Sexe : Date d'inscription : 22/12/2009 Messages : 3111 Dins le beaujolais (69)
Sujet: Marathon musical Lun 18 Juin 2012 - 10:16
Cha y est j’ai fini min ouiquende « marathon musical » ! Bin in f’rot pas cha tous les ouiquendes ! Hier au soir j’étos mate et couquée à 22 h 00. Pou mi ch’est d’bonne heure. Cha a comminché par jeudi au soir, générale du spectaque de l’chorale, rintrée à 23 h 30.. Pis, vindredi soir, générale du concert d’l’orchestre, là in a pas fini pus tard car l’salle d’ù qu’in répète devot servir l’lindemain et i avot d’l’installation à faire par l’aute association, mais du cop in a fait eune répétiont de « ouf » comme distent les jonnes, sins pause et j’étos vidée ! Samedi au matin, in juot in plein air avec l’quintette d’clarinettes pour l’visite des majons vigneronnes du villache….. I avot un groupe d’musique différint dins chaque majon. In avot l’chance d’ête dins l’première majon du circuit et du cop j’ai pu faire l’reste de l’visite et j’ai vu des bielles cosses ! In vot toudis les portails freumés et in s’imagine pas tout cha qui peut y avoir derrière !!! Des bieaux fours à pain, qui servottent au sièque derni pou faire l’pain du villache, des bielles caves et celliers voutés… très très intéressant ! Diminche matin, l’concert in plein air avec l’orchestre, in a fini in plein solel, in a pris d’bielles couleurs et in a bin trinspiré avec nous quemiches noirtes à longues manches et nous longues maronnes noirtes aussi…. J’ai mingé in vitesse avec les copains de l’musique et j’sus arvenue chez mi prindre eune bonne douche, faire eune tiote sieste avint d’arpartir à 16 h 00 pou l’concert de la chorale. In juot dins eune majon d’artraite et in a donné bin du plaiji à chés petits viux, faut dire in a un programme assez rigolo, toutes les canchons mises in scène… Heureusemint que chés résidents étottent contints et nou ont armercié pace que question responsape de l’majon d’artraite, in a vu personne ! A part eune gintille aide soignante qui nos a ouvert l’porte… L’directrice est restée dins sin bureau et à la fin d’nou prestation in a même pas eu un verre d’ieau ! Ni d’merci de s’part !.... Très très décevant, quind in pinse qui cach’tent toudis des gins pour faire d’l’animation, gratuite, ch’est pas avec eune telle attitude qu’in a invie d’s’ingager. Infin in l’a fait pou chés pépés et mémés.
Asteur cha y est j’sus in vagances musicales jusqu’in septimpe. I reste foque eune répétition d’chorale et eune d’orchestre mais in va pas gramint répéter, in va putôt s’artrouver autour d’un buffet… In va cor un tiot peu aussi répéter avec l’quintette d’clarinette pindant les mos d’été mais in va faire cha chez les uns et les autes et finir par un barbecue.
J’ai querre chés momints « musicaux conviviaux »…
min nain
Date d'inscription : 11/06/2011 Messages : 391 Hérault
Sujet: Re: Marathon musical Lun 18 Juin 2012 - 13:45
Vois-tu tiote,nous aussi in fait les maisons d'artraite (5 in tout), en juin et avant noËl. Et bien, i en a où in est toudis bien reçu, in goûte avec ches gins: is nous font des chouquettes por nous faire plaisi ou des gâteaux maisons. Et d'autes où in n'vot personne. de plus les personnels font un boucan de tous les diabes ou is papottent tout haut comme si in existot pas. Ch'est vrai qu'i n'a beaucoup ed sourds mais quand même. inne faut, j'ai réclamé d'l'eau pour mes propres choristes, leur rappelant que certains d'entr'eux avaient de 85 à 93ans et qu'ils fallait les ménager: J'avoue qu'j'étos in colère. Is cantent quand même entre 15 à 18 canchons et debout! Mais comme té dis, in l'fait por chez pinsionnaires qui sont si heureux quand in arrife,( por ceux qui nous arconnaissent, bien sûr!) Mais à propos, des canchons avec des mises en scène, ça m'intéresse. Comment se les procurer?????
