1958 . Au marqué aux puches à St Ouen...Paris



. Min frère perplexe. Vous croyez qu'i va fairte des affaires grand père ?

. Rigolez pas de ch' paufe homme ! ! !

cha m' rappelle les jueux d' bonneteau.
trouvez la dame,trouvez la dame.
un cop au marqué d' Saint Ouen
n'étant pas machot question d' faire l' du filou aux cartes et ayant observé leur manèche j'éto sur d' min cop j'ai risqué 10 sacs.sur l' fameuse dame à treuver
ché pas la peine qu'ej vous raconte la suite..

. Ch' est toudis l' pus malin qu'i attrape l' aute ! ! !

ché ni pus ni moins que d'el magie,té d' fait avoir à tous les cops.
un cop j'ai vu l' bonneteu corner l' carte d'el dame ech' cop la j'em su pas fait avoir mais i a un aute gugusse pus bébéte que mi qui a quéyu dins l' panneau

in coup j'ai essayé ed faire el meme,cha m'à arvenu plus cher que de juer, faut dire faut savoir juer avec ches cartes, pas mi, j'auros juer au pot !!

. Vous devrotes juer à l' batale vous autes.

. Au bonneteau i dot avoir des comparses qui jutent d'vant ti et qui gantent d'vant ti pour t'inspirer confiance. J' cros qu' ch'est interdit ch' jus la . Comme in dit à Boulonne '"Ch' est eune attrappe à balou"... (balou sans doute balourd ? niquedoule ?) J' sais pas commint qu'is font mai té t'fais attrapper à tous les cops.

in appelle che des rabatteurs comme par hasard i gagnent toudis.
ché pour attraper l' balaud.

Et cha cha vous rappelle rin ?
"Où qu' est ti ...Où qu' qu' est ti ? ...allez envoie l' oseille"
Super film ! ! !
Les rabatteurs is sont la aussi pour t' casser la g... si té la ramènes....
https://www.youtube.com/watch?v=cOcTWa8DYRI

1958 L' même année. Min grand père aux puches.



. J' ai la mémoire des paroles mais j' artiens pas les N°d'tel, mystère du cerveau, j' dos avoir eune case in moinsse mais j' sais pas dù ?
......J' photographie min grand père et alors j' me sus fait incindiè par eune meuf qui croyot qu' ch' étot elle qu' j' avos photographiée, et, aveuc min 6X6 Semflex, alle devot sins doute m' printe pour un journalisse.
."Vous m' avez photographiée, vous m' avez photographiée mais que va dire mon mari que va dire mon mari ? "

. Alle criot comme une possédée. Sans doute qu' alle devot pas ète la c' jour la . alle devot pas avoir l' conscienche tranquile ! ! !

.... Mi, j' l' avos pas photographiée, alle étot pas belle assez . . . .

."

1958



En famille, visite aux halles de Rungis.

1948



A Billy l' Diminche Pron'nate aveuc m' fiancée.

I n' avot pas core invinté l' copine d' cucul à ch' t'époque la.

1948



A l' ducasse. Té fais mouche t' es photographié......Pan ! dins l' mille ! ! !

1952 Min mononque Henri carrieux d' carbon.



Aveuc sin tomb'reau allot livrer l' carbon chez les gins ! ! !

salut mononque ! ! !

Cha m'fait pinser à min tiot cousin (ch'étot l'cousin d'min père) Jean-Mérie, i vindot du carbon et des pennes tière.

A m'mote que le carrieux de carbon qui m'a le puq marqué, ch'est Zorba. Un sacré gaillard qui n'avot nin tout à fait toutes ses cases mais qui se débrouillot fin bin avec celles qu'i avot.

A l'époque je devos avoir dins les 16 ins et in avot dins le quartier eune MJC toute neuve. Ch'est comme cha qu'in l'a connu: in est partis tout un groupe in Ardèche et i faijot partie du voyache. Li i étot un tiot peu plus viux. I devot avoir dins les 20 ins. Ch'étot aussi un carrieux de carbon, et de pennes tierre. Un gaillard qui devot bin faire 1.90m, que deux sacs à l'fos cha ne li faijot nin peur, qui avot eune voix de contre basse et des poils noirs tout partout. Avec cha, i étot catouilleux comme ch'est à peine imaginape.

Eune fos, à l'occasion d'eune surprise party déguisée, i s'a pointé in grec, avec eune jupe plissée et des cauchettes à pompons. In rigolot toudis avec li, mais là à mote que cha a été le pompon. Du coup i a été baptisé Zorba et cha i est resté.

Je ne sais même pus commint qu'i s'appelot in vrai....

Henri, min mononque, ch' étot un ovrier qui , aveuc sin tomb'reau allot livrer chez les gins leu ration d' carbon tous les mos. Dins l' tomb'reau, i avot des séparations faites aveuc des planques pour séparer les parts d' chacun. L' carbon i étot déversé par tierre d' vant les maisons des ovriers qui devotent l' rintrer vite fait bien fait, pour "déblayer" l' passache.
. Derrière l' tomb' reau i avot toudis un SDF "professionnel" qui proposot aux gins d' rintrer leu carbon, pour un tiot peu d' sous ou eune pare d' tartines. Les gins is l' aimotent bin ch' garchon la, un tiot peu neuneu.
. I vivot dins eune cafe d' sous eune construction abandonnée...Ch' étot s' vie. I n' da toudis des zigotos comme cha.
. Henri ch' étot un homme heureux, li et sin bidet.
. I "s' a payé" chinq ans d' "vagances " in All'mane pindint la guerre, comme prisonnier. J' étos à s' majon, l' jour du qu'i est arvénu. Jé l' vos core, comme hébété, assis d' sur eune caïelle.....dins s' majon d' coron, eune pièche in bas eune pièche in haut ! ! ! !
...... J' aimos bin aller minger à s' majon, m'matante ch' étot eune sacré cuisinière. Alle faijot pas des pétierres à l' plure, au four, mais des pétierres...au café ! ! ! D' quoi s' faire péter eusse sous vintrière..
. J' ai invoyé un diaporama du qu'in intind mononque canter vers....1963, dins ces iaux la....J' l'avos inrigistré d' sur bande magnétique miraculeus'mint étot bin conservée.....après tant d' années ! ! !



.