Hier au soir mes gins, j'ai vécu eune première expérience...
(Bon si vos vos attindez pas à des révélations salaces, vos pouvez canger d'pache, bande de tiots voyous, j'sus eune guernoulle sérieusse, mi )

Ouais mes gins, hier au soir, pou l'première fos de m'vie j'sus allée vir un match d'rugby dins un stade, in direct et avec des jueux in chair et in oches (bon surtout in chair)..
Min garchon (l'aîné) avot des plaches gratuites par sin traval pou l'match d'inauguration du nouvieau stade de rugby de Lyon - le matmut stadium- et comme i n'avot pas treuvé d'copains disponipes pou d'aller avec li, bin, in brafe garchon i a pinsé à sin père et sin frère, comme min aute garchon avot un concert d'musique l'même soir i n'pouvot pas y aller alors j'me sus dit, allez pouquo pas, j'ai jamais vu cha et in pus ch'est gratuit, cha s'rot bête d'pas in profiter.
Aors j'me sus artreuvée assise dins ce stade avec un tiot fanion à alloter donné par chés organisateurs à l'intrée du stade, à suife l'rincontre intre Lyon et Toulon. J'ai pas tout compris, bon j'ai quind même vu les deux essais, j'sus quind même pas ignorante à c'point là.... mais in l'vot petit c'ballon quind même et des fos j'veyos pas d'ù qui étot (l'premi qui rit i a eune margnouffe, vos s'rez pas les seu' quind j'ai dit cha à min garchon i étot mort de rire ! sale gosse !)
In tous les cas i avot eune sacrée bonne ambiance, 7600 spectateurs respectueux, des jones, des viux, des files, des garchons, mais j'ai pas vu d'quiens ni d'cats... j'ai vu bernard Laporte (que mi j'avos pas arconnu, merci min garchon et min homme de m'l'avoir fait vir, j'ai treuvé qui faisot pus viux qu'à l'tv), pis aussi l'maire de Lyon, Gérard Collomb, qui est passé à côté d'mi, li j'l'avos arconnu... bon ceci dit, cha va pas canger m'vie d'les avoir vu.
Finalemint j'ai passé eune bonne soirée, j'argrette pas d'y avoir été, j'avos un tiot peu frod au pids, mais bon paraitrot que ch'est cha ête supporteur, supporter sins s'plaindre....
Ah ouais j'oblios l'principal, l'résultat : lyon a perdu 19 à 26...


et cha ch'est après l'essai des lyonnais

T'avos incore eune fos essuyé tes leunettes avec eune tranche de gambon?

Quo qu'ch'est que t'as canté pour mettre de l'imbiince et te récauffer? Parce que hochener un tiot drapieau, cha ne récauffe nin des masses hein?

J'ai canté, "allez le LOU"...

Is nos avottent donné aussi des tiots masques, arprésintant un leu, que ch'est l'imblème de l'équipe.
j'in ai récupéré tout plein pou donner à mes tiots demain.

Eune mitan de guiffe de cheftaine et eune mitan de guiffe de leu.

I tronnot le photographe?

In voudrot vir cha.

Si te cachos après perdu parce que te n'voyos nin l'ballon, mi j'ai du cliquer chu l'photo pour l'vir in grind parcque je n'comprenos nin quo qu'ch'est que cha pouvot ête cette fintchie rouche et blanque... l'fantôme du père Noel ? ou bin eune fusée d'détresse lumineusse d'un joueu qui serot tché au mitan de l'pelousse? ... Nin non! ch'est un flou artistique d'ochenache de fanions.

Merci Tiote Bellotte pour tin partache. J'sins qu'les tiots y vont cor bin rigoler à t'majon aveuc les masques ed leu et les tiots drapeaux... Y sont tchés dins eune bonne cince ces tiots là !

Ch'est nin pour dire, mais ouais....

tiote t'es savos qu'in ballon ed rugy chétot oval,in tout cas t"a bin de l' chance,ej péfère mius vire du gby ,ches espectateurs sont moins violent quau foot balle

Tiote te m'as fait pinser à m'première fos au rugby.
J'sus dins un pays du qui parletent, qui mingetent et qui respiretent rugby.
L'mitan de m'famile à Toulouse et Samatan, pour ches connaisseux ch'est inne religion làs-bas l'rugby.
Et mi l'innochinte du villache je n'avos jamais assisté à un match.
Y a queques z'années m'v'là imbarquée dins inne espédition rugby à Portet sur Garonne,
J'étot continte, belle ambiance, d'un cop y a eu contact comme i disetent, mi in tout cas j'ai intindu un bruit d'cassage ed nez j'l'intinds core. Après bousculades, z'yeux au beurre noir.
J'ai été arfroidie d'vire cha sur un terrain.
Fallot pas rester sur eune imache parèle, Ben j'ai arqueminché à Brive.
in m'a dit ouais ch'est pas parel ch'est inne grande équipe et bla bla...
Ch'est vrai qu'ch'est juer dins l'cour des grands mais parel j'ai trouvé cha violent et depuis j'y sus jamais artournée au stade.

Cha dot pas ète un sport d' p****...