Statistiques | Nous avons 403 membres enregistrés L'utilisateur enregistré le plus récent est Skylinfracmi
Nos membres ont posté un total de 33442 messages dans 2296 sujets
|
Le livre d’or | N'hésitez pas à signer notre livre d'or
|
Partenaires | Devenez partenaire de ce forum en nous envoyant votre bannière ou logo. |
| | Cinsure chu les vidéos à Léon? | |
| Auteur | Message |
---|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Cinsure chu les vidéos à Léon? Lun 11 Jan 2010 - 10:11 | |
|
Je voulos arvir eune paire de vidéos à Léon qui m'avottent bin fait rire...
In particulier celle chu l'vaccination contre l'grippe de l'âche à Hénin, que cha finit que nous tour i viendrot bétôt, au plus tard in septimbre.
Eh ben elle n'est pus là...
Alors je m'a dit que j'allos arvir celle du présidint et lady di... eh ben elle ne se met nin in route. I a parait-il un problème technique.
Les autres cha va. Pour l'instint.
Quo qu'cha veut dire tout cha?
Ah ouais, j'ai vu aussi que i a eune longue ferniête pour mettre le titre du sujet, mais qu'in arrive vite chu un buttoir qu'in se dit "tiens, min clavier i ne buque pus rin..." |
| | | nanadette
Sexe : Date d'inscription : 25/12/2009 Messages : 93
| Sujet: Re: Cinsure chu les vidéos à Léon? Lun 11 Jan 2010 - 10:26 | |
|
j'comprinds pas batisse j'viens d'aller vire , ches vidéos y marchent t'as ptête arqueux au momint d'ù qui mettotent l'vidéo sur ches fessées |
| | | Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Cinsure chu les vidéos à Léon? Lun 11 Jan 2010 - 10:45 | |
|
t'avos raison batisse "suivez l'plan" n'étot plus la.. j'lai remis. té peux aller l'vir. |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cinsure chu les vidéos à Léon? Lun 11 Jan 2010 - 10:47 | |
|
Comme quo je ne chus nin complètemint balou...
Merci Roger!
Tout i va bin à ch't'heure, même le présidint et lady di. |
| | | la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Cinsure chu les vidéos à Léon? Lun 11 Jan 2010 - 10:48 | |
|
Là j'viens de m'brancher sur l'sujet de l'vidéo Te peux m'croire Roger, j'ai intindu sans arrêt l'machine à écrire, j'sus arsortie pour aller dins portail J'sus arvénue et là silence pus d'bruit. Dins l'temps in disot "m'mère ou min père i m'a mis inne claque cha m'a armis d'l'orde dins m'tiête" après cha in avot pus invie d'arquemincher nos bêtisses. Fini tout cha. pus l'drot |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cinsure chu les vidéos à Léon? Lun 11 Jan 2010 - 11:06 | |
|
Mais alors, les flics is n'auront pus le drot de frapper chu les jones non pus? |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cinsure chu les vidéos à Léon? Lun 11 Jan 2010 - 11:07 | |
|
Pis les soldats is n'auront pus le drot d'invoyer des bombes dins les indrots d'ùche qu'i a des afants? |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 11:17 | |
|
Les élèfes is zont pus l'drot frapper ches maites, heu, ches Professeurs des écoles ? ? ...... ..... A l'UMP in est in artard ed tros guerres : Dins l'dictionnaire ed 1877, in peut lire: " Les punitions corporelles sont formellement interdites la férule n'est plus en usage et doit être proscrite "... ........ . Quand qu'ej vos les soldats tirer au canon, j'ai invie d'leur dire :" Faisez pas les cons les gars , i a du monte la in face ! ! " |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cinsure chu les vidéos à Léon? Lun 11 Jan 2010 - 11:18 | |
|
Pis dins les tribunaux pour afants in va lu distribuer des bonbons?
I m'est d'avis que grammint d'afants qui sont aux tribunaux pour afants is n'ont jamais archu de rouste tchand qu'is faijottent eune bêtisse... du coup is ne savottent nin tchand qu'is risquottent de franchir la ligne.
