Hier min homme a acaté de l'lotte au marqué.
C'matin in cachant eune arcette, j'trouvos rin qui allot pou l'préparation avec c'que j'avos dins min frigo, alors j'ai fait un mixache, in prenant eune idée par ichi et eune idée par là, ch'étot pas mauvais alors j'vos mets l'arcette ichi :



Pour 2 personnes :
6 à 8 morceaux de lotte (ou une petite queue)
farine
15 cl de Maury (ou du banyuls si vous n'avez pas de maury)
3 c à soupe de calvados
1 oignon
1 tomate
sel, poivre, piment d'Espelette

Fariner les morceaux de lotte et les faire dorer dans une sauteuse.
Ajouter l'oignon coupé, quand ils sont également dorés, mettre le calvados et faire flamber.
Ajouter le Maury et un petit verre d'eau, la tomate coupée en petit morceaux, sel, poivre et un peu de piment d'Espelette.
Laisser mijoter le tout environ 30 mn.

Asteur is vos reste pus qu'à déguster avec c'que vos voulez, des pâtes al dente, des nouilles à la française (ch'est à dire trop cuites), des pemmes tierre à l'ieau, des frites, du riz, du chou fleur, des indifes braisées.... etc....... z'avez vu i n'd'a pou tous chés goûts....

Te cuisines à l'hule ou au burre?

A part cha, avec cha je mingeros bin eune séquo verte. Ti te ne proposes que du blanc ou djaune clair, de l'même couleur que le pichon.

Haricots vers, choumettes, épinards etc. Ou eune ratatoule.

Infin, je dis cha, te fais comme d'hab: à t'mote! In comminche à la connaître l'cheftaine....

ej rajouteros bien des poivrons vert et rouge, cha va bien avec du pichon

ch'duc a écrit:

ej rajouteros bien des poivrons vert et rouge, cha va bien avec du pichon

Ouais bonne idée, et ène paire d'olifes...Et aussi grammin d'al, mais ché pu du tout l'même goût...

Et des câpres et un jus de chitron.

Et du lait d'coco et de l'sauce soja !

vos arriverez pas à m'décourager, bande d'voyous !!!

Te décourager? Mais i n'd'est nin question.

In cache surtout à te sortir de tes manies routinières de sauce tomate à tous les repas, même que des fos ch'est avec des nouilles.

Si te veux minger original, reste avec nousautes, ch'est un consel d'ami tiote.

Quo que te minges avec tes nouilles à midi?

mi, j'fais du poulet au cidre....mais pon aveuc des nouilles

batisse a écrit:

Quo que te minges avec tes nouilles à midi?

j'in sais rin, m'n'homme m'emmène au restaurant

Rassure me: cha n'a rin à vir avec t'cuisine au moins?

Quo qu'ch'est que vous fiêtez?

ch'est pou que j'm'arpose et pou m'armercier d'tous chés bons tiots plats que j'y fait à longueur d'semaine....

T'es surte que ch'est nin pour cause qu'i a eune séquo à se faire pardonner?

Ch'est bizarre sin bazar... Infin, je dis cha, te me connos, je chus pour l'paix des ménaches hein!

Bin avec vous histoires de pâtes, vos pouvez vos vanter d'm'avoir donné eune bonne partie d'plaiji au restaurant.
Ch'est l'première fos qu'in allot dins ch'ti lal, j'avos lu des critiques, mais j'avos fait l'part des cosses pace que j'me méfie des évintuels toudis grincheux et mauvais critiqueux. L'principal critique qui arvenot ch'étot qu'in attindot gramint d'timps intre les plats.... bin ch'est l'vérité vraie et nin des mintiries...
Arrivés à 13 h, l'commande a été prise à 13 h 45, l'intrée servie à 14 h 15, l'viande à 15 h 15, l'dessert et café finis à 16 h 45.. cha va in avot rin d'prévu cheule après midi. Par sécurité j'avos programmé l'inregistremint du match d'rugby pou min homme qui comminchot à 16 h, in m'disant qu'in s'rot suremint arvenu avint, mais que cha coutot rin d'programmer ! Bin m'in a pris...
Comme in avot l'timps d'discuter intre chés plats, j'faisos l'résumé des dernières discussions du forum à min chéri, in li racontant combin vos m'torturiottes avec mes arcettes et les allusions aux pâtes que selon vosautes in minge à tous les arpas !
J'finissos d'dire cha quind in nos a apporté l'plat d'viande et devinez avec quo l'viande étot servie ?... des pâtes pou min homme et des légueumes pou mi (in avot pas l'même viande).
Evidemmint j'ai rigolé quind l'serveur a déposé sin assiette devint min homme, et l'serveur m'a ravisé d'un air bizarre.
J'vos jure que j'ai failli y deminder si y connaichot pas un certain Batisse.
Infin cha nos a aidé à passer l'timps...
Bon ch'étot long mais ch'étot bon et l'accueil sympathique mais j'pinse pas qu'in y artournera (l'tape de 6 à côté d'nosautes étot déjà là quind in est arrivé et is in étottent au début du dessert quind in est parti).
In résumé si que vos avez eu vos orelles qui ont chifflées ch'est normal

3 heures pour un repas? Je deviendros maboule! I me faudrot tros corbeilles de pain, histoire de passer le timps.

M'infin bon, t'n'homme i a eu ses nouilles, i étot contint. J'espère pour li qu'i avot aussi de l'sauce tomate... Euh... ch'étot cuit au bain marie?

J'ai nin mes orelles qui chufètent, mais j'ai mes pids frods. A m'mote que ch't'au soir je vas aller à min lit avec eune bouillotte!

In attindint, je vas aller armettre du bos dins le fu. Vinguette, le tas i fond sérieux.