Matante
Sexe : Date d'inscription : 28/12/2009 Messages : 781 au Nord
Sujet: Re: Marathon musical Lun 18 Juin 2012 - 17:10
Dins m'voture, quanque j'fais un voyache, j'mets des diquses et j'in ai un des frères Jacques et chaque fos que j'intinds "l'canchon malate" j'pinse à ti Tiote bellotte, j't'imagine toute molassonne in cantant cha, les gens is doiv'tent bin rire.
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
Sujet: Re: Marathon musical Mar 19 Juin 2012 - 10:26
Té cros pas si bin dire matante ! pou cheule canchon là "chanson sans calcium", l'mise in scène veut qu'in seuche tertous à mitan courbé, in s'tenant ou bin la hanche, ou bin l'dos, infin faire vir qu'in a des douleurs mais in n'bougeant surtout pas et in martelant bin les mots, l'tiête bin droite.... bin mi, rester sins bouger j'ai d'maux ! et à eune répétiiton nou metteur in scène est venue derrière mi m'tenir l'tiête que j'arrêtos pas d'hochener paraitrot-il... pou mi j'bougeos nin mais j'ai vu qu'alle avot raison in ravisant l'vidéo de l'répétion ! comme quo faut toudis acouter sin metteur in scène ou sin chef de choeur (ou d'orchestre )
Alors pour réponde à min nain, nous canchons qu'in "vit" sur scène ch'est un metteur in scène qui travalle avec nous qui décide de c'qu'in pourrot bin faire. Au début de l'saison, in cujit les canchons, in comminche à répéter et quind in les sait presque in travalle un premi diminche tout l'journée avec un metteur in scène qui comminche par nos acouter, prinde des notes et après alle nos dit c'qu'alle aimerot qu'in fasse su telle ou telle canchon. Bin sur alle in discute avec nou chef de choeur et nou pianiste et nos deminde toudis si in est à l'aise avec l'mise in scène, alle est très à l'acoute et in a tertous querre travaller avec elle. (alle dirige aussi une chorale su Lyon) Après cha, les autes diminche, 3 ou 4, in peaufine... des fos in rajoute des cosses, des fos in in artire, pis des fos comme in s'connot bin dins l'chorale i n'd'a qui donn'tent des idées ou qui pren'tent des initiatifes et in vot si in garde... infin ch'est toudis des bonnes parties d'plaiji même si cha deminde gramint d'concentration. Alors comme té vos min nain, i a rin d'écrit, mais in respecte toudis l'partition pou la musique et l'texte. Faudrot que j't'invoe l'dvd du concert pour que té voches miux tout cha
min nain
Date d'inscription : 11/06/2011 Messages : 391 Hérault
Sujet: Re: Marathon musical Mar 19 Juin 2012 - 18:43
merci tiote por l'instant, j'cache après l'partition de l'canchon:' ma liberté" cantée par regianni et reprise par chimène Bady. Si quequ'un l'a, ça s'rai super!
camanette
Sexe : Date d'inscription : 22/12/2009 Messages : 611 chef lieu du pas de calais
Sujet: Re: Marathon musical Mar 19 Juin 2012 - 22:28
j'cros que ché putôt Moustaki qui cantot cha
te vas sur goo... te tapes: " paroles de la chanson ma liberté"
et te les as....
mi, aujourd'hui pis hier j'ai participé à un atelier d'écriture dins l'cadre d'eune manifestation qui a lieu tous les ans à Arras et qui s'appelle "faites de la chanson" cha s'adréche à tous les amateurs de tous poils, les bons et les moins bons...
y nn'a qui cantent, des qui jutent un instrumint, des qui font les deux; des qui écrivent' des textes, de l'poésie, des paroles d'canchons à méte su de l'musique
j'ai pris un rute plaiji, chéto l'première fos et j'sus prête à arcommincher quand qu'y veulent'
flersois
Sexe : Date d'inscription : 27/11/2010 Messages : 1886 Belgique
Sujet: Re: Marathon musical Mer 20 Juin 2012 - 18:57
min nain a écrit:
merci tiote por l'instant, j'cache après l'partition de l'canchon:' ma liberté" cantée par regianni et reprise par chimène Bady. Si quequ'un l'a, ça s'rai super!
