Hier ch'étot l'anniversaire d'min grind - 31 ans - et j'pinsos à l'tiote crevette que ch'étot à s'naissance, faut dire qu'i est né preque un mos à l'avinche et qui n'étot pas bin gros.
J'cros que tertoutes mamans in est parelle et qu'à chaque anniversaire in arpinse à eune séquo d'nous tiots quind is étottent cor in culotte courte accrochis à nous gampes.
Hier j'arveyos min tiot "grind" à 1 an avec chés bielles bouclettes et s'mèche d'caveux qui étot toudis d'vant chés yux... Voulant bin faire j'ai copé c'mèche là, mais j'sus loin d'ête douée in coiffure et l'résultat a été assez surprenant, un aurot dit un moine avec eune frange épaisse toute in escalier et des croles d'chaque côté du front...
L'tiête d'min homme quind i a vu l'dallache ! cha aussi j'min rappelle bin !

AS-TU GARDE UNE MÉCHE DE SES CHEVEUX ?

Ouais.... alle est collée dins un album photo...
Pis j'ai aussi l'touffe d' caveux d'min pus jone qui a eu intre 17 et 20 ans des caveux longs tout bouclés, jusqu'à chés épaules. L'jour d'mes 50 ans in étot tertous in famille et v'la qui dit à s'soeur (alle est pus douée que s'mère question coiffache) : "allez in y va ?", "t'es sur" qu'alle y répond ? "ouais, j'ai bin réfléchi" et les vl'a parti tous les deux dins l'salle de bain...
Min garchon m'a demindé d'faire des photos d'l'opération "coupache", au bout d'eune demie heure i avot l'crane presque rasé à blanc ! à chaque mèche qui quéyot j'avos un tiot pincemint au coeur !... Cheule époque là est bin finie l'aute jour i m'a dit qu'i n'aurot pus l'patience d'les faire arpousser si longs, à l'plache i laisse pousser s'barpe....
Chés bieaux caveux là, is sont loyés par un élastiques et ringés dins eune bote in fier... comme chés gâtieaux secs pou les conserver

Moi aussi j'ai une mèche de cheveux de ma fille, pour ma petite fille et mon petit fils je vais attendre un peu car il n'y en pas assez pour faire une mèche même petite

dins eine boite j'ai mis eine couche (propre) ed chaque âche, sin dernier biberon, el derniere tututte, sin premier habit etc..in devro pouvoir mett leur odeur quand y sont tout bébé in boutel, quind jél sin dins sin cou, j artrouffe esse nodeur. Jché que cha va pas durer, j'rinpli mes narines. Tout ché souvenirs, ché sourires ....quint jma arrappelle de ché momints, jme dis que cha personne me les prindra. Et minme quind cha sra l'heure, em curé y dit quind sin va avec l'amour quind a en soi. Cha m'rassure ed pouvoir partir avec ch'caleur là et les souvenirs ed min tiot.

Hier j'avos mis c'titre là à min sujet pace que j'attindos aussi l'annonce d'eune naissance imminente et que cha a du juer su min subconscient.
Bin cha y est c'tiot pouchin i est né.... nin j'parle pas de l'tiote file qui est née à Paris mais de min premi bébé "grind-nounou", eune de mes tiotes "pinsionnaires" vient d'mette au monte sin premi bébé, eune tiote file... Bin cha fait drôle d'pinser que cheule maman que j'ai pouchiné alle va pouchiner à sin tour. Bon ch'est pas mi qui l'garderait c'bébé, chés jonnes parints n'habitent pus à côté asteur, mais j'le verrai souvint, les grinds parints ch'est des amis....
Qui ch'est qui disot que l'reule alle tourne ?...

Citation :

l'tiote file qui est née à Paris

I parait qu'ils vont l'appeler Dahlia .





In pourra faire un jour un sujet sur les prénoms qu'in donne maint'nant aux bébés..

mi ej pisos roupette ou fortunette !!

ej pinsos

Bon j'ai pas mis min post pou qu'in parle de c'tiot bébé de Paris, in lit assez de cosses su le sujet d'sus internenette, faut pas tout mélinger et faut pas qu'ichi cha dégénère in divers avis, eune naissance pou mi ch'est toudis un heureux évènemint et n'oblions pas que c'bébé n'a rin demindé à personne... ch'est foque un bébé d'pus qui est né hier comme sins doute plein d'autes.
Bon ch'est sins doute de m'faute, j'auros pas du l'mette dins min post...

In est toutes pareles . Mi aussi à chaque anniversaire j'arvos ches premiers jours des gosses à l'heure près.
Cha passe tellemint vite ! Pis j'ai fait aussi des boîtes avec des mèches d'caveux les dents de lait des vêtemints des juets et j'ai gardé
Comme ch'est des garchons i n'faisottent pas tellemint attintion à tout cha. J'ai continué à collectionner.
Pis un jour est arrivé inne tiote file qui à c't'heure queminche à m'deminder : "à ton époque mamie c'était comment et pis aussi comment il était papa"
Et j'ai arsorti mes vieuseries et ben j'n'ai pas gardé pour rien vlà qu'in s'y intéresse à nouveau

Bin nous not' tiot pouchin d'40ans qui reste à St Barth est à l'maison in ch'momint, jusque la fin du mos, in in profite, passe qu'in l'vot pas souvint.
Alle est v'nue randonner pindant tros jours, avec not' clupe, in Aveyron qu'alle connaîchot pon, in y fait découvrir la France.

Bin mi j' in ai deux qu'is vont bétot ète pinsionnés ! ! ! Veyez d' ichi l' dallache ! ! ! Cha comminche à sintir el sapin ! ! ! !

( quand qu'té trompes Ch'duc, té cliques d' sur "éditer" et té peux corriger tin tesque, à part cha cha va fiu ? ? ! ! !" )

merci pépé,ach momint ches douleurs sont de retour,in sint que l'hiver y arrive