Ch'est un plat qu'in aime bin artrouver quind in a pas trop l'timps, qu'in est pressé ou par plaiji. Cha avec des frites....ou avec un' bonne salate toute fraique cueillie dins l'gardin d'in ami ou dins l'vote chi qu'vous in avez un.

J'vous dis toute suite : mi, j'inlève les oches des viantes car, pour coper quind ch'est cuit, cha va mieux !
Donc i faut :

1 poulet
1 lapin
800 g à 1 kg de veau : blanquette sans oches ou collier
800 g de lard frais
1 tiot kg d'oignons
1 boutèle ed vin blanc
25 cl de vinaique (mis j'mets du vinaique ed cidre ch'est moins fort)
2 clous d'giroffe
Sel, poivre grossièremint moulu (poivre à steack)
Thym et du laurier
De l'gelée

J'commince par inlever les oches de l'viante mais si qu'i n'da dins l'lard j'el laisse. J'cope m'viante in morceaux

J'épluche et j'cope in tiots morceaux les oignons

Après, j'prinds m'terrine. Dins l'fond j'mets un' couche de lard. Aud'sur, j'mets d'el viante, des oignons émincés, du sel, du poiffe, d'el viante, des oignons, du sel et du poiffe jusqu'à épuisemint des ingrédients. J'finis in mettant l'thym, l'laurier et in arcouvrant l'tout de lard.

J'verse el vinaique et j'complète avec el vin blanc jusqu'au bord d'el terrine

J'mets à cuire 3 à 4h dins l'four doux (th 150°C)

Si in cours ed cuisson vous veyez qui manque in tiot peu d'jus, vous rajoutez du vin blanc (mi, j'in rajoute raremint !)

En fin d'cuisson, j'inlève in peu d'jus d'cuisson assez gras mais pas tout avint d'mette un tiot peu d'gelée....mais ch'est une affaire ed goût. A m'majon in aime pas trop l'gelée. A vous d'faire à vous mote. Normalemint in laisse tout l'jus d'cuisson.

Insuite in laisse arfroidir et in met au réfrigérateur au moins 12 h.

In sert el potjevleesch frod avec des frites, d'el salate ....à vous mote accompagné d'cornichons, d'oignons au vinaique

Bon appetit

Vinguette, j'in baffile!

Dis donc, un lapin, un poulet, le mitan d'un vieau et d'un pourcheau... i faut eune rute de grinte terrine énon?

J'attindos l'recette pour in faire un de potjevleesch, nin mi mais m'femme.
Elle va ête continte.
Merci Matante

Ch'est surtout d'in minger qui rind bénaiche.
Faut aider la squaw (l'femme du grind chef à pleumes) à inlever les oches hein? et pis faut aussi l'aider à finir el boutele ed vin blanc.
Mi aussi j'in béfelle, cha guille à min menton
Merci matante pour l'recette... j'cros que j'va vnir à t'majon, in dot s'pourlequer sec ..

Mérilou a écrit:

Merci matante pour l'recette... j'cros que j'va vnir à t'majon, in dot s'pourlequer sec ..

In a eu l'même idée

Bin v'nez, l'majon elle est ouverte....mais prév'nez si que vous voulez du potjevleesch car, quind j'in fait cha reste pas lo'mint dins l'frigo !

Combien qu'i a de goulaffes à t'majon?

Mi aussi j'ai quère cha, i va falloir printe rendez-vous alors.

MIAM, j'peux v'nir ?
mi j'auros querre cha avec eune salate d'pemmes tierre...

si j'comprinds bin, tin lard est copé in morciau aussi?
ch'est du lard croisé,ou ch'est rin que du lard (gras)?

Roger, min lard i est nin copé, ch'est des trinches qu'in met dins l'fond et aut'sur d'el terrine.

ch'est du lard commint?
Du croisé du fumé!!!

del croisure fraiche ,roger

Ch'est quo du lard croisé?

Vous m'avez l'air de faire des drôles d'expérienches avec les animaux de l'ferme in boyauroucherie...

ej rajoute aussi des carottes,façon ech'duc..

ch'est del poitrine batisse

té peux li expliquer quo qu'té veux ch'duc!!!
i comprinds rin!!!

Hé les boyaux rouches, tchoeur crojé cha n'a rin à vir avec de l'poitrine de pourcheau hein...

Z'avez aussi du jarret dim? Ou du gambon tiot batieau?

Tcheue équipe...

d'accord,t'est met cha que t'est veut ou mette les deux,mi ej préfère el croisure.

Matante a écrit:

Roger, min lard i est nin copé, ch'est des trinches qu'in met dins l'fond et aut'sur d'el terrine.

C'est cha que te veux dire ? de l'poitrine, du lard entrelardé, pour les flamints: du buk. Et incore gramin d'autres noms...
J'ai cuit ch'morcieau dins l'four et j'lai mingé à's midi, l'couenne éto bin croquante.

Roger a écrit:

té peux li expliquer quo qu'té veux ch'duc!!!
i comprinds rin!!!

Merci flersois, j'vos quo qu' chest maint'nint ch'morciau d'lard,avec eun' photo in comprinds vite!!!

Ouais mais ch'morciau là i est bien copé in fines tranches ou alors i est mis comme cha, tout d'eun' seule pièche.
J'comprint vite, j'sus du 62, mais i m'faut du temps pou bin comprinte.

Ch'est ch'morciau là copé in tranches......

Matante a écrit:

Ch'est ch'morciau là copé in tranches......

Ché pour ça qu'j'ai mis l'couteau avec...