Ben là ch'est l'temps du cangemint d'saison et du rangemint.
Vinguette que j'me régale
J'viens d'faire un tri dins mes armoires .... j'vous dis qu'cha.
J'dis toudis j'garde in n'sait jamais cha peut servir ah ouette in l'armet pas
Ben là allez hop tout c'qu'in n'a pas mis pindant l'été pour Emmaüs.
J'ai même passé in r'vue mes liffes ed cuisine ches tiots billets qu'in met partout et qu'in artrouffe pas quanqu'in a besoin.
J'ai artrouvé core des recettes qui venottent de chez m'maman j'vous ai mis l'tarte aux oignons

ah ouais ti aussi t'es atteinte par la maladie du ringemint vertical ?

j'ai fais cha y a pon longtemps....cha fait de l'plache dins ché armoires....in peut racater!!

Bienvenue au clup les files !
Après avoir fait comme vosautes l'tri dins chés fouffes, in c'momint j'ringe tout dins l'cujine, j'réaménache chés placards et étagères pou qu'cha seuche pus pratique.... c'qui fait qu'i a des séquos qui cang'tent d'plache tous les jours et que même mi des fos faut que j'busie, l'pus drôle ch'est min homme "mais d'ù qu'cha peut ête cheule castrole asteur !"...
Tout cha c'est parti du ringement et du tri d'chés botes topowoères qui quettent toudis dins l'fond du placard et qui font esprès d'perde leu couvercle...
Mais d'ichi eune semaine cha s'ra "tip top", infin j'espère

Citation :

="tiote bellotte"
Mais d'ichi eune semaine cha s'ra "tip top", infin j'espère

Bin sur t'aras tout armis comme avint....par habitude !

Mi , j'ai décidé, à chaque fos que j'grimpe au gerni, d'ardéchinte avec ène séquo à jeter, c'est nin facile...hier j'ai déchindu m'caméra super 8, qui est incore dins l'boite d'origine, j'cros que j'va incore la garder ....

A ch t'heure y'a pus d'pleuff.. in peut mette les parapluies au bac à z'ordures.
Mi aussi j'ai fait l'tri des ptit pères wouarre... Y n'd'avot tut partout mais jomais l'couverque qui va aveuc. J'cros bin qu'ch'étot des piches ed musée du timps que m'momère elle allot aux premières réunions.
Mi j'ai jomais été à ces réunions mais j'avos m'n'armoire toute pleine... à nou mariache in a même eu l'boite à cornichons de la part d'eune cousine de m'momère espécialiste in réunion ptit père wouarre... bin elle sintôt l'vinaique ! ( cha j'm'in sers...ch'étot un cadeau utile même si ch'étot nin eune premire main)
Ch'est comme les ropes ed mariée, à quo qu'cha sert d'garder ches fouffes? comme si qu'in allot s'armarier dins l'même rope...et pis faut cor rintrer d'dins... mi je n'voudros nin essayer: j'ai pitié de freuture éclair!

bin elle sintôt l'vinaique !

ch'est nin l'cousine qui sintot l'vinaique, mais l'boite à cornichons pour les ceuss qui suiftent nin là bas au fond de l'classe...

ch'est vrai, einne vieille cousine, cha peut sintir in tiot peut!!!!

bah.. in met un tiot peu d'sint bon et pis cha passe....
J'arviens chu l'sujet du cangemint d'saison ( ch'étot l'thème du départ d'ù qu'les guernoules elles avottent invie de tout mette au bac à zordures avint d'cacher après perdu)
Y'a rin à faire tchin que j'ouffe eune parinthèse, j'fais toudis un roman et je n'sais pus quo qu'j'allos dire...
Ha si! in parlint du cangemint d'saison: vous savez quo qui arriffe dins à peine pus de 2 mois?

Les jours y rallonchent...dins foque 2 mois et demi, h'est ti nin beau cha?
Cha va donner cor invie à certain de tout ringer dins les casseroles et les placards.
:printemps:

dins 2 mos sans vouloir faire d' l'humour noir cha va sintir l' sapin.
intre nous soi dit mi cha n' risque pas i est in plastique.
i va faloir arsortir ché guirlantes et tout l' diape sans train qui comme par hasard sont intiquées au au fond du célier.(ej parle pour s'eusse qui comme mi qui habitent in appart')
et comme ché mi qui s'i colle.
ej va cor ete obligé d' râler.

flersois a écrit:

Mi , j'ai décidé, à chaque fos que j'grimpe au gerni, d'ardéchinte avec ène séquo à jeter, c'est nin facile...hier j'ai déchindu m'caméra super 8, qui est incore dins l'boite d'origine, j'cros que j'va incore la garder ....

Mi ch 'est parèle, j' ai core un tas d' vièsries que j' arrife pas à m' débarrasser. Ch' qu'in jette aujord'hui, in l' argrette d' main.

. Les gosses cha les intéresse pus, i faut du neu ! ! ! !

. Tous les apparèles qu'is coûtotent la pieau des fesses hier, in les a pour rin aux brad'ries aujord'hui......

.

.

Citation :

Mi ch 'est parèle, j' ai core un tas d' vièsries que j' arrife pas à m' débarrasser. Ch' qu'in jette aujord'hui, in l' argrette d' main.

T'as assez pour in faire un Musée, et te f'ros un bon guide....

Nosautes dins l'guernier in pourrot faire aussi un dépot-vente ! In a chés cartons de cours des infants quind is étottent in études- oui oui maman, n'rouspète pas, in va les récupérer - j'me deminde bin quand et pou qui ? quind is auront des infants les programmes auront suremint cangés au moins 10 fos !...
Pis i a aussi des meupes, de l'vaisselle - maman min appart i est trop tiot, té pourros m'garder cha in attindant - ouais pace que su mes tros infants i n'da deux qui n'arrêtent pas de déménager (bon à leu décarge ch'est pou treuver moins quer...), comme is sont in colocation forcémint i a des trucs in doupe ou tripe alors.... in met cha au guernier d'papa et maman.
In a même des séquos d'eune nièche vu que min frère i est in appartemint.
Pis si m'n'homme i étot là i dirot, n'oblie pas d'parler de tes cartons d'décorations d'Noë, alors j'sus honnête, y a 6 - ou 7 caisses d'décorations, ringées par couleurs (j'cange de thème tous les ans, par roulemint..., ouais je sais j'sus sossotte)
Pis deux vielles télés (pou qui ??) des k7 vidéos (ouais mais pus d'magnétoscopes), un viux landeau inglais à grindes reules (jamais mes infints n'prindront cha !), un viux canapé in cuir (un copain d'min garchon dot v'nir l'querre mais quind ??), un viux matelas (in s'deminde bin pouquo in a gardé cha !) et d'autes cosses que j'me rappelle pus...
J'vos l'dit, j'vas pet ête faire eune journée brocante devint min trottoir... pace que là cha suffit, ch'est plein !!!

. Té mets tout cha d' sur l' trottoir quand qu'i a eune brocante, i a bin des couillons qu'is vont acater tout cha ! ! !

. Té mets l' prix fort insuite té baisses l' prix, is vont accroire qu"is vont faire eune affaire et is vont ète fin contints..

. i

j'ai éré DJ,animateur,musicien ej vous prie d' croire que cha prind d'el plache.matériel d' sonoriastion, d'éclérache,CD j'in avo pus d' 500.
n'ayant ni cafe,ni grenier ché galère pour tout ringer.
j'ai arrêté i a 2 ans j'ai tout donné à par 2 amplis et mes 10 guitares.
j'in conno eune qui est continte.

Citation :

un viux landeau inglais à grindes reules

T'es sure que te n'd'auras plus b'son ?

flersois a écrit:

Citation :

un viux landeau inglais à grindes reules

T'es sure que te n'd'auras plus b'son ?

ch'est bin flersois, t'as pas débordé in faisant l'coloriache...

non je n'd'aurai pus b'soin, chés modèles là cha n'a pas l'direction assistée et chés reules alles sont "fixes".... comme cheule année j'ai, intre aute, deux tiots de 5 mos et 14 mos j'ai racaté eune poussette doupe et l'aute tiote d'2 ans alle peut tenir l'cadre... su chés nouvieaux modèles i a eune bonne suspension, chés reules n'sont pas bloquées, i a un habillache pleufe intégral, rin à vir avec min viux landeau... faudrot juste rajeuter un tiot moteur pou les côtes

Faut pas l' jechter, cha pourrot core servir à brouter eune vièle grand mère qui peut pus arquer.