De pus que j'chus dins l'62, j'arçois un journau : "L'écho du Pas-de-Calais" d'ouqu'i'a un proverpe in premir pache....que j'comprinds pas (chut ! in dit rin la-bas à l'Est !)

Un bâton bien triné, i vaut miux qu'eune carrue mal attelée !

Quoque cha veut dire "triné" ? Merci de vos réponses !

Ch'est du babellache ed 62 cha?... j'comprinds pos cha que cha veut dire!

In joque après l'z'explications

ej sus du 62 mais j'en conno pas ch' mot la.

Et incore eune confirmation que les boyaux rouches is caustent drôle.

Bin que j'aiche nin fait boyau rouche in deuxième lingue, je pinse que cha pourrot vouloir dire trainé, saqué. Ch'est l'deuxième mitan de l'phrase qui me fait pinser cha.

In fait cha pourrot vouloir dire que pour faire un sillon dins sin gardin, le faire avec un bâton in allint drot ch'est des fos miux que de l'faire avec eune charrue in faijint des zigzags.

Mais i a suremint un courtilleux boyau rouche qui va nous confirmer cha. Mi je ne chus ni l'un ni l'autre!

. j'ai jamais intindu ch'mot la.....pourtant j'ai habité lées corons d'avant 14 et travaillé comme esclafe 14 ans jusqu' in 1960 dins min goulag du 62,jamais intindu. A boulonne nan pus, j'suppose oo qu'cha veut maniè.
........Un bâton bin manié vaut miux qu' eune carrue mal att'lé.
........A boulonne l' patois s'écrit pas toudis comme l' note des mines....Dins l' temps i avot des artiques in dins l' V.D.N. ,i avot grandmint d' W.....ch'étot pas facile à lire.
Ch'est fou comme j' merte aveuc seven et min portape.......

cha dot ète Batisse qui a treuvé eune bonne esplication;

In fait cha pourrot vouloir dire que pour faire un sillon dins sin gardin, le faire avec un bâton in allint drot ch'est des fos miux que de l'faire avec eune charrue in faijint des zigzags.

Vinguette ichi, un boyau rouche qui insinère qu'un 59 i pourrot avoir raison. In n'a nin fini avec l'pleufe!

Bon courache avec tin 7 pépé. Mi cha y est, à m'mote que je l'ai à peu près dompté, mais pour grammint de séquos XP ch'étot plus logique... et simple!

Mi j'ai incore un viux ordi avec XP dessur. Je le garte pour tout cha qui est montache audio, vu que min portape, pour cha, ch'est un brun de première qualité! Pour comminchi, sin lecteur de CD i ne sait nin les lire. Te mets un disque, deux cops chu tros i l'arsort in affichint un messache qui deminte de mettre un disque.

A m'mote qu'i est de l'même famile que l'guernoule du GPS. I est bénaiche tchand qu'in l'ingueule!

I a déjà été in réparation pour cha. Cha ne va nin miux mais je deviens expert in réinstallation de programmes après effacemint total du disque dur (in se deminde pourquo qu'is font cha pour bidouiller après un lecteur de cd énon?).

Infin bon, bon courache.

Tiens, pindint que j'y pinse, et vu que ch'est écrit nulle part (i parait que ch'est "intuitif"...) pour afficher tin bureau i faut aller buquer dins le coin tout in bas tout à droite de tin écran, à côté de l'heure et tout cha. Un tout tiot rectangle vertical gris, in dessous de "l'ascinseur".

Ch'est intuitif cha? Pis quo incore???? Je chus déjà largué in para téléphonie, cha va bétôt suivre in linformatique.