In cachant bien j'viens d'arvire la halte d'trains d'Méricourt. Y a maintenant un abri pour attinde.
J'ai l'souvenir de ch't'indrot quanqu'in allot chez mes grands parints à Lille.
In devot partir ed bonne heure faire l'route à pied par n'importe que temps, sans oublier nos bagaches à porter.
Je m'souviens d'un grand escalier pour arriver juste à côté de l'voie sncf.
Là à l'époque pas d'abri in attindot l'train dins l'frod in étot à tout vent
Pis quanque el train y s'arrêtot pour ouvrir l'porte du wagon i fallot inne forche d'homme et pis escalader l'marche-pieds pour rintrer dins ch'wagon.
Arrivés à Lille in prenot l'tramway. L'journée passée chez mes grands parents trajet retour, même ju.
Chaque jour ed l'an in faisot l'trajet je m'souviens d'l'année du qu'j'avos été au bal l'31 décembre donc inne nuit bien courte et l'lendemain matin allez, marche à pied dins l'frod et pas question de m'plainde min père disot toudis quanqu'in sait s'amuser in sait avancher .
Ch'étot vraimint eun sacrée espédition.