Cang'mints
Arv'la l'temps qui cange, chà cange dix fos dins l'jour et in s'arcange ed'loques. Tout cange in ch'momint. In a cangé l'heure et chés jonnes cangent ed' vitesse et cangent ed' file sans s'faire ed' bile (chà cange ed' fille aussi !).
Maman cange sin tiot qui y gagne au cange.
Mon n'onque Archange a cangé d'femme et l'aute a cangé d'visache et d'adresse . Y'in a qui cangent ed'sexe, d'autes cangent d'état. In a même cangé d'lune.
Ch'est l'temps des vagances, in cange ses habitudes, in cange ed' pays, in cange tell'mint d'sous qu'in a inventé l'contrôle des canges : n'impêche, billet cangé, billet d'mingé !
Et mon n'onque Archange qui comminche à busier qu'i a cangé eun'borgne contre eun'aveugle !
Ch'est l'temps des cang'mints d'pâtures pou réjouir chés viaux !
Tiens ! Ti aussi, té pinses à canger d'air ?
Guy de ch'bos
(Guy Dubois)