Sinon, te l'as in karaoké ici :
Loumarcel
Sexe : Date d'inscription : 26/12/2009 Messages : 1417 Prés de Montpellier
Sujet: Re: Marathon musical Jeu 21 Juin 2012 - 17:04
J'cros que min nain alle cache après eun' partition, ch'est eun' feulle ed papier avec des lines (l'portée) et avec des notes ed d'sus (des ronds avec des queues au d'sus ou in d'sous) . J'cros que ch'est avec des partitions parèles que Tiote bellotte alle jue del musique avec s'clarinette trombonne.
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
Sujet: Re: Marathon musical Jeu 21 Juin 2012 - 17:26
tout à fait marcel... dins un premi timps j'voulos mette in photo l'partition de l'canchon dormoire, puis j'me sus méfiée d'un évintuel passache d'un arprésintant de la s****m, comme in a pas l'drot aux photocopies.... i a eune chorale du coin qui s'a fait contrôler lors d''eune répétition, ben 30 roros par paches photocopiées !!! i z'ont vraimint rin d'autes à faire chés gins là !!! avec chés méthodes là tout chés tiotes chorales et tiots groupes d'musique y vont disparaitre
Dernière édition par tiote bellotte le Jeu 21 Juin 2012 - 18:00, édité 1 fois
Loumarcel
Sexe : Date d'inscription : 26/12/2009 Messages : 1417 Prés de Montpellier
Sujet: Re: Marathon musical Jeu 21 Juin 2012 - 17:32
J'voulos in mète eun' aussi mais j'arriff' pus à mète des photos, pourtant j'sus pas allé à Dunkerque.
Loumarcel
Sexe : Date d'inscription : 26/12/2009 Messages : 1417 Prés de Montpellier
Sujet: Re: Marathon musical Jeu 21 Juin 2012 - 17:43
Alors min nain fais gaffe à ti avec tes partitions.
Au fait Tiote, j'croyos qu'i fallot que che spectaque i soit payant pou leur payer des drots. Mais là c'étot uniquemint que pou chés photocopies ??? et pindant eun' répétition eun' répétition in pus Et dépèche te d'inl'ver leur nom ed tin messach', is vont ar'trouver qu'in parle d'eux ichi.
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
Sujet: Re: Marathon musical Jeu 21 Juin 2012 - 17:59
Loumarcel a écrit:
Alors min nain fais gaffe à ti avec tes partitions.
Au fait Tiote, j'croyos qu'i fallot que che spectaque i soit payant pou leur payer des drots. Mais là c'étot uniquemint que pou chés photocopies ??? et pindant eun' répétition eun' répétition in pus Et dépèche te d'inl'ver leur nom ed tin messach', is vont ar'trouver qu'in parle d'eux ichi.
bin non faudrot j'artreuve l'texte exact, j'peux l'deminder à mi chef d'choeur ou d'orchestre... t'as raison j'vas artirer leu nom
min nain
Date d'inscription : 11/06/2011 Messages : 391 Hérault
Sujet: Re: Marathon musical Ven 22 Juin 2012 - 16:03
Cha y est, j'ai trové l'partition de "ma liberté" et merci à flersois pour le Karaoké. Dis tiote, quand on fait nos partitions, nous même, par exempe recopier en + clair une vieille partition, on doit pouvoir les photocopier sans avoir peur d'une amende. Qu'en penses-tu?
Mérilou
Sexe : Date d'inscription : 12/01/2010 Messages : 737 Touraine
Sujet: Re: Marathon musical Sam 23 Juin 2012 - 16:10
Pauff min nain... fait nin cha malheureusse! .. vlà cha qu'j'ai trouvé:
Si vous faites une copie manuscrite de la partition avant de la reproduire, le cas est aggravé par le plagiat, faux et usage de faux.
Déjà qu'l'aminde ch'est 30 roros par photocopie, y va nin rester gramind d'doupes dins ches tiotes associations d'canteux.
Te vos; in devrot tertous s'cotiser pour t'apporter des oranches in prison... ou bin des gauffs Rita, pour les causses désespérées!
