Ch'est bientôt l'Téléthon et dins min coin y a un flash mob qui s'organise.
L'idée est bielle : y a eune tiote chorégraphie à apprinde qu'in m'a dit et i vont essayer d'avoir l'plus ed monde possibe pour danser.
Cha va ête rigolo j'ai dit ouais.
J'viens d'vire l'dallache, ch'est pas pour mi, cha va trop vite.
J'va d'aller les incourager, faire 3-4 pas et ch'est toute.
Ch'est très bien pour ches plus jones.
Y aura plein d'autes manifestations

Cha m'plairot bin d'faire cha, un flash mob ! (j'savos pas qu'cha s'appelot ainsi)

Nosautes, les assistantes maternelles (les "nounous" comme in disot avint) comme tous les ans in est in plein dins nos réalisations pou l'téléthon. J'sus allée c'matin avec mes collègues dins nou salle pou faire mes cartes d'souhaits, pis cheule année j'fais aussi des porte-noms. Dins mes collègues i n'd'a qui tricottent des bonnets et des écharpes, pis i n'da qui font des tableaux pense-bête et des tiots objets in bos tout décorés. Chacune fait selon c'qu'alle sait faire ou c'qu'alle préfère.
In a l'chance d'avoir une salle , "un relai" adapté pou pouvoir laisser chés tiots juer sins danger, i a aussi eune champe aménagée avec des tiots lits aux normes tout comme i faut asteur pou coucher chés bébés.... in peut y aller jusqu'à tros fos par semaine au matin, mi j'y vas qu'au momint d'faire chés objets pou l'téléthon, pace que j'ai querre ête tranquille chez mi et que j'sus assez souvint in dehiors de m'majon avec l'musique... Mais c'relai qui a été inauguré i a 3 ans, a grammint d'succès et ch'est bin.

Des flash mobs j'in ai déjà eu quelques uns.

De face i n'a qu'à faire un bieau sourire, mais de dos cha coûte des points. Et des doupes aussi.

Te vos la clo, je seros comme qui dirot un tiot peu comme ti: in a un problème de vutesse avec le flash mob.

cha y est j'ai fini mes cartes pou l'téléthon, alors comme l'an passé, j'vos mets queques eunes d'mes réalisations, ch'est tout fait main, chaque carte est unique -z'avez vu j'f'ros eune bonne commerciale ....

ouais, cha m'rappelle m'file, qu'all est fort douée pour faire des sequos ainsi....all' tient pon de s'mère!

mi j'ai toudis des bonnes idées, originales et tout et tout...mais pour passer à l'réalisation....macache!! j't'inverros bouler tout cha au bout d'dix minutes!

Bin mi cha m'détend d'faire chés cartes... j'pourros y passer des heures, pace que quind j'me dis "stop" cha suffit, j'pinse à un modèle qui s'rot pas mal et tint que j'l'ai pas fait cha n'va nin...
Des fos j'me dis qu'à l'artraire j'auros bin l'timps d'in faire mais comme ch'est loin d'ête d'actualité, j'préfère pas attinde, pis c'qui est pas vindu pou l'téléthon, j'les donne ou bin j'les invoe à des amis.

Bin, bravo tiote bellotte, ch'est rud'mint bieau et in pus ch'est pour eune bonne action