Salut mes gins,

I faut que je vous fasse profiter d'eune grinte découverte de l'civilisation moderne toute impreinte d'écologie et qui fait tout cha qu'elle peut pour respecter l'nature et rester au plus près d'elle. Qu'elle dit.

Ch't'au midi je prépare l'cuisse de dinde que j'ai acatée hier pour min diminche midi et eune paire d'autres repas. Tchand que je l'ai acatée, je l'ai prise dins le rayon et je l'ai mise dins min caddie. Et chu ch'coup-là je ne me chus nin fichu de mi: j'ai pris de l'marque (le gaulois).

Et quo que j'ai découvert in arsortint le paquet du frigo? Je vous le donne in mille émile. Ch'étot écrit cuisse de dinde mâle. Comme je vous le dis mes gins.

Commint qu'in peut oser écrire cha alors que tertous et sin quien i sait qu'eune dinde mâle ch'est un dindon?

Vous me direz, l'plupart du boeuf qu'in minge ch'est de l'vaque, mais j'ai jamais vu boeuf fumelle chu les paquets de barbaque.

D'ùche qu'in va messieurs? Ouais ouais, ch'est à vousautes que je cause les guernoules, que si que cha continue in va vous appeler les hommes fumelles.

D'ichi à ch'qu'in découvre des paquets d'oeufs de coq.... Le monte i tourne maboule énon?

J'peux répondre malgré que j'seuche eune fille ? attinds, j'vérifie quind même, in n'sait jamais.... ouais j'confirme, cha n'a nin cangé pindant l'nuit, ouf !

Alors à min avis avec tout cha, in est les dindons de l'farce, garchons comme filles...

Citation :

. Ch'étot écrit cuisse de dinde mâle

Ché surmint du dindon transexuel que te vas minger !!!!


Atintion, c'est pététe contagieux !!!

Au sujet de l'dinde, du dindon
Si té démantes dins tout l'région d'Boulonne c' que ch' est qu'un codin, tout l'monte i répondra ch'est eune dinte (dinde)...A Licques, région des codins, tous les ans i a l' foire aux codins
In résumé i va falloir faire eune inquête pour savoir si qu'is nous vintent des mâles ou des femelles et préciser sur les paquets cuiches ....cuiches d' codins mâles ou cuiches d'codins femelles .
..;;;.
. Dins l'glossaire in dit qu' ch'est un coq ......d'indes ? ? ? Dins que coin.....
.......
..............
. A cha in peut ajouter qu'un grand codin ch'est pas seul'mint un grand dépindeux d' andoulles mais aussi un niquedoule
;...........
J'utilise seven que dallache pour s' adapter ! ! ! ! Ch'est dur pour un viux d's'adapter, je brandoule comme ch' est pas permis

Cha , ch'est plus fort que l'roqu'fort,Batisse!
J'a l'impression que tin " coq gaulois" y fait imballer ses cuisses ed dinde à l'étranger,et y a problèmes ed traduction.philosophiquement, y vaut mieux pinser comme cha!
Mais si j'étos ti, j'écriros au "coq gaulois" por deminder des explications! rien qu'por vir el réponse! I doivent avoir un' adresse mail, mais n'oublie pas d'parler français et p't'être qui vont comprinte et por s'faire pardonner, i t'inverront un bon d'achat por acater un' aute cuisse de dinde mâle!!!!!

Un codin ch' est eune dinte, i n" a pas d'mot pour dindon. I n' da pétète pas, d'codin mâle, ch' est l' cincier qui dot pétète s' dévouer ? ?

Citation :

Un codin ch' est eune dinte, i n" a pas d'mot pour dindon. I n' da
pétète pas, d'codin mâle, ch' est l' cincier qui dot pétète s' dévouer
? ?

T'as tout faux pépé
un codin ch'est un dindon
et l'femelle du dindon, ch'est eun' pourdaine
la preuf!!! ichi in d'ssous,clique sur le lien
http://www.videochti.fr/blog/lire-article-91770-1200958-les_lecons_de_patois__n_3__codin_.html

Ch'est bin ti qu'a raison Roger. Pourdaine j' connaichos ch"mot la mais j' l'ai jamais intindu dins eune conversation. cha m' est pâs arvénu à l' esprit.
. J' vas d' mander à min camarate gardinier d' main si qu'i connot ch' mot la pour savoir c'qui va dire. I a quatre vingts balais mais i n' a jamais été à pus d' quinsse kilomètes d'ichi, sauf pindint sin service militaire.
.A plus et merci d' avoir éclairé MDR.

J'imagine' inscrits d'sur les paquets à Batisse quand qu'i acate des cuiches d'Liques:
....Cuiches de bourdaines
....Cuiches de codins....
MDR
....Cuiches d' guernoules ! ! !
MDR...j'sus *** mais cha m' fait rigoler.
...
In n'gane pas grandmint mais in l' a à belle et in rigole bin ichi.
... I n" a pas grandmint d'costipés...
MDR

Bon, vous me connaichis, je chus un garchon simple et nin copliqué.

Du cop, pour mi, eune dinde c'est l'déformation de poule d'inde (vu que cha a été importé d'un autre continint qu'au départ in pinsot que ch'étot l'inde) et codin c'est l'déformation de coq d'inde....

