Bon, pour l'plupart d'intre nous i dot y avoir prescription à ch't'heure...

Dins un autre sujet pépé i cause d'un surnom qu'i avot donné à un prof, tchand qu'i étot cha plus jone.

Cha m'a donné l'idée de linchi ch'sujet-ichi, qui va faire touiller dins nous méninges pour se rappeler des surnoms qu'in donnot à certains de nous profs ou éducateurs ou séquos ainsi. Gardiens de prison ou adjudint à l'armée cha marche aussi... in ne sait jamais.

Cha serot incore plus comique si qu'in savot le pourquo du surnom.

Bin sur, si qu'i a des inciens profs ou adjudints - ou autres galons ou zétoiles - avec un sins de l'autodérision, is sont binvenus pour allonger l'liste avec lu surnoms connus!

Allez, je comminche

In pinsion, in avot un surveillint général qu'in appelot Noc. Comme quo l'idée du verlan elle n'est nin née d'hier...

J'ai aussi été louveteau dins min jone timps, in courte maronne et tout et tout. Avec mes cavux in brosse. Infin, m'mère elle arot bin voulu qu'is tientent mais même avec tout un tupe de cosmétique, cha arquéyot.

Bref, aux louveteaux in avot un aumonier, i s'appelot Pitch.

Pitch dins le patos de nou coin, cha veut dire pouce.

A Pitch i li in minquot un...

Cha dit, je me deminde si que ch'étot l'aumonier des louveteaux ou d'eune autre séquo. Bref, ch'étot Pitch. I étot déjà viux et cha dot faire longtimps qu'i n'a pus de mau à ses dints.

quind j'étos au collèche j'ai eu un prof de Français qu'in surnommot le cat... i passot toudis s'main derriere sin orelle comme les cats qu'in in dit qui va pluvoir, d'ailleurs i pleuvot souvint quind i faisot cha...

Mi au lycée j'ai eu un prof d'musique qui juot vous savez avec eun' boite à musique avec un manche sus l'quel i appuyot et i juot ches notes avec l'aut main, bin in l'applot neuneul passe qu'i louchot l'pauff'.

J'ai rin compris à tin instrumint!

In avot un prof qui avot toudis s'bouque serrée avec ses loupes in avint. In l'appelot Donald.

In école technique, in n'd'avot un qu'in appelot Nezba vu qu'i dijot cha à la fin de toutes ses phrases.

A l'école primaire de Directeur était si maigre que nous l'appelions SARDINE
, la prof de musique Melle LELONBEC (ref à F.RAYNAUD) le prof de math HITLER c'était une peau de vache

Ah mi aussi j'ai eu eune mlle lelonbec !
j'avos eune prof d'anglais que j'avos pas querre et j'l'appellos "l'baronne de la tronche en biais"... (j'cros que ch'étot un sketch de Sim, l'barone)

. L' chef d' carreau du 6 avot un neul d' verre, in l' surnommot neneule. Quand qu'i étot in rache s' neule alle kéot d' sur sin bureau, i crachot d' sur et i l' armettot dins s' n' orbite vite fait bien fait.
.....
. L' chef d' atelier à l' ajustache n' étot pas pus grand qu' note pitit Président...i étot surnommé l' tiot chef..
....
. L' Prof d' Allemand arrife dins l' classe et i comminche s' leçon par " ich bin". . . . in l' a surnommé ...Ich bin ....
....
. Comme jé l' dijos d' sue l' aute pache l' prof aveuc sblousse blanque...Aspro...
.....
. L' frère d' min mononque carrieux d' carbon allot tos les diminches chez eune parinté dins l' cité du Transvaal à Fouquières, i étot surnommé Boër, j' pinsos qu' ch'étot vraimint sin prénom.

..... ich bin very happy Oh ! ! !

Juste avant guerre note Directeur d' école qui avot fait l' guerre 14/18 applot un élèfe qui mintot toudis comme un arracheux d' dints; Hitler ! ! ! Celui la c' est Hitler ! ! !

Mi au lycée l'préfet d'discipline i s'appelot "Albert" sins vrai prénom ch'étot Pierre Camus !

l'prof de compta dins s'même lycée : "Bouboule" il était aussi large qu'épais

Min directeur qui est parti in janvier d'cette année, in l'appelot "Poutine" i avot s'tiète et certaines ed ses manières : très directif et interdiction d'el contredire !

J'ai connu un chef qui étot nin grind et tout gris. I étot surnommé le petit gris.

A l' école, un copain s' app'lot Bexant.....in l' surnommot:

. "Becsandents" ...

.

nous in avot in prof qui avot eine flride rouge, in l'appelos jonne drek l'l'homme à la voiture rouge

eine floride rouge,min piano deconne

J'l'ai déjà dit dins un aute sujet, mais je n'sais pus dins lequel, quind j'sus arrivée in 6ème et que j'ai vu qui j'avos comme prof de Français, j'me sus demindée commint i allot faire pou s'présinter...
Ch'étot un homme d'min villache et in peut dire que chés parints is n'avottent pas vraimint réfléchi au conséquences du prénom cujit pou leu fiu.
In effet c'prof là avot pou nom d'famille Tombal et sin prénom ch'étot Pierre...
Ch'étot nou prof principal et in l'a très vite surnommé "croque-mort"
Cha n'a pas du ête facile pou li tous les jours dins sa vie, mais à c'que j'sais i n'a jamais cangé de nom.

Min père avot eune Dauphine rouche..ses camarates l' app'lotent aussi "L' homme à la voiture rouge", par rapport à un feul'ton qui passot à l' radio à ch'temps la (1965 ?) .

Cha l' énervot, du cop i l' avot armisse in couleur grisse..

.....

. J' arrife à s' maison un diminche matin,, i m' dit "Viens voir, j' ai remis ma voiture en couleur".....juste avant d' avoir eune hémiplégie....à midi....i est décédé l' après midi i n' a jamais roulé aveuc s' voiture grisse ! ! ! ! (59 ans ...)

Min garchon i a fait eune école mirlitaire à Brest et i avot un gradé qu'is appelottent playmobil.

I faut dire que tchand qu'in le veyot marcher au pas, i n'avot nin volé sin surnom!

J' artreufe pus les ...comme



I étot raite comme un passe lacets? Playmobil....

J'ai eu un prof "Adolf "

à cause de s'tiote moustache..