. Dins les corons, tous les mos, passot l'arléveux d'compteurs électriques.
.
I arrife chez l'Zephe. Zulma alle étot toute seule.
. " Bonjour Madame, j'sus vénu arlièver vous compteur!"
. I sort sin tiot carnet, sin tiot crayon, s'lampe ed poche ...
. " Madame vous m'dévez 75francs et 35 chintimes.
. - Acoutez, m'sieur, ch'mos chi m'n'homme i a été malate, ech vous paierai l'mos prochain;
. - J'peux pas faire cha, madazme, d'ailleurs vous ètes in artard ed tros mos ! ! "
. Zulma, alle a failli querre al rinverse. Alle s'étot pas arvue ed pus tros mos et alle avot bin dit al Zeph," Surtout n'in pale à personne, les gins is l'saront vite assez" . Alle n'arrêtot pas d'bertonner dins ses dints." Ouais, ch'ti la i n'a pas pu arténir es lanque, tout l'monte i va l'savoir, min 'zeph i va m'intinte quand qui va rintrer, , et pis d'abord, commint qu'vous savez cha vous ?
. - Ch'est marqué dins min carnet madame, vous ètes in artard ed tros mos!
. - Vingt diousse, i va m'intinte el Zeph in rintrant..in peut...
. -Acoutez madame; mi j'sus pas ichi pour acouter vos lamintations, si vous continuez à bertonner comme cha, in vous l'cope et vous s'servirez d'eune bougie! ! !