Et vous 'autes vous aller acater un billet d'loterie ou bin jouer à l'euromillion ?

à rien ,ej sus pas chanceux aux jeux !!

Cha dot quind même ête formidape d'arriver à sin boulot déguisé in gros pouchin ou in glaine et d'canter "au revoir, Président" comme dins l'pub....
Bon cha risque pas d'm'arriver pace que j'jue pas, mi l'dernière fos que j'ai jué au loto in rimplissot cor les grilles in mettant eune crox dins les tiotes cases cujies et ch'étot cor 6 bons numéros + l'complémintaire, z'avez qu'à vir.... asteur quind j'ravisse l'tirache je n'sais mêe pas à quo i sert l'numéro chance ? quind j'vos tout les tickets à gratter qu'i a amon d'min buraliste, j'me dis qu'i a quo dépinser gramint d'doupes, avec peu d'chance d'gagner.
Mais si vos voulez, vos pouvez m'offir eune pochette d'chés trucs à gratter, promis si j'gagne, j'parta... heu j'gardrai tout

Cha existe incore des billets de loterie? Peut-être in Gelbique. Dis nous Flersois.

Cha n'existe pus les grilles de loto qu'in rimplit soi-même?

J'ai bin fait de passer. J'apprinds eune masse de séquos.

In tous les cas, vu que ch'est un jour de chince, i va y avoir des milliers de gagnants. Du coup cha ne va nin payer. Du coup je ne vas nin juer!

Je n'sais minme pon qu'mint qu'in fait pou juer à ches trucs là, minme à bidets (PMU) je n'sais pon juer, pourtant j'veyos quand que j'étos jone mes pinrints raviser ches journaux, parler d'bidets, mètent des croix sus des tickets, coper des bouts de ch'ticket avec eun' pince et pis min frère i allot les in'mer à ch'PMU.
Cha s'fait cor comme cha?

J'in sais rin.

Mais ch'est pus les mêmes bidets...

tiote bellotte a écrit:

Cha dot quind même ête formidape d'arriver à sin boulot déguisé in gros pouchin ou in glaine et d'canter "au revoir, Président" comme dins l'pub....
Bon cha risque pas d'm'arriver pace que

Et pis cha ferot tellemint rigoler les tiots qu'te garde Tiote que t'in brairos d'arrêter t' n'ouvrache!

sachez qu'ej t'année i 3 vendredi 13.
faites vos jeux mais cha s'ra sans mi ej pourro juer m' quinzaine qu'ej j'en gagnero pas un centime d'euros

I a aussi un 29 février et 7 mos à 31 jours.

Et in puq in vote. Là i a aussi des gros lots à gagner...

....et si qu'in tire chu tcheue du Mickey in a drot à un 2ème tour gratuit?

Qui qu'ch'est que t'appelles Mickey?

Le chef i a dit nin de politique ichi dessur... alors je compte chu ti pour réponte in plus ou moins muché. D'ac?

j'va serrer m'guiffe.. in n'va nin parler politique ichi...
Je n'sus nin vnue pour Paul et Mickey!

Pour Mickey, t'avos prévenu, mais à m'mote que si qu'i a des Paul dins l'assistince (et i n'd'a...) is vont marcher à ch't'heure avec lus genouilles in dedins.

T'in feras jamais d'autre tisaute. Te finiras bétôt pire que lili.

Mi in sortant de l'répétition d'orchestre, j'ai failli marcher dins eune crotte d'quien, j'l'ai vu au derni momint.... j'sus vraimint gourde, j'auros du marcher d'dins, parait qu'cha porte bonheur...
j'sus quind même heureusse d'l'avoir évitée, cha m'a évité d'in mette in pus sur mes dogts in nettiant m'cauchure !

Ouais, et pis t'iras expliquer ch't'histoire de portache de chance aux ginses qui se casstent un oche in tcheyint après avoir glichi dins un brun de quien!

J'ai grammint de misère à supporter les bruns de quiens chu les trottoirs.

In risque ène fracture du col de l'utérus comme elle arot dit ène présintatrice du journal belge...

Armarquez cha dépind de l'taille de l'crotte.... in a moins d'risque de glicher su eune crotte d'chihuahua que su eune crotte d'st Bernard !

Bin, cha peut ête eune chance ed tcherre chu eune crotte ed quien un vendredi 13...ou même un aut jour: in va à l'hopital, in s'fait opérer ou mette un platre ou eune séquo aveuc des plaques, des vis et tout cha qui faut......... et pis in rinconte des bielles infreumières aveuc des tcheurs qui buquent rin que pour les ceuss qui z'ont tchés chu les crottes ed quien... que cha arot été domache ed passer à côté.... si si

Citation :

in a moins d'risque de glicher su eune crotte d'chihuahua que su eune crotte d'st Bernard !

Là j'sus pas d'accord avec ti Tiote, passe nos voisins is ont un St Bernard et j'peux t'affimer que quand té marches n' dins té vas pas glicher, passe que té va restée cloé au sol comme avec eune ventousse, et t'in aura jusqu'au d'sus de t'godasse.

Mais in principe si t'as pas un rhume de cerbeau té l'auras sintu avant d'marcher n' dins.
I est bien gintil chtien mais alors quand i fait pas loin d'not' grillach' ed séparation, cha r'niff'.
Mais cha y est ch'est fini, ches voisins is déménach'tent ch'week end, i y a de l'iau dins l'gaz de ch'ménach'.

Mérilou a écrit:

Bin, cha peut ête eune chance ed tcherre chu eune crotte ed quien un vendredi 13...ou même un aut jour: in va à l'hopital, in s'fait opérer ou mette un platre ou eune séquo aveuc des plaques, des vis et tout cha qui faut......... et pis in rinconte des bielles infreumières aveuc des tcheurs qui buquent rin que pour les ceuss qui z'ont tchés chu les crottes ed quien... que cha arot été domache ed passer à côté.... si si

Je chus sur qu'à t'fabrique i a des panneaux directionnels vers les infeurmières à nez rouche et moumoutes vert/jaune/rouche espécialisées in traumatisses post bruns de quiens.

Te me diras, eune occupation espécialisée comme cha, cha s'appelle eune niche.

Bon, allez, je vous laisse.

Citation :

In tous les cas, vu que ch'est un jour de chince, i va y avoir des milliers de gagnants. Du coup cha ne va nin payer. Du coup je ne vas nin juer!

T'as bin fait d'nin jouer à leuronmillio, si qu't'avos mis les numéros 13 14 21 27 et 39, t'aros foque gagné 71 000 roros,