eune petite photo de la minette qui est arrivée il ya bétôt deus mos (au 1 avril) all a déjà bien pris ses marques
cha devot éte un cat d'appartemint avant d'atterir à la SPA ; all est pon attirée par ch'gardin et quand je l'met déhors in laisse, all reste ajouquée à raviser ch'qui s'passe aux alentours mais all bouge pon.

ale est belle, ale print l'pose !

Ch'est vrai qu'alle est belle.
Nous dins nos cats i in a un qui est toudis dehors, i grimpe à ches apes, i s'cache dins ches lauriers bref i s'amusse, mais i va pas amon d'ches voisins ou ch'est rare, et l'aut' alle reste à l'maison sus eun' chaisse et quand alle sorte alle va s'amuser avec l'aut', alle ceure après ou alle s'cache et alle y donne des cops d'patt.
Elle alle est tout déplumée, alle s'tire ses poils.

T'avos un quien qui se tirot ses poils aussi. Nan?

Nan alle (ch'étot eun' chienne) s'tirot pon ses poils elle, ch'est un babache qui li a inl'vé eun' grosse touffe ed ses poils avec ses grosses godasses, un jour qu'alle étot couchée amiteus'mint à ses pieds.

J'parieros qu'ch'étot les poils dé's'queue!! Paufe biête! .....

C'est l'printemps et in ravisse aveuc désolation les oliviers qui pertent leurs feulles,les lauriers aux feulles tout arcroquevillées, les agaves complètemint cuits: Bref tout a gelé!
Donc du boulot aussi in perspectif !

I est biau tin cat Camanette
Nous , in a eu un roux,pendant 15 ans et asteur,in a un noir et blanc et un tout gris que des salopards ont gesté d'un not' gardin. et on les aime ces bestiaux-là!

I est vraimint super tin lavatar....

A part cha, ch'est dommache pour tes arpes hein min nain. Ch'est des arpes à vousautes et ch'est des arpes que te vos comme cha in te pourménint dins tin quarti?

Si que t'aimes bin les fruits à pirettes: mets un chérisier à l'plache d'un olivier. Les chérisiers, non seulemint cha ne craint nin le frod mais in puq i faut qu'is gèltent pour donner des fruits!

I a nin longtimps que je le sais et je fais comme si que j'étos un courtilleux hors pair, comme le chef et eune masse d'autres... Au fait, t'n'homme, ch'est un bon courtilleux ou ch'est un comme mi qui rate tout à partir du momint que ch'est végétal?

Ch'est vrai qu'sin avatar i est super, ch'est dommach' qui y a pas couleurs, in crorot eun' pétite suffragette avec des pompons bleu-blanc-rouch à ses pieds, sus sin capiau, autour ed sin vinte, mi j'rigole quand j'el vos.
Au fait, mi aussi j'ai un cat tout gris, ch'est ch'ti qui est sus min avatar, avec ch'Pic St Loup au d'sus de s'tiète, i est gintil comme tout.

Ben, si qu'i a des couleurs, pourquo que ch'est in noir et blanc?

Surtout pour eune guernoule... ch'est eune tiote coquetterie de pouvoir dire que du timps de s'jonesse les photos in couleurs cha existot déjà....

Bon, cha dit, in bleu blanc rouche, in pourrot la confonte avec Yvette Horner....

Qu'est c' que cha veut dire "ginger" ? ? ?

Bin té vas nous l'dire

Not' catte "Pantéra" (chelle qui s'inleff' ses poils toute seule) al est restée quate jours sans rintrer, in s'disot que ch'étot fini, qu' in l'arvérot pus (pourtant in a caché après), passe qu'al restot toudis à l'maison ou pas loin, et ch'matin in ouvrant l'porte à not' grisou (chti qui est chi d'sus), al étot au pied de l'terrasse, mais al boite bas, et après avoir bien mingé al est ar'partie et in n'sait toudis pas dû qu'al pourrot ête.
Al dot avoir du mau à s'patte et al s'cache.

"ginger" cha vient de ginger Rogers, l'partenaire de fred Astaire aveuc qui all faisot des claquettes

J'imagine tin cat in train d-faire des claquettes ou ténant un parapluie: Ch'est vrai qu'un cat , i n'a pas quer elle pleufe mais quand minme!

Cha Camanette j'avos compris qu'cha vénot de ch'prénom, mais j'croyos qu'Pébé i allot nous donner eun' aut' solution.

Au fait qu'mint qu'té prononces sin nom Camanette ?

Ginn'gère ou J'in gère.

Bon j'min va coucher passe que d'main matin j'va faire eun' rando au d'sus d'St Guilhem le Désert, j'va faire l'Roc de la Vigne.
@+

J' sais pas core c'que cha veut dire...ginger.....jamais intindu . . . .

bin, je n'sais pon commint te l'expliquer....ché un prénom américain
pour marcel: je l'prononce djinger....et all acourt bin vite, te peux y aller!! all arconnot bien l'bruit de ch'paquet d'croquettes pis aussi ch'ti de l'cuillère qui racle ch'pot d'yaourt!!

Ch'est l' nom du cat ?

ché cha....

Merci Camanette j' l' aros pas déviné. J'pinsos ch'étot un mot in ch'ti que j'connaichos pas ! ! !

Bin t'avos pas cor compris?
i y a s'photo tout au début

Ch'est pas mi que j' suis in tort, si ch' est le nom d'un cat ......i arot fallu li mète eune majuscule....Ginger...Alors ! ! v'la l'dallache.

.............In ch'momint j'sus pas tout l' jornée d'sur l' PC, in travale dins l' gardin ! ! ! I fait un bieau solèle mais l' vint du nord i est un tiot peu frisquet.

Objection: le vint du pas de calais....

Ichi in n' est pas racisses, in est pour "vint sans frontières"