. L’Zeph, i avot deux motos : Inne 4 cv Terrot 1929, latérale, boîte de vitesse séparée, fourche genre traverse ed quémin d’fer (55 km à l’heure in pointe)(1) et.....Inne 250 cm3 BSA, deux timps, inne tiote nerveuse inglaisse.
. Bolek,sin copain polonais,i li, n’ avot qu’ inne moto, eune 125 cm3 (1939) Motobècane à quate temps, …(60 km à l’heure)...
. Un jour, is ils décitent d’aller faire un tour à moto et d'inviter leu copain Nénesse, un démotorisé.
. « Nénesse, té viens faire un tour à moto aveu nous ? qui dit Zeph , j ’vas t’prèter em 'BSA, in ira à Vimy ? ? ? .
- Ouais, j’voudros bien ,mais j’ai pas d’capote in cuir comme vous autes, ej va ete ingélé, … i fait pas caud aujord’hui..
. - J’ai core inne aute d'capote, t’ara qu’à l’mette. li répond zeph
. - J’sus t’ inrhumé, j’va avoir frod am poitrine, i a pas d’freuture éclair par dévant à t’capote. ! ! !
. - T’as qu’a mette, el’capote, à l’inverrrrs, comme cha l’vint i passérrrra pas, t’arrrras pas frrrrod !! li répond Bolek, qui avot toudisl’bonne idées
. - Ouais d’accord J’i avos pas pinsé ! ! Ch t’ inne bonne idée ! ! »
. - Zeph et Bolek li donnent un cop d’main pour li infiler l’capote,... à l’invers , et li ablouquer les boutons.... dins sin dos . Ch’atot parfait.. L' vint i pouvot pas passer.
. Les v’la partis tous les tros ……, L’ BSA , ch’atot inne fusée à côté des deux autes motos ! ! Vous érotes vu cha, pas moyen d’el suife, el Nénesse, …..pus d’Nénesse, disparu dins un nuache d’poussière et d finquère…
. .Zeph et Bolek is essayotent d’el rattrapper, , pas moyen ! ! ! I Pus BSA in vue, pus d'Nénesse, disparu au bout d’el rue ! ! ! !
.........
- …Après avoir roulé inne quinzaine ed kilomètres, Zeph et Bolek arriftent dins un virache du qu'i avot un attroupemint, eud' diape, les pompiers, la police….un tas d’gins…et....in intindot des des cris épouvantapes.
. - « Quest ce qui s’passe ichi ? démante el Zeph à un argardant, un tue un pourchieau ?
. - Nan Messieur, i a eu un acident d’moto, m’sieur. I a un motocyclisse qui a raté sin virache, i est allé valdinguer dins l’pâture, au mitant d’ches vaques. Vous verrotes commint qu’i est arringé ! ! ! ! ........ I a s’tiète artounée, à l’invers, les pompiers i sont in train d’essayer eud' l' armette, s'tiète, à l’indrot ! ! !