Cha y est mes gins, j'arprinds l'traval aujourd'hui
J'attinds m'tiote tribu d'ichi eune demie heure, bon cha va cor ête un rythme assez trinquille, in a pas cor les trajets d'école à faire et in est pas cor obligi d'avoir les yux rivés d'sus l'horloche... même si qu'in minge qu'à pus d'midi ch'est pas graffe.
Is vont in avoir des séquos à m'raconter, ch'est suremint pas mi qui va babeller l'pus aujourd'hui.
J'sus continte d'les arvir.

Bin mi j'apprends ....mercredi (l'jour des afants !) j'travalle toute l'jornée alors que normalemint in travalle pas l'mercredi après-midi et j'y va in trainant les pids car j'me sus fait un' tiote intorse à l'chevile gauche et cassé in orteil à droite deminche derni : j'boite incore un tiot peu. Allez bonne arprise à ti et amuse-te bin.

bon courache à vous deux

Merci pou l'souhait Flersois mais ch'est eune semaