Est-ce que cha existe des gins qui portent ch'prénom ?

Mi j'me chus inscrite su' l'site à la saint Parfait.....mais j'ai nin pris ch'nom comme pseudo, j'aros du non ?

Allez, bonne jornée à tertous, aujord'hu in peut réver qu'in porte ch'prénom, mais fauque aujord'hu comme quand in est "ro" avec el fève d'el galette ! pac'que l'perfection cha n'existe pas......

Parfait cha m'arot bin été.

Mais bon, ch'est vrai qu'in ne peut nin savoir à l'avinche. I faut avoir eune âme de parieur pour donner un prénom ainsi.

Tandis qu'annochint, que ch'est s'fiête aujord'hu, cha ouais, in sait qu'un tiot afant qui vient de naître, i est comme un tiot agneau, voire un tiot anche, tout annochinche.

Cha m'arot bin été aussi cha...

batisse a écrit:

Parfait cha m'arot bin été.

Mais bon, ch'est vrai qu'in ne peut nin savoir à l'avinche. I faut avoir eune âme de parieur pour donner un prénom ainsi.

Tandis qu'annochint, que ch'est s'fiête aujord'hu, cha ouais, in sait qu'un tiot afant qui vient de naître, i est comme un tiot agneau, voire un tiot anche, tout annochinche.

Cha m'arot bin été aussi cha...

Comme Modeste....

Merte ! J'ai mis PARFAIT au lieu d'INNOCENT.....merci Batisse ed rectifier mais t'es nin innocent ni parfait pour autant !

Ah?

Anochint... y'avot un pape qui s'apellot comme cha... Y'a du in avir plus qu' un , vu qui a des annochint III des annochints XI.
Y'a plus d'annochints que d'braves gins.
Heureusmint qu'des Batisse y'en a foque un.

Te ne confondros nin les annochints avec les Louis?

Ch'étot qui Louis iV et Louis III ?

In in parle pos gramind dins les liff d'école, ou alors j'écoutos nin ( ch'est ptête possipe)
Y paraitrot que j'tiendros d'min frère pour m'n'érudition in histoire....

Si qu'i a eu un Louis 15, ch'est bin qu'i a eu les autres numéros avint énon?

Te cros qu'is pouvottent choisir lu numéro au hasard? Qu'i avot eune roule avec des numéros comme à l'roule de l'fortune à l'télé?

Louis 4 ose.... ch'est comme les flamands énon?

I a eu un pape pie 7. Un nom prédestiné pour les problèmes de prostate cha....

Mérilou, t'es t'eune fouteusse de brun!

In avot ichi un sujet sérieux comme tout et ti, avec t'n'air de nin in avoir, te l'as fait dévier chu les problèmes de prostate d'un viux pape.

T'as nin honte? Baisse tes ys!

Ha bin vlà miux ach t'heure ! ch'est mi que j'devros serrer m'guiffe et baisser mes ys? T'as nin honte Batisse?
Te devros faire tin méat coule pas