, y z'ont pris un chiffon pour vir quoique que ch'étot. Alors là, y z'ont découvert un litre gravé " javel La Croix " Y avot du être mis in boutelle quand y avot cor des consignes. Malgré s'vieusté, in l'a pon bu, in a eu trop peur d's'impoisonner

Histoire véridique.
. Un jour, un des ouvriers d’min père, rapporte à l’atelier eune boutèle d’ vin qu’i avot artreuvé dins s’cafe. (Alle devot ète bin ringée l’cafe). I avot ramné cha pour fêter j’sais pus quo ? ? ?. Alle n’avot pus d’étiquette. Prudinmment ? is débouchtent l’boutèle in versent un godet dins les verres pour l’goûter, in sait jamais. Is goutent, ch’étot pas mauvais du tout, min mère qui m’avot raconté l’histoire avot ajouté : « I avot un tiot goût d’ fromache ! » Après avoir bu « l’échantillon », is vont pour rimplir les verres aveuc l’reste d’pinard…….pus moyen, i avot un bouchon dins l’goulot ! ! ! is escoutent l’boutèle et la….horreur, i sort eune sourite crevée ! ! ! !
. Is sont tertousse sortis dehors pour s’faire vomir c’qu’is avotent bu…..