tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: J'ai vu des cigognes Sam 21 Juil 2012 - 10:36 | |
|
Nin mes gins, j'sus nin d'allée in Alsace mais hier j'ai vu pusieurs cigognes... In avot décidé avec un coupe d'amis d'faire eune sortie in vélo que ch'étot eune grinde avinture pou mi, vu que cha faisot quate ans que j'étos pas armontée d'sus min vélo... j'fais bin du vélo d"appartemint, mais ch'est nin parel... surtout pou l'fondemint ! j'ai d'maux à m'asseoir aujourd'hui ! Comme dins nou bieau beaujolais cha grimpe vite in est parti dins l'départemint vojin, l'Ain, d'ù que les routes sont pus douches à mes tiots mollets et dins l'Ain y a plein d'étangs dins la Dombes (cha s'écrit bin avec un S bin que cha seuche LA) et là in a vu plein d'hérons, des aigrettes et des cigognes et plein d'autes osieaux que j'connos nin les noms (pis is sont pas v'nus s'présinter). Ch'étot vraimint eune bielle proumenate, i faisot nin trop caud, in a pique niquer aux abords d'une bielle abbaye qu'in a nin visitée, fallot finir l'circuit, l'pleufe menaçot et là in arvenant d'ù qu'in avot laissé les carettes, min homme qui a un compteur d'sus sin vélo, me dit "à tin avis combin in a fait d'kilomètes ?", j'in savos rin, j'ai nin d'trop ravisé les panneaux, concintrée d'sus mes cangemints d'vitesses et d'plateaux qui m'faut toudis un momint pou m'y faire.... Bin mes gins j'sus pas peu fière, j'ai fait 66 kms, bin sur pou grindemint ch'est de l'bibine, j'auros suremint nin l'maillot jaune, mais pou eune arprise j'troufe que ch'est pas mal, pis mi j'sus nin dopée à l'EPO, foque dopée à l'amitié.... Si l'matin i m'avottent dit que l'circuit faisot c'nombe d'kilomètes j'sus nin sure que j'auros pris l'départ, is m'avottent annoncé 40 km inviron... bande d'malins ! Ha ouais ! j'ai argretté d'avoir oblié min apparel photo d'sus l'tape de l'cujine, infin valot miux l'apparel que l'casse croûte, j'auros pus faire l'bielles photos des cigognes et cie... cha s'ra pou l'prochain cop ! |
|
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: J'ai vu des cigognes Sam 21 Juil 2012 - 12:04 | |
|
OUAH!!! 66km... bin t'as la fait eun' super promenade,et ch'est plaigir et d'faire cha à plusieurs,in tout cas j'te félicite,pour eun' reprise, t'as vraimint mis l'braquet... |
|
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: J'ai vu des cigognes Sam 21 Juil 2012 - 12:41 | |
|
J'in ai photographiè des cigones par ichi, alles étotent in vol . faut q'i'artreufe les photos...i in a tell"mint,... d'photos ! ! ! |
|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'ai vu des cigognes Sam 21 Juil 2012 - 16:37 | |
|
Ben, i n'a nin eune selle de guernoule chu tin vélo?
Mi du timps que j'in faijos du vélo (j'allos à l'fabrique à vélo...) j'avos toudis des selles de guernoules, bin larges pour bin poser l'viante chu un maximum de surface...
Je ne sais nin commint qu'is font les coureurs à vélo, assis chu pratiquemint des coutieaux de cuisine.... |
|
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: J'ai vu des cigognes Sam 21 Juil 2012 - 20:30 | |
|
. J"ai intindu dire qu'is mètent eune escalope d'sur leu selle.....mais les gins sont mécants.... I n'darot même qu'is s'doprotent in métant un cactus....d'sur leu selle ou ayeurs ..mais les gins sont mécants..... |
|
Contenu sponsorisé
| Sujet: Re: J'ai vu des cigognes | |
|
|