|
Auteur | Message |
---|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Au revoir, Ch'Duc Jeu 6 Déc 2012 - 17:32 | |
|
Ch'est avec surprisse et tristesse qu'in a appris l'décès d'nou mempe ch'duc que certains d'intre nos connaissottent. J'ai eu l'occasion de l'rincontrer et j'ai découvert un garchon au grind coeur, n'sachant pas quo faire pou bin nos archevoir. I avot acaté un bieau rôti d'boeuf et un gros gâtieau in pinsant qu'in resterot minger avec li et s'femme au soir. Mais in n'faisot que passer car in étot attindu dins l'famile. Comme i étot fort déçu, in est quind même resté l'temps d' partager avec li sin bieau gâtieau et s'boutelle. J'sus heureusse d'avoir partagé avec li ces tiots momints, li qui avot eune vie fort simpe et pas toudis heureusse. J'cros que tout ceusses qui l'ont connu, du timps d'ù qu'in écrivot d'sus un aute forum, s'rappelleront de li comme chti qui étot toudis l'premi tous les matins à ouvrir l'tiot messache "d'bonne journée". C'soir j'ai eune pensée pou ti Jean Pierre... |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: Au revoir, Ch'Duc Jeu 6 Déc 2012 - 18:07 | |
|
Eune ben triste nouvelle ,
bon courage à son épouse aveuc tot mes condoléances . |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Au revoir, Ch'Duc Jeu 6 Déc 2012 - 18:21 | |
|
. Ch'est aveuc stuipeur et beaucop d'peine qu'j'ai appris l'départ pour un monte soit disant meilleux de note camarate ch'duc. . J'adresse toutes mes condoléance, à Breigitte, son épouse, et à toute sa famille. . Adieu ch'duc ! ! ! In t'oubliera pas d'si tot. |
|
| |
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Au revoir, Ch'Duc Jeu 6 Déc 2012 - 18:28 | |
|
ché avec tristesse que tiote belote vient de m'apprinte l' nouvelle par mail. ej l'avo rincontré à Bruay in mars 2009.avec 2 z'autes ch'ti nautes in avo pris des photos que par respect j'en les mettrais pas sur l' site. tout s' qu'ej peut dire ché qu'in passé un bel après midi et surtout bien rigoler. toutes mes condoléances à s' femme et à ses proches. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Au revoir, Ch'Duc Jeu 6 Déc 2012 - 19:28 | |
|
C'est une bien triste nouvelle que d'apprendre le décès de Ch'Duc. Il était déjà avec nous sur un autre site et sans le connaître physiquement je le connaissais par photos. On ne t'oubliera pas ch' Duc. Toutes mes condoléances à Brigitte son épouse ainsi qu'à toute sa famille. |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Au revoir, Ch'Duc Jeu 6 Déc 2012 - 21:59 | |
|
.
Sincères condoléances à son épouse , sa famille, ses amis....
Adieu Ch'Duc ! |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Au revoir, Ch'Duc Jeu 6 Déc 2012 - 23:19 | |
|
Ch'est vraimint eun' triste nouvelle que j'ai appris ch'matin,chétot vraimint un bon gars avec un gros coeur,je l'vos core l'jour que j'avos été l'querre pour assister à eun' première d'un spectacle à Léon,yétot fin heureux... J't'oublirais nin Ch'duc. Toutes mes condoléances à Brigitte et à s'famille. |
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: Au revoir, Ch'Duc Ven 7 Déc 2012 - 8:05 | |
|
mi non pus, j'l'avos jomais rincontré, mais bien souvint lu su ch'site...
condoléances à tout s'famille |
|
| |
nougatine
Sexe : Date d'inscription : 30/12/2009 Messages : 145 Ardèche
| Sujet: Re: Au revoir, Ch'Duc Ven 7 Déc 2012 - 9:30 | |
|
j'connossos ch'duc par l'forum et un tiot peut par l'intermédiaire d'tiote belotte.
Toutes mes condoléances a toute famille. |
|
| |
André
Sexe : Date d'inscription : 23/12/2009 Messages : 71 à 2 incâblures de ch'Mont St Michel
| Sujet: Re: Au revoir, Ch'Duc Ven 7 Déc 2012 - 10:24 | |
|
In l'a rincontré ine paire de fos à s'maison, mais toudis in cop d'vint...
Un garchon épatant, qui avot cuji sin pseudo d'ine façon royale, un pseudo qui y'allot comme un gant...
In ne peut que souhaiter bon courache à Brigitte, s'femme à qui in présente toutes nos condoléances...
Incore ine page qui s'tourne, mais qui laichera des traces...
In connot un certain bistrot (virtuel) du que ch'café n'aura pu jamais l'même goût.. (si in y fait incore du café !)
Thérèse et André |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Au revoir, Ch'Duc Ven 7 Déc 2012 - 18:24 | |
|
Ben vlà Ch'Duc parti. Je ne l'avos jamais rincontré mais comme l'z'autres, j'ai grammint discuté avec li par écrit.
Pour mi ch'étot et cha restera un garchon qui acceptot sin sort même si sin sort i avot l'air de li in faire vir de toutes les couleurs. In arot dit qu'i étot né sous eune mache étoile. Vinguette, tcheues misères de sinté i a eues, que cha ne se réparot jamais comme i fallot et que malgré tout i ne se plaignot nin. Et toudis prêt à rinte service, à casser du bos pour des incore plus malheureux ou plus esquintés que li.
In li avot tué sin quien, l'prunelle de ses ys. I passot sin timps autour de sin tout tiot gardin, toudis à l'fouir, à trouver des combines autremint qu'ainsi pour y mettre eune palissate qui résisterot au vint, eune tonnelle et des séquos ainsi qui finissotent par s'involer.
