Cha y est l'temps i s'a r'frodi, j'ai pris un cop d'frod et à ch't'heure j'ai l'niflette.

Air connu:

....." Mouque tin nez ravale t'nasse.

..... T'occupe pas de ch'ti qui passe"

.

Chanson intellectuelle.

Loumarcel a écrit:

Cha y est l'temps i s'a r'frodi, j'ai pris un cop d'frod et à ch't'heure j'ai l'niflette.

Valà c'que ch'est de s'couquer sins chés cauchettes !...

(Heu, question Marcel, ch'est exprès que t'as mis cha dins nous coin, nous vies ?)

Nan, mais té peux el laisser ichi, cha voudra dire qu'i fait pas toudis biau ichi dins l'sute.

Bon l'niflette est armontée jusque dins l'Rhône... J'vas prinde des actions chez un fabricant d'mouchoirs in papi, intre mes tiots et mi, i a d'quo faire un tiot peu d' bénéfices...
Faut dire mardi au matin in a du gratter l'pare brise du fait qui avot gelé et hier au soir à 22 h 30 i avot cor 15° !
Comme disot min grind père : tout cha ch'est la faute des spoutnicks !
I étot comique min grind père, quind des fos l'télé n'marchot pas bin, i voulot surtout pas qu'in touche aux réglaches pace qu'i disot qu'eune partie du personnel devot ête in vagances et que ch'étot des remplaçants qui ouvrottent et qu'is n'savottent pas bin faire...
Quo qu'i dirot asteur avec chés ordinateurs, chés "netbouque", chés "aillephone", chés apparels photos d'ù qu'i faut mette des piles et chés diverses télécommandes eleuctriques !....
N'impêche, tous chés trucs modernes n'ont pas cor supprimés l'niflette (ouf j'sus arquéhue dins l'sujet... )

Té prinds donc pon des vrai tire-jus à carreaux bleus comme dins l'temps?

Euh.... quo qu'ch'est supposé arprésinter l'imache que t'as mise chef?

A part cha, pour in arvénir au sujet - comme si que je m'in éloignos dés fos...- vlà ichi eune séquo que je cante à chaque coup que je fais un gros atchoum à mouquille....

Dire qu'i est mort ch'garchon. I faijot cha qu'i voulot avec s'voix ch'ti-là.

https://www.youtube.com/watch?v=JrUlAoK0a54

Loumarcel a écrit:

Té prinds donc pon des vrai tire-jus à carreaux bleus comme dins l'temps?

Si si, pou mi... mais pou mes tiots ch'est pus pratique ceusses in papi pace qu'i m'faudrot un tire jus différint pou chaque tiot, pou nin mélinger les micropes (et les cropes intier ) et pou mi nin oblier faudrot faire un noeud au tire jus pou savoir à qui ch'est chti chi ou chti lal et cha deviendrot difficile d'mouquer chés tiots..

aujourd'hui in s'a proumener sins paletot, avec 24 °... l'niflette va prinde des vagances