Bétôt i va y avoir des lois pour interdire de donner eune éducation religieusse (parce que cha aussi cha détraque rudemint les esprits des afants...) et in va finir comme au pire timps des dictatures: faites des afants et in s'occupe du reste!
Attintion... |
| | | nanadette
Sexe : Date d'inscription : 25/12/2009 Messages : 93
| Sujet: Re: Cinsure chu les vidéos à Léon? Lun 11 Jan 2010 - 11:46 | |
|
t'as raison batisse interdiction d'fessée mais permission d'incarcérer : - in peut mette un jone d'10 ans in garde à vue - in peut mette un jone d'13 ans in détention provisoire
mi j'as souvint dit à ches jones qu' les parents ch'étot l'dernier rempart avant ches flics |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 11:50 | |
|
J'ai un camarute, un ancien CRS , un jour i m'a dit, i étot scandalisé:. " Maintenant, on n'a plus le droit de donner une correction à un Arabe" ..... D'vant l'majon, i a eune tiote majon qui avot été loué à un ingénieur suédois qui étot vénu in stache à Boulonne. I avot tros éfants. Les miens et les siens, au début, is faijotent des tiots signes, d'fernêtes à fernêtes insuite, d'trottoir à trottoir pour final'mint atterrir tertoute s a'maijon. Is discutotent in inglais...aveu des dictionnaires ! ! ! .. Mi j'nai appris qu'un seul mot aveu min nouviau camarate suédois, :" Skoll ! ! ! ........ l...Ses éfants étotent super bien élvés. Un jour el père i vient al majon, i étot scandalisé, i avot été mingé à Auchan et i avot vu un gosse printe eune margnouffe carabinée par es mère...I m'a dit (mais jé l'savos déja): " On ne frappe pas les enfants, on discute avec eux!" (i savot très bin parler français)...Vous croyez pas qu'ch'est li qui avot raison ! ! ! .... .... Cha existe incore l'morale à l'école ? ? ? |
| | | nanadette
Sexe : Date d'inscription : 25/12/2009 Messages : 93
| Sujet: Re: Cinsure chu les vidéos à Léon? Lun 11 Jan 2010 - 12:05 | |
|
pépéPéBé , te cros pas qu'cha devrot quemincher à l'maison , l'éducation ?
pourquoi toudis d'minder à l'école d'faire l'boulot des parints ! |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 13:08 | |
|
Au sujet de l'éducation. .Bin sur, l'éducation comminche al majon. Quand qu'is arrifent à l'école , au cours préparatoire, is ont d'ja six ans dins l'année d'el rintrèe ! ! ! .... L' école comminchot par eune leçon d'morale ! ! ! Cha existe core cha ? ? ? . . Ach't'heure, i a beaucop d'parints qui démissionnent... trop d' ménaches monoparintales.... trop d'familes du qui a d'ja plus d'tros générations qui n' travalent pas...pas d'boulot.... les jones is glandent dins les rues ! ! is font l'bordel ! ! ! ....... .... Un d'mes camarates m'invoe un messache: S'finme l'a invoyé au super marché. Quand qui est arvénu as maison, madame étot partie aveu les tros quarts du mobilier, et....un voisin....I m'invoe plusieurs messaches qu'ej treufe suspects, jé m'disos i va es suicider, faut qu'j'alle as s'majon in vitesse. I étot tard, inviron dix heures et d'mi du soir ....J'avos s'n'adresse mais mi, jé m'perds dins l'cité....J' vos tros tiotes files assites d'sur eune bordure ed trottoir, pas pus ed dix ins, j'm'adresse à elles.... Polimint, alles m'espliquent du qu'alle est l'rue....Question: Qu'est c'qu'alles faijotet toutes seules déhors à ch't'heure la ? ? ? ' Les parints is s'in foutent ou quoi ? ? ? Après in s'étonne qui arrife des bricoles ! ! ! .......... .... J' arrife à s'maijon, j' buque al porte, pas d'réponse..."Merte, pourvu qui a pas fait l'con?"...J'va chez les flics, leur esplique el topo. . Heureus'mint qui s'sont pas déringés, j'm'avos trompé d'niméro, is arotent cassé l'porte qui fallot pas ! ! ! ........ . Bin avant cha , ch'fameux camarate i s'étot plain à ses voisins pasque leus gosses is jétotent du gravier dins ses ferniètes: réponse des parints: "Qué voulez vous j in sus pus l'maite! ! " ....... . In aute cop, in i vole sin vélo: Aveu s'n'auto i fait l'tour d'el cité, i vot un jone in train d'armète sin vélo in couleur. Réponse du gosse: " I n'a rin qui proufe qu'ch'est à vous" ....... A l'école, " Em mère alle a core cangé d'père, j'laime bin ch'ti la i est gintil ! ! !".... ..... Les abris bus cassés, les autos brûlées...Les foute in tole, cha servira à quoi ? ? Is vont rincontrer qui, in tole ? ? ? ..... L'éducation cha comminche al maison ...aveu d'el patiinche , in donnant .... l'eximpe...mais pas in criant et in tapant dins l'tas ! ! |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 13:32 | |