Adieu Ch'Duc. Je ne sais nin cha qu'i a de l'autre côté de l'porte mais je chus bin certain que si que t'as l'occasion d'arringer eune séquo juste pour le plaiji de faire plaiji, te le feras.
Par eximple, aider quelqu'un à comprinte commint qu'i faut faire pour mettre eune photo.... Te vos , même à ch't'heure que te viens d'avoir quitté t'carcasse qu'elle t'in a tint fait vir, t'arrifes incore à me faire venir des sourires. Sacré boyau rouche! |
|
| |
annesophie
Sexe : Date d'inscription : 11/02/2010 Messages : 251 Nimes
| Sujet: Re: Au revoir, Ch'Duc Sam 8 Déc 2012 - 8:51 | |
|
Arvoir Ch'duc j'l'aimos bin tin café virtuel t'as fait parti d'ceux qui m'ont appris à marquer m'lanque ed naissance Eune baisse amitieusse et toutes mes condoléances à tes proches |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Au revoir, Ch'Duc Sam 8 Déc 2012 - 21:00 | |
|
Ch'duc, in s'étot jomais vu , mais ch'étot un comarate de forum. A ch t'heure , y a serré ses ys mais y reste dins nou mémoire comme un brafe garchon, toudis prêt à réponte ou à donner des conseils ed cujine, especialiste de viante. J'cros qu'ch'étot sin ouvrache avint d'ête malate.
Je n'sais nin si qui a quequ'un qui va lire nou messaches à Brigitte, mais in li souhaite bon courache.
|
|
| |
LYLY
Sexe : Date d'inscription : 04/01/2010 Messages : 398 DUNKERQUE
| Sujet: Re: Au revoir, Ch'Duc Dim 9 Déc 2012 - 17:55 | |
|
BONSOIR
C'est avec une grande tristesse que j'apprends le décès de JEAN PIERRE.
Bon courage à Brigitte et à sa famille...
LYLY |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Au revoir, Ch'Duc Mer 12 Déc 2012 - 9:29 | |
|
l'nouvelle m'fait sortir ed min trou !
Malheureuse que j'sus d'apprinde cha , surtout pour un au revoir !
J'avos eu à plusieurs reprises Ch'duc au téléphone.
à s'voix, s'façon d'parler ch'étot un homme gentil, toudis à s'inquiéter pour l'z'autes.
m'pinsée va aussi à s'femme Brigitte. |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: Au revoir, Ch'Duc Mer 12 Déc 2012 - 18:11 | |
|
Ouais, ch'duc, tout i est dit par les autes ! L'premi à ouvrir l'sujet sur un aute site. Dès qui a du vint, j'pinse à ti et j'y pins'rai toudis : l'porte elle va tenir ? J'me dimindos pourquo in l'veyait pu ichi....in a l'réponse. Salut l'ami ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Au revoir, Ch'Duc Ven 14 Déc 2012 - 13:31 | |
|
Ch'duc i me hante.
Je voudrais faire appel aux gins qui ont de l'mémoire et sont forts in histoire. Ceux qui me connochtent savtent que l'histoire et mi, cha fait deux. Je ne sais pus à un in près tchand que min derni cat i est mort. Z'avez qu'à vir!
In tous cas, au sujet de ch'duc i a eune séquo dont je me souviens. Le problème ch'est que je ne m'in souviens qu'au mitan... Cha dont je me souviens ch'est que ch'duc i ne s'a nin toudis appelé ch'duc. Avint a eu un autre pseudo, du timps que ch'site-ichi i n'existot nin, mais je ne sais pus commint.
Cha que je voudros réimprimer dins m'tiête ch'est commint qu'i s'appelot avint, et pourquo qu'i a chingé de pseudo.
Donc, si qu'i n'd'a qui se rappeltent, je chus preneur, in vous in armerciint d'avinche! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Au revoir, Ch'Duc Ven 14 Déc 2012 - 14:12 | |
|
I m'sanne me ramituver qu'i s'appelot Jeduc et qu'i avot donné sin adresse émile et que du cop i avot arçu plein d'messaches dins s'boite.... du cop l'webmaster d'l'aute site li avot dit d'canger sin pseudo... Infin i m'sanne que chétot eune séquo ainsi qu'i m'avot raconté quind in s'étot rincontré pace qu'à l'époque de Jeduc, j'fréquentos pas cor l'site in question.... |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Au revoir, Ch'Duc Ven 14 Déc 2012 - 14:16 | |
|
T'as raison Tiote,i s'app'lot jeduc avant d'printe comme pseudo ch'duc |
|
| |
LYLY
Sexe : Date d'inscription : 04/01/2010 Messages : 398 DUNKERQUE
| Sujet: Re: Au revoir, Ch'Duc Ven 14 Déc 2012 - 15:28 | |
|
i s'rot contint ed s'avoir qu'on dit cha d'li.
dins tous les cas i dot nous intinte.....
ej pinsse à ses deux quiens aussi....
TCHIEU BRIN ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Au revoir, Ch'Duc Ven 14 Déc 2012 - 15:35 | |
|
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Au revoir, Ch'Duc Dim 5 Mai 2013 - 11:32 | |
|
Nin d'carte cheule année mais juste eune tiote pensée pou ch'duc, aujourd'hui.... |
|
| |
annesophie
Sexe : Date d'inscription : 11/02/2010 Messages : 251 Nimes
| Sujet: Re: Au revoir, Ch'Duc Dim 5 Mai 2013 - 11:54 | |
|
Ouai j'i pinse aussi ... Merci pour li tiote bellotte |
|
| |
Contenu sponsorisé
| Sujet: Re: Au revoir, Ch'Duc | |
|
|
| |
|