Après cha, i a du avoir des viux sinciers boyaux rouches qui n'avottent pus de dints et qui prononçottent cha à lu mote... comme tchind qu'in dit qu'in a un rhube au liu d'un rhume!

min nain a écrit:

Mais si j'étos ti, j'écriros au "coq gaulois" por deminder des explications! rien qu'por vir el réponse!

Je viens de le faire. In verra la suite. Je vous tiens au courint!

In tous les cas i n'a que mi que cha a choqué au point d'in causer... si in buque dinde mâle chu gougoule, in tchet direct chu wikimachin qui donne eune explication (in parler gaga, que ch'est du stéphanois, in dit eune dinde pour un dindon et eune dindonne pour eune dinde...), après i n'est question que de pourcheaux d'inde et le premi sujet qui cause de dinde nin poucheau mâle, ch'est le mien d'ichi in haut!

In faisant mes commissions ch't'au matin, j'ai nin vu "d'dinde mâle" ch'étot toutes des cuisses ed dinde.....non mintionné l'sesque !

L'fête des codins à Licques

A coté d' Licques, in elèfe des autruches............ mâles ? ? ?
......Ch 'est délicieux d' l' Emeu ! ! ! Vous avez déja goûté ?

Vinguette, vous m'in faites faire vousautes....

Exprès pour vous je vas incore minger de l'cuisse de dinde pindint tout le ouaiquenne. J'ai été n'd'in racater eune juste pour vous prouver que je ne vous raconte nin de cacoules.

Bon, pour être honnête et de bonne fo - vous me connaichis - ch'est probablemint nin le gaulois qui fait la bourde, mais monsi leclerc et s'n'étiqueteusse. N'impêche que monsi leclerc i n'écrit cha que chu les cuisses du gaulois....


Bon, qui qu'ch'est qui a eune bonne arcette pour cuire cha?

Et je chus in train de me rinte compte qu'elle n'est nin de l'première fraicheur cheule barbaque.... vinguette comme le timps i passe!

Te l'arcouvre de curry et te la fais arvenir dins d'el matière grasse et te la fais cuire au four ou tout doux dins tin couet....après te mets d'el crème fraîque in fin d'cuisson et t'accompagnes d'nouilles ou poreaux ou....tout chin qu'te veux. Te peux même el flambée au cognac ou au calva avant de l'laisser cuire....te peux faire marcher tin imagination ! Bon appétit

Te fais des tros d'dins , te mets des gousses d'ail dins chés tros...et te la fais cuire au four...

Te peux aussi séparer l'bas de l'cuisse et faire du bouillon avec...

batisse a écrit:

Vinguette, vous m'in faites faire vousautes....




Bon, qui qu'ch'est qui a eune bonne arcette pour cuire cha?

Et je chus in train de me rinte compte qu'elle n'est nin de l'première fraicheur cheule barbaque.... vinguette comme le timps i passe!

Vinguette 1,773 kg ches pus d'eul dinde in dirot bentôt eune cuiche d'autruche ....

batisse a écrit:

Bon, qui qu'ch'est qui a eune bonne arcette pour cuire cha?
[/size]

valà min garchon, va vire dins l'rubrique adéquate, infin ch'est l'rubrique du forum mais ch'est quind même l'rubrique adéquate...
1 kg 700 g !!! té va faire au moins 4 arpas, ou bin in peut venir.....

Cha do ète des codins d' D'Lubersac, in Corrèsse, batardée aveuc des zémeux ! ! !

flersois a écrit:

Te peux aussi séparer l'bas de l'cuisse et faire du bouillon avec...

Ch'est nin que je peux... je dos! Autremint cha ne rintre nin comme i faut dins le couet.

Et à chaque cop que je cope eune cuisse de dinde, même mâle, in deux, j'ai de l'admiration pour les chirurgiens qui vont réparer à l'intérieur des genoux. Dins min cas, l'dinde elle ne risquerot nin d'armarcher si qu'elle étot foque indormie....

Finalemint, je l'ai faite avec cha que j'avos sous la main: de l'hule d'olive, des oignons, de l'pâte de curry, du vin blanc et un tiot peu d'ieau pour nin que cha attache parce que le derni cop j'avos mis in puq de l'crême fraiche et cha avot attaché (juste un tiot peu).

quint t'artourne au magasin te d'vros regarder quo qui est marqué sur les cuisses d'guernoules..

Te connos Lubersac Pébé ?

J'vas arlancer ch't'affaire ! J'avos eune voisine quanqu'ale parlot d'cuisine d'noël ale disot toudis j'va tuer UN dinde. Comme in est in Corrèze, mi j'croyos qu'ch'étot l'habitude d'parler ainsi. nous in arot dit UNE dinde. Valà, avec cha vous m'direz in est bien avinchés.....

Ouais, surtout si t'voisine elle habite à ch't'heure au camp des allongés...

Infin, peut-être que suite à eune norme qui impêchera de castrer les biêtes, in pourra acater du chapon fumelle dins quelques Noëls...

Le monte i est des fos bizarres énon?

J' connos Lubersac La Clo d' pus quarante huit heures. L'nom du producteur i est inscrit d' sur l' paquet. I fallot faire eune tiote inquête. Les paquets dotent vénir d' Sablé sur Sarthe. Bin sur i faut l' timps qu"is fastent la route ! ! !