|
Quand qu'el pli est pris, in a bin du mau à arvenir in arrière.... .... Surtout, à m''avis, ne pas parler patois aux gosses ..... J'ai vu un gosse dins m'classe, à six ans i savot pas core savoir parler ! ! ! ! même patois ! ! ! ....Un aute qui n'comprenot qu'el patois, heuerus'mint qu'jé l'comprenos mi, l'patois. Un jour i vient m'treuver: "Messieur j'ai eune buque dins m'n'eule ! ! " .... ... L'année d'avant, ch'ti qui faijot l'école avant mi, ch'étot un du midi qui parlot aveu sin fort accint du midi. L'inspecteur i s'pointe... . "Alors, ça va, pas de problème particulier etc... . - Si monsieur l'Inspecteur, celui la, je ne comprends pas ce qu'il dit!!!" Réponse du gamin " Bin , mi non pus j'comprinds pas c'qué té m'dis ! ! ! " ....... . Eune jeune institutrice devot passer sin CAP dins m'classe. Alle prépare eune leçon s'sur ....les cloportes ! ! ! ! Mi j'veux bin cha dot ète passionnant ! ! ! les cloportes ? ? . L'Inspecteur d'mante à un élèfe: "Si on place les cloportes au soleil, que va-t-il se passer ? ? " . Réponse de l'élève: " Is vont ète guerzis Monsieur l'Inspacteur : ! ! ! " L'inspacteur a été pris d'un crisse ed fou rire, ch'est l'première fos qu'jé l'voyos rire comme cha ! ! ..... |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cinsure chu les vidéos à Léon? Lun 11 Jan 2010 - 13:57 | |
|
- pépéPéBé a écrit:
- Surtout, à m''avis, ne pas parler patois aux gosses
..... Ah... et si que les parints et grinds parints is ne connochtent que cha, quo qu'is font? Is abindonntent lus afants? Je vas te dire eune séquo: j'ai un garchon qui est installé avec s'femme (alsacienne) in Gelbique. Is ont fait des afants (français) et is caustent français intre eusautes. Seulemint is habitent dins l'périphérie de Bruxelles, dins un villache avec des eeeuw, des ij et des séquos ainsi. Le nom de lu rue, i faut printe sin souffle pour l'dire, i a grammint puq de lettres que dins inticonstitutionnellemint. Et du coup les afants is vont à l'école chez les flaminds. Et sins avoir jamais intindu causer flamind à lu majon, is ont été à l'école, d'ùche que ch'est interdit de causer français, vu qu'i a des politichiens qui distent "l'union fait la force" et qui distent aussi "ichi in Flandres i est interdit de causer français, et vice versa. I a des lois pour cha...". Tout cha pour dire que mes tiots afants is caustent bien flamind et qu'i faut un tiot peu arrêter de printe les afants que pour des afants... is savtent très bin s'adapter aux situations nouvielles. Si l'situation nouvielle ch'est que tout cha qu'is risqtent à faire des bêtisses, même des grosses, ch'est de devoir écouter un sermon... cha va y aller à la bêtisse (parce que je ne sais nin de qui qu'is tienntent cha, mais question bêtisses, mes tiots afants is n'ont nin beso de professeur...). In est des animaux comme des autres: arwette eune mère cat ou quien qui se fait imbêter par un tiot.... in général i a eune patte qu'elle vole, ou un cop de dints. Infin, ch'est min avis et je le partache... |
| | | batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Cinsure chu les vidéos à Léon? Lun 11 Jan 2010 - 14:12 | |
|
Si je vous deminte, à tertous, de me citer eune séquo qui vous a traumatisé dins vous jonesse, je ne pinse pos qu'eune fessée elle viendrot in première position chez grammint.
