Eul pen'tierre à l'plure

Sujet: Eul pen'tierre à l'plure Ven 28 Oct 2011 - 21:39

Eul pen'tierre à l'plure

Aveuc in' pén'tierre in s'régale toudis
Ch'est tertous euch qu'in dit.
Ah ! in' bonne pén'tierre à l'plure
Aveuc in bon morciau eud bure!
Ch'est sûr, y a rin eud mileu pour eus pourléquer
Et pour bin finir eul journée.
Ouai, in' pén'tierre à l'plure bin cute à ch'four,
Ch'est fou euch que cha bourre,
Et cha fait vraimint eul bonheur du jour!
Naturel'mint aveuc du pain, du bure ou bin du pâté,
Arringée in pitits morciaux qu'in appelle bidets.
Pi, bin sûr, par eud'zeur, i faut du sé,
Jusse assez pour li nous flatter eul gosier.

Aveuc in' pén'tierre copée in ronds.
1n peut faire des patacons
Eul pén'tierre al est cute à l'iau
Et ches ronds in les arcuits à ch'four in' deuxième fos.
Oins l'timps, in fajot cha sur in' cuisinire au carbon:
ln mettot ches patacons eud'zeur eul platine et in cuijant, cha sintot bon.

Nous, ches viux, in a connu cha.
Aveuc deux fos rin, in fajot in sacré r'pas ;
Mais achteur mes gins, tout est "chimiqué", trafiqué,
Tout euch qui étot bon, i est poudré, arrouzé ...
Va falloir arvinger eul pén'tierre.
Faut point eujter eul bonne bouffe in l'air.
Faut arrêter de s'faire rafourer. Assez eud ***'rie ...
Insempe, crions cha chi:
"Vif éul pén'tierre à l'plure !"
"Vif éul pén'tierre nature ! "
Louis Cliquenois

Sujet: Re: Eul pen'tierre à l'plure Ven 28 Oct 2011 - 23:18

Te vas dire que je ne peux nin m'impêcher de dire, mais pour mi eune penne tierre à l'pelure ch'est eune penne tierre cuite à l'ieau, avec s'pieau. Cuite à l'vapeur cha marche aussi.

In in fait par eximple de nou timps moderne tchand qu'in fait eune raclette.

In lijint sin texte de l'auteur, le me deminde si qu'in boyauroucherie eune penne tierre à l'plure cha peut aussi être cuit au four? Chez nousautes dins le 59 textile, tchand que ch'est cuit avec s'pieau, au four, in appelle cha eune penne tierre au four.

J'ai incore loupé eune occasion de serrer min caquet ou bien???

In tous les cas, eune penne tierre au four avec un mélinche de burre et d'al pilé... hmmm!

Mais ch'est un remède contre l'amour! Surtout si qu'in puq in prind du sauret ou eune séquo ainsi avec! Ou du puint. Je n'd'ai hérité d'un, vinguette, l'peinture du frigo elle fait des cloques....

Invité

einne petote avec es plure ,in appelle cha aussi eine pomme de terre in robe des champs,dins l' temps dins ches camps in attrapos des allouettes ou monieaux gris qu'in plachos d'in eine petote et in faisot cuire dins ches braises..

Sujet: Re: Eul pen'tierre à l'plure Sam 29 Oct 2011 - 18:10

In boyauch'rie, nous aussi on appelle cha aussi "eune penne tierre au four"cc, quand qu' alle est cuite.....au four.".

......Et eune bettrafe rouche qu'in cuijot ...dins l' temps dins l' four, aveuc nor fu à carbon ! ! ! !

Sujet: Re: Eul pen'tierre à l'plure Sam 29 Oct 2011 - 18:42

bin, mi à s'soir j'fais des artichauts... comme disot Coluche c'est l'seul plat que quand que t'as fini y nn'a plus dins t'n'assiette qu'avant d'commincher....

aveuc du saucisson, des rillettes et un tiot peu d'paté d'campagne su du pain frais.....hummmm

Sujet: Re: Eul pen'tierre à l'plure Sam 29 Oct 2011 - 19:39

Mi je les fais avec de l'vinaigrette.

Saucisson, rillettes, pâté, pain et probablemint burre... euh... les artichauts ch'est pour te donner bonne conschienche?

Après cha te prindras bin eune religieusse ou eune mousse au chocolat énon?

Te n'd'es eune sacrée tisaute!

Sujet: Re: Eul pen'tierre à l'plure Dim 30 Oct 2011 - 8:29

non, j'ai pon d'bonne conschience à m'donner, j'minge ch'qui m'plait, je n'fais pon d'régime....y s'ra temps d'in faire quand que min médecin y dira: stop!!

in attindant tout y va bien j'minge des artichauts pacheque j'ai quère cha....et pis ché toute (comme dirot l'ex intraineur d'laure Manaudou)