In crot qu'in peu canter comme in veut mais ch'est nin vrai.. peut être que faire un montache à partir d'eune vraie partition comme y faut aveuc un rétroprojecteur, cha permet de nin ête hors la loi?
batisse
Sexe : Date d'inscription : 22/12/2009 Messages : 5194 St Dié dins les Vosges
Sujet: Re: Marathon musical Sam 23 Juin 2012 - 18:13
Faudrot deminder commint qu'is font les tiots canteux à l'gueule de bos, ou les choeurs de l'armée rouche, ou de l'notre...
min nain
Date d'inscription : 11/06/2011 Messages : 391 Hérault
Sujet: Re: Marathon musical Sam 23 Juin 2012 - 18:14
eh bin, j'en ai les bras qui quettent! Por septempe, j'cache comme tous les ans 20 canchons por travailler toute l'année. J'fais alors 21 cahiers (por l'instant, in est 21) avec chez 20 novelles canchons. Ch'est un boulot fou. comment résoudre le PB? In n'fait que du bien, (Sauf parfos por nos orelles!), in n'deminde pas un sou; J'sus dégoûtée. Où pourrait-on s'renseigner sans s'faire armarquer?
batisse
Sexe : Date d'inscription : 22/12/2009 Messages : 5194 St Dié dins les Vosges
Sujet: Re: Marathon musical Sam 23 Juin 2012 - 18:18
Bon, sérieux à ch't'heure... tchand que te seras in prison min nain, quo qui te ferot plaiji qu'in t'apporte au parloir?
Un life avec tout plein de canchons... cha dot être rudemint cher vu cha que l'sacem elle dot printe à l'imprimeux à chaque cop. Cha ne fait rin, in se cautérisera!
batisse
Sexe : Date d'inscription : 22/12/2009 Messages : 5194 St Dié dins les Vosges
Sujet: Re: Marathon musical Sam 23 Juin 2012 - 18:19
min nain a écrit:
eh bin, j'en ai les bras qui quettent!
Cha va être moins pratique pour faire cheftaine d'orchesse.
Infin, je dis cha, je ne dis rin hein.... je suppose que te peux incore balocher t'tiête.
batisse
Sexe : Date d'inscription : 22/12/2009 Messages : 5194 St Dié dins les Vosges
Sujet: Re: Marathon musical Sam 23 Juin 2012 - 18:21
Ch'est nin comique, mais commint qu'is font les gins sins bras (et les guernoules avec des ongles de 5 cm...) pour se torcher le trou de balle?
Bon, j'admets qu'in s'éloigne un tiot peu du sujet...
batisse
Sexe : Date d'inscription : 22/12/2009 Messages : 5194 St Dié dins les Vosges
Sujet: Re: Marathon musical Sam 23 Juin 2012 - 18:25
I parait qu'à Lens i a un motard qui grattot s'tiête avec sin casque dessur.
Du coup i a quelqu'un qui li a demindé pourquo qu'i faijot cha. Et l'autre i a dit "et ti, tchand que cha gratte à tin tchul, t'inlèves t'maronne?".
I n'd'a des rutes dins ch'coin-là énon?
min nain
Date d'inscription : 11/06/2011 Messages : 391 Hérault
Sujet: Re: Marathon musical Sam 23 Juin 2012 - 18:38
Bon! t'es hors sujet, Batisse, mais cha fait oublier nos misères et j'ai bien ri de tes co....ies.
quant à l'prison: que des oranches très, très sucrées. Là, in est logé et nourri et cauffé avec télé et salle de sport: Alors, cha va , MAIS JE NE VEUX PAS PAYER!
batisse
Sexe : Date d'inscription : 22/12/2009 Messages : 5194 St Dié dins les Vosges
Sujet: Re: Marathon musical Sam 23 Juin 2012 - 18:43
Rassure te: in ne va nin te les faire payer tes oranches. In n'est nin comme cha nousautes.
Infin... au moins les 59...
min nain
Date d'inscription : 11/06/2011 Messages : 391 Hérault
Sujet: Re: Marathon musical Sam 23 Juin 2012 - 18:47
bon, j'ai l-impression qu'on a été censuré! Je pense que c'est pour la bonne cause
Dernière édition par min nain le Sam 23 Juin 2012 - 18:50, édité 1 fois
min nain
Date d'inscription : 11/06/2011 Messages : 391 Hérault
Sujet: Re: Marathon musical Sam 23 Juin 2012 - 18:49
bon, j'ai l-impression qu'on a été censuré! Je pense que c'est pour la bonne cause
min nain
Date d'inscription : 11/06/2011 Messages : 391 Hérault
Sujet: Re: Marathon musical Sam 23 Juin 2012 - 18:52
non pas du tout mais je n'arrife pas à inl'ver c'que j'ai écrit, et j'ai même bégayé! Au secours!