Par contre, - vir sin père ou/et s'mère braire parce qu'i a pus de boulot ou pus de sous... là ouais, cha vaudrot une loi pour interdire de mettre les gins au chômache - vir sin grind père ou s'grind mère ne nin in finir de mourir et implorer qu'in l'achève, comme in fait aux animaux qu'in aime, mais qu'in ne le fait nin, ouais, cha vaudrot aussi eune loi - vir sin grind frère partir in Algérie (ou ailleurs) et arvénir dins eune caisse, ouais cha vaudrot eune loi contre les sacrifices humains - vir qu'i a des copains qui voltent dins les magasins ou qui trafiqtent de l'drogue sins que lus parints is les ingueultent, alors que eux, si qu'is se faijottent printe à faire cha i prindrottent l'rouste de lu vie, je ne chus nin sur que cha vaut eune loi. |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 14:49 | |
|
Té sais Batisse, quand qu'les infants is n'alent que 'lpatois al maison, is ont des souvint difficultés in français . Jé l'sais par espériinche. Mi aussi, mes grands, et arrières grands parints parlotent presque tertoutes patois, ch'est pas pour cha qui n'parlotent jamais aux éfants, M'grand' mère maternelle alle nous faijot rire, alle étot d'Méricourt et alle avot toudis parlé patois. . . Avant 1936, is sont partis à Mantes la jolie. Alle s'évertuot à vouloir bin parler français, alle dijot: " J'essaie d'bin parler mais j'donne des rute d'cops pieds à la France", et cha l'faijot bin rire. ...... . Ch'est curieux, les tiots polonais qui arrivotent à l'école avant la guerre parlotent polonais à leus maisons , à l'école is zont bin du apprinte el français, et bin ils l'ont fait sans difficulté et bin souvint i étotent in tête d'el classe. J'cros qu'chétot pasque ch'étot deux lanques différintes. Nous autes in dijot qu'ch'étot pas qu'is avotent des tiètes carrées pour les faire inrager. ...... . J'ai eune tiote file qui vit in ingleterre, alle a appris à parler français aveu ses parints, alle a appris l'inglais à l'école inglaisse...Alle parle miux l'Inglais qu'el français ! ! ! ..... ..... Un cop d'pied au cul bin mérité cha n'a jamais fait d'maux à personne mais i faut qui soichent mérité. A ch't'heure tout est banalisé...in s'crot tout permis, in a tous les drots, pas d'devoirs, .... In pourrot parler pindint des heures ! ! ! ! A plus . |
| | | Invité Invité
| Sujet: Re: Cinsure chu les vidéos à Léon? Lun 11 Jan 2010 - 16:56 | |
|
einnebone fesséecha n'à jamais tué l'intelligence,bien au contraire,quoi qu'in devros dire nous autes,quand on attapoteinne paffe sur es guiffe par éch clerc,in l' dijot pas à nous parints sinon in n'arravos autant,et cha nous a appris à vivre ! |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 19:23 | |
|
