Samedi j'ai eu eune bielle surprisse qui a fait caud à min coeur.
Au mitan d'l'après midi alors que j'étos les mains dins l'compote, in sonne, j'vas ouvrir les mains toutes collantes su l'pugnée de l'porte et là j'me troufe nez à nez avec eune bielle jonne file qui me dit "coucou ma nounou, c'est moi !"...
Ben, ben, ben que surprisse, une de mes anciennes tiotes qui venot m'faire un tiot bonjour ! mais que plaijir !
Faut dire qu'in s'étot pas vue d'pis pusieurs années, in dehors d'eune circonstance bin triste, l'décès d'sin papa d'ù que bin sur, in avot pas pu protifer in plein d'nous artrouvailles...
L'tiote avot déménagé d'pis pus d' 10 ans avec s'maman dins un aute départemint et même si in correspondot in avot pas cor eu l'occasion d's'arvir in chair et in oches.
C'qui m' fait plaiji c'est que l'tiote d'artour du Canada d'ù qu'allle a finit ses études et su l'point d'arpartir in amérique du sud pou travaller avec eune mission humanitaire a tenue à v'nir prinde d'mes nouvielles.
Ben, là in s'dit que tous les ans qu'in les a choyé, cangé, habillé, nourri, éduqué in criant parfois (bin ouais ch'est pas toudis sache les tiots), ben tous ses ans là ont porté leu fruits et qu'in fait toudis partie d'leu vie à chés tiots !
Après nous embrassades cha a été un grind momint d'babellache avec gramint d'souvenirs qui armontottent à l'surface.
A un momint l'tiote (heu 23 ans quind même) m'a demindé si alle pouvot arfaire l'tour d'toutes les pièches de l'majon pace que dins sin souvenir d'infant alle trouvot que les pièches étottent immenses... pou dire à l'fin de l'visite "heu non elles sont normales les pièces" c'qui m'a bin fait rire !
Comme quo l'argard des infants....
In a promis d'pus rester autant d'années sins s'vir....

Donc te prépares tin passeport pour aller in Amérique du Sut !

Te m'étonnes que cha fait plaiji des séquos ainsi. Je chus fin bénaiche pour ti.

Cha dit, te m'excuseras, mais te m'as fait sourire (ch'est bin...) avec t'n'histoire de chair et d'oches. Ch'est vrai qu'à forche d'user toutes les routes de France avec tin vélo, tes oches is dottent affleurer de partout à ch't'heure.

Min diu Batisse, y a cor bin pus d'chair que d'oches, in est loin d'vir à traver mi !
Pis asteur que j'ai arpris l'boulot, min vélo y s'arposse... va falloir treuver un momint l'ouiquende pou in faire mais l'musique va bintôt arprindre et du cop y va pus rester que l'diminche et l'diminche bin ch'est l'jour de l'famile ou des amis, ù l'jour d'ù que j'fais RIN !... mes copains-copines qui sont presque tertous à l'artraite vont m'coiffer au poteau à l'prochaine sortie !