Ouais, j'ai trouvé les croissants. Avec du nappache dessur. Is sont déjà mingés. I a l'invitée aux tomates qu'elle est même déjà arpartie. L'majon elle va se vuder un tiot peu à l'fos. Je ne peux nin dire que ch'est eune situation dont je raffole!

In tous les cas nin avec les gins de ch'coup-ichi!

Et te vas savir mette t' table à r'passer dins l'cabine d'tin camion ?

Elle rintrerot, mais je ne vas quind même nin la printe.

Pour l'instint j'ai chopé eune crisse de colliques phrénétiques, vinguette, tcheu plaiji! J'ai déjà pris 3 bains bin cauds. Pour l'instint cha va à peu près mais i n'a pus d'ieau caute dins le ballon....

Infin bon, je chus arvénu à m'majon. Avint cha j'ai été conduire min garchon à l'gare de Mulhousse... j'ai vraimint eu de l'misère à arvénir. Incroyape commint un tiot caillou de rin du tout i peut foutre un bonhomme in l'air!

Le pire ch'est que j'ai comme eune invie de faire un méga pet et qu'i n'a rin qui vient. Je chus déçu, cha me ferot rigoler un tiot peu...

ouille ! t'as dû transpirer (d'douleur) in arvenant sul route
Te vos ch'cop du bain caud je n'savos pas que cha pouvot soulager ches crises d'coliques phrénétiques.
si T'in fais souvint des séances parèles je te plains
Pinse à boire beaucoup de l'ieau pas besoin d'préciser.
Pour l'méga pet vas y n'te gêne point.

après tin pet ,tes pourra suif el line jaune,comme coluche y dijos

......Pour l'méga pet vas y n'te gêne point......


Fais attintion qu'i n' a personne derrière ti....

Pour réponte à Batisse, si j'étos debout à chinq heure ch'étot nin foque pour joquer après li mais pour aller à l'ouvrache...
Y juot du clavier debout
Ch'est ptête un détal pour vous
Mais pour mi cha veut dire gramint ( cha rime nin!)
Cha veut dire qu'il étot libre
Ed p...r un bon coup... ( si y'a qu'cha pour t'faire rigoler un tiot peu, te vlà tché bien bas min garchon)

Fait pos l'indouille aveuc t'santé et tes coliques frénétiques, cha s'soigne pos seulemint aveuc des bains d'ieau caute.
Rassure nous .

I avot eune vièle finme qui habitot à côté de m' maison, alle applot cha des coliques "frénésiques"

Cha dot ète les pus pires

d'autant pusse que l'vin blanc cha n'est pon indiqué pou les reins

mi , quand que j'avos mes crises d'cystite, ch'médecin y disot toudis d'supprimer l'vin blanc!

ché pon des m'noules!

Ben ouais, in puq d'cha, je le sais...

D'ailleurs d'habitute i a du rouche ou de l'bière ou des séquos ainsi pour diluer, mais là i faut arconnaître qu'in n'a rin bu d'autre pindint 3 jours!

A part eune boutelle de rouche pour 5.

Citation :

A part eune boutelle de rouche pour 5.

Du blanc et du rouche cha fait du rosé, i'a pas pire, i'a longtimps que j'n'ose plus in boire...

I a pas pire, i a pas pire... in vot que t'es frontalier tisaute. Tous les douaniers flaminds is dijottent cha.

Et du rosé ch'est nin du mélinche de blanc et de rouche. A part pour les experts européens qui n'y connochtent rin du tout et qui voudrottent bin que cha le deviinche.

Des rutes soyeux cheux-là. I a longtimps qu'in n'a nin fait eune révolution.

Du vrai rosé ch'est du très légèremint rouche parce qu'in ne laisse nin les pieaux longtimps macérer dins le jus.

Citation :

Sujet: Re: Batisse in panne ! Aujourd'hui à 18:01
I a pas pire, i a pas pire... in vot que t'es frontalier tisaute. Tous les douaniers flaminds is dijottent cha.

Chelle là j'la compint te nous l'a déjà souvint servie...

Je ne sais nin si que je vas me faire cinsurer si que je mets cha, mais ch'est instructif au sujet des instinces européennes qui voudrottent bin qu'in soche vertueux et qu'in partage nous tiote part de gâtieau tout rabougri....

http://lecancanier.over-blog.com/article-le-scandal-des-eurodeputes-badger-plus-pour-gagner-plus-87367404.html


Ch'est un reportage de Arte.

J'ai déjà vu des reportages sur les déménagements de Bruxelles à Strasbourg..

J' l' avos déja vu l' arportache in question. Ch' est très instructif.

A force de toudis parler des 59 et des 62, i finit par avir des problèmes de calculs...

Arte... cha ch'est des rutes pour faire des arportaches déringeints.
Merci pour el loien chu les eurodéputés. Des fos cha m'agace ed vire tout c'gaspillache mais là ch'est l'pompon... d'uche qui est l'eximpe? In devrot arcominchi l'révolution et l'abolition des privilèches...
Mi j'ai l'privilèche d'avir em conscience trintchile. Apparamint cha n'impeche pos tous ces politiques ed bien dormir.. aveuc des doupes volées plein des poques pindint qui n'd'a qui n'dormtent nin , qui grattent à l'tiête pour savoir cmint qui vont payer leurs impôts ou cha qui va rester pour caufer l'ajon et faire à minger après avir payé le loyer et tout cha qui va avec.

Allez mérilou, calme te, ch'est nin bon pour t'tinsion.

Mi je venos ichi juste pour dire que min internénette i est réparé. Armarquez, vous l'auriez peut-être armarqué tout seus... incore qu'in insistint avec min système de dépannache, des fos cha passot!

Allez, eune bonne journée à tertous et sin quien.

Donc el sujet '' Batisse y'est in panne '' est clos, in peu saquer su l"clinche, jusqu'à l'prochaine fos que l'manicraque y sera in panne.

Ch'est cha. Cha devrot être bon pour inviron 2 ins...

te vlà arvenu,ch'est bien.
Comme m'avot dit Marcel pour mi, si tin manicraque i marche va pas faire l'sot touche à rien pour pas tout casser. Vas duchemint.
Te vas ête tranquile inne paire d'ans.

batisse a écrit:

Ch'est cha. Cha devrot être bon pour inviron 2 ins...

Cha m'étonnerot gramin....

quo qu'ch'est qui t'étonnes Flersois? qu'eune paire d'ans comme elle dit La Clo, cha fait inviron 2 ins ou bin que Batisse y devrot pu ête in panne si lommind?

Mérilou a écrit:

quo qu'ch'est qui t'étonnes Flersois? qu'eune paire d'ans comme elle dit La Clo, cha fait inviron 2 ins ou bin que Batisse y devrot pu ête in panne si lommind?

Les deux mon général...Sin tundeurbeurd i va surmint incore li faire avir des misères....

Comme dirot Raimu:"espèce de porte malheur!"