Bonjour camarate Ch'duc, nous, à l'école laïque i n'da, des maites qui zéxagérotent quand même pas un tiot peu. I n'da un, un guss ed 100 kilos (aveu les oches), quand qui n'avot un qui faijot ed travers ou qui mingeot un bonbon dins l'classe, i dijot d'inne voix terripe lint'mint: " Viens ici, i ouvrot l'ferniète, jette ça, dehors, t'en as encore dans tes poches, jette ça dehors, " Puis i fallot s'mette "au garte à vous" et pas bouger, i t'balançot eine baffe à décoller t' tiète, si té bougeos, cha comptot pas, i arcomminchot.. Eine terreur....Quand qui t'invoyot à ch'dirlo, t'in prénos eune aute , aussi serrée, et si té plaindos à t'maison t'avos l'drot d'en n'avoir eun trosième ! ! ! In mouftot pas... avant 1942... ..... A l'école lipe 1942, pas d'baffes mais ch'dirlo i faijot tran'ner tout le monte. I rindot les compositions dins l'classe tous les mos....Un jour, i n'avot un qui avot des mauvaisses notes. Il li fait armarquer, l'couillon la, i avot l'air ed rigoler...Sin cahier i a traverser l'classe et i l'a pris in pleine figure " Va rechercher ton père!" L'camarate est arparti pindint les heures ed classe séance ténante arquaire sin père. Comme ch't'homme i étot parti travailler, i est , l'garchon, arvenu el lend'main aveu sin père! ! ! .... Ch'est li qui donnot les cours ed religion, in étot tertousse fort in instruction religieusse et in histoire sainte ! ! ! .. Personne n'vénot casser la g. à ches maites , is avotent toudis raison ! ! ! . |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Cinsure chu les vidéos à Léon? Lun 11 Jan 2010 - 19:28 | |
|
.. J'ai pblié l'meilleure. In étot à l'étache, un jour, à l'école laïque, i n'avot un qui avot fait d'travers.... ch'gros maite a ouvert el ferniète, i a pris l'élèfe par el colbak et i l'a mis au dessus du vite:" Tu vois, si tu recommences, je te lache"... et toudis in parlant d'eun voix forte mais très lentemint ! ! ! . In a souffert dins note jeunesse mais in n'est pas morts ! ! ! |
| | | Matante
Sexe : Date d'inscription : 28/12/2009 Messages : 781 au Nord
| Sujet: Re: Cinsure chu les vidéos à Léon? Lun 11 Jan 2010 - 19:42 | |
|
Astheure les jeunes is sav'tent qu'in peut nin les toucher...et is nous le distent ! Parconte eux is ont tous les drots et in dirait pour certains qu'in leur a jomais dit NON et ch'est des vrais co' su' leurs ergots qu'in j'ose el dire c'te fameux mot, is mettent lu' tête à 10 cm de l'mienne et ch'est les insultes qui pleuvent !!!!! (j'avoue qu'à l'usine ch'est des cas particuliers et que tous les jeunes sont nin comme cha heureusemint....is sont plus nombreux à ete des personnes "bien" que l'public que j'cotoie au boulot) |
| | | Invité Invité
| Sujet: Re: Cinsure chu les vidéos à Léon? Lun 11 Jan 2010 - 19:46 | |
|
in étant jonne, j'ai bien eu des coups ed ceintuture ed pompier sur mes fesses, et in plus fallot core dire merci papa , pour ches coups ed cheinture,din in sens ,cha nous à appris à vivre et à etre respectueux , pour tout cha ej dit merci papa ,grace à l'école et à ti ,j'ai appris à respecter les anciens !! |
| | | Contenu sponsorisé
| Sujet: Re: Cinsure chu les vidéos à Léon? | |
|
| | | | Cinsure chu les vidéos à Léon? | |
|
Sujets similaires | |
|
Page 1 sur 1 | |
| Permission de ce forum: | Vous ne pouvez pas répondre aux sujets dans ce forum
| |
| |
| Qui est en ligne ? | Il y a en tout 0 utilisateur en ligne :: 0 Enregistré, 0 Invisible et 0 Invité :: 1 Moteur de recherche
Aucun
Le record du nombre d'utilisateurs en ligne est de 54 le Sam 5 Juil 2014 - 16:40
|
|