Ch'est aujord'hu!

Un tiot peu après midi, cha sera 9 -10 - 11 - 12 - 13 - 14 -15 si qu'in va jusqu'aux chintièmes de secontes!

A part cha, i ne fait nin caud. I avot foque 5 ch't'au matin mais heureusemint cha devrot sacrémint armonter à partir d'après midi.

N'impêche que les feules is quettent.

Bon, allez, eune bonne journée à tertous et sin quien!

In a fauque perdu 15° intre diminche derni et aujord'hu et i pleut. Pour chez nous pon d'problème avec l'nappe férérique !

Heureusemint que j'ai pris des pulls, i pleut i fait gris, mais l'long del route y avot des arbes magnifiques l'végétation ale tourne au vert pâle, au marron-roux, y a d'bielles photos à faire.

Pou nosaute aujourd'hui ch'est 9 - 10 - 11.... -35, ouais pace qu'in a 35 ans d'mariache aujourd'hui ! et in n'a nin cangé d'pis 1976, infin presque pas !
pou fêter cha, in va au restau... hier au soir in avot eune soirée dansante avec des copains et in s'a secoué l'couenne jusqu'à 3 h au matin, comme des jonnes
bonne journée mes gins.... demain cha va ête dur !

Pourquo qu'cha va ête dur d'main ? Te dis qu't'as pas chingé d'pus 76 donc pon d'problème ed récupération......

35 ins? A m'mote que le plus dur i est fait à ch't'heure...

Armarque, je dis cha... Incore 35 et t'aras foque 90 ins. A l'occasion vous n'avez nin incore comminchi l'deuxième mitan du voyache.

Ne dis nin cha à saint toni. I risquerot d'être tout défoutu énon?

Ch'est pour de rire hein! Ne cangez rin, vous êtes adorapes comme vous êtes. Un bon lanniversaire à tous les deux

Tiens, pour fiêter cha, je vas aller faire un tour in mobylette pour cachi du fromache et surtout de l'crême fraîche dins le Doubs. Cha fait un momint que j'ai nin été.

Le problème ch'est le trinsport de l'crême fraîche sins la rinverser. L'solution que j'avos jusque là ch'étot de mettre un top case à m'mobylette, de préparer des boîtes de 2.5 litres de crême glachie - vides - d'y faire des tiotes niches avec du plastique à bulles pour bin caler les pots à l'intérieur et, aussi avec du plastique à bulles, coinchi les boîtes dins l'top case pour qu'i n'ait rin qui bouge, même chu les ralintisseux.
Mais j'aime nin ch'top case, vu je trouve que chu m'mobylette cha fait marchind de glache. M'infin bon, tchand qu'in est un tiot peu goulaffe...

Et ch't'au matin j'ai découvert que les boîtes de 2.5 litres de glache, cha rinte presque pile poil dins l'espèce de boîte à pizza que les flics is ont à l'arrière de lu moto. Et vu que depuis ch'printimps j'ai récupéré pour deux fos rin eune incienne moto de police qu'elle avot fait un valdingue, je vas printe cheule-là pour aller dins le Doubs, sins passer pour un marchind de glache.

In puq, de rouler avec eune incienne moto de police, cha ouvre souvint la route, allez savoir pourquo. Pourtint vous pinsez bin que je ne deminde nin...

J'espère juste que le timps i ne va nin s'armettre à l'pleufe. D'après l'carte météo, cha va être limite quind même.

Hmmmm je me régale d'avinche...

tiote bellotte a écrit:

Pou nosaute aujourd'hui ch'est 9 - 10 - 11.... -35, ouais pace qu'in a 35 ans d'mariache aujourd'hui ! et in n'a nin cangé d'pis 1976, infin presque pas !

35 ans ché les noces de Rubis, Bon Anniveresaire..

Citation :

In puq, de rouler avec eune incienne moto de police, cha ouvre souvint la route, allez savoir pourquo. Pourtint vous pinsez bin que je ne deminde nin...

T'as laissé l'sirène ?

Malheureusemint elle avot cassé dins l'valdingue. J'ai eu foque des morceaux. Is sont au bac à l'ordure

Bon anniversaire ed mariache à Tiote Bellotte et Toni, y'a batisse qui va faire eune piche montée aveuc de l'chantilly à la crème fraique du doub... Ha les goulaffes!

bon anniversaire ed mariache à vous deux,batisse après qui rinte as maison , ch'est pus del crème fraiche qui va avoir , ch'est del creme battue ...

tutti i miei auguri de; bonheur per voi due ancora pieni di anni di gioie :printemps02:

T'as un problème de clavier pistouille? Je ne sais nin si que l'cheftaine elle va comprinte cha que t'as écrit.

In dirot eune arcette de sauce bolognaisse mais vu qu'i a nin l'air d'avoir beso de bain marie, cha ne va nin l'imballer.

Infin, je pinse...

BEN TONY C'EST ITALIEN NON ?

pistouille2 a écrit:

tutti i miei auguri de; bonheur per voi due ancora pieni di anni di gioie :printemps02:

J'ai d'mindé à gougol d'traduire, v'là ch'que ça donne :

tous mes désirs; bonheur pour vous deux années encore plein de joie

Merci mes gins pou vous souhaits
In a bin mingé, après in est allé vir m'file qui avot sin match d'volley pas loin d'ù qu'in mingeot - in est arrivé pratiquemint pou l'balle de match ! - heureusemint alles ont gagné ! pis après in a voulu aller au cinéma vir "the artist" avec Jean Dujardin (ch'est l'film muet) et v'la un film que toni et mi in avot invie d'vir tous les deux, c'qui n'est pas évident pace qu'in a pas toudis les mêmes goût in cinéma.... bin in a pas pu l'vir, y'a tros cinémas dins l'ville à côté d'chez mi, c'qui fait 7 salles in tout et bin pas eune seule passot c'film là ! incroyape !, ah la guerre des boutons alle passot dins les tros cinémas, cha i n'avot ni d'problème pou l'vir...
Vu l'heure in allot pas armonter d'sus Lyon, cha s'ra pou l'prochain ouiquende...

J'ai compris Pistouille, ouais Toni i est italiano-chti (Toni avec un i pace que le y i n'existe pas in italien)....

I a nin à dire, gougoule i traduit rudemint bin. Heureusemint qu'in l'a énon?

Heureusemint qu'in a flersois aussi, parce qu'i fallot y pinser à confier cha à un espécialisse du traduisache...

Citation :

I a nin à dire, gougoule i traduit rudemint bin. Heureusemint qu'in l'a énon?

Et in peut l'écouter aussi, ché bieau in italien,

non cela veux dire "TOUS MES VOEUX DE BONHEUR POUR VOUX DEUX ET ENCORE PLEIN D'ANNÉE DE JOIE" ET TOC

pistouille2 a écrit:

non cela veux dire "TOUS MES VOEUX DE BONHEUR POUR VOUX DEUX ET ENCORE PLEIN D'ANNÉE DE JOIE" ET TOC

Ché marrant, v'là c'que cha donne ta phrase:

TUTTI I MIEI AUGURI DI FELICITA 'PER VOI DUE E ANCORA ANNO PIENO DI GIOIA

Quo qu't'in pinse ché bien comme traduction ?

OUI C'EST BIEN

pistouille2 a écrit:

OUI C'EST BIEN

Eh ouais, in rigole avec ché traductions, mais mi, j'sus in belgique, j'arços de papis in néerlandais, j'aime bin d'savir d'quo qui s'agit...ça m'aide un peu à comprendre, mais pas toujours...

yé nin trop tard!
Joyeux Anniversaire de mariage à Tiote Bellotte et Toni.
J'vos que vous avez passé eun' superbe journée.
Viv'mint s'soir alors...

Bon, j'viens d'apprinde que l'film qu'in voulot vir au cinéma diminche, i sort que demain in salle, valà pouquo i n'passot pas dins m'ville...
Cha m'fait rire pace qu'à l'habitute quind in s'décide à aller vir un film, faut treuver l'momint d'ù qu'in a l'timps intre l'musique, l'chorale, les copains et l'famile et que bin souvint eune fos qu'in a treuvé l'créneau, bin l'film i a d'jà un momint qu'i n'est pus à l'affiche, alors pou eune fos qu'in étot à l'avinche, j'me marre !!!
Bon asteur faut espérer qu'i va rester à l'affiche un momint pace que les prochains ouiquendes i sont d'jà bin cargés...
J'sins qu'cha va cor s'terminer par l'acat du DVD qu'in ravisera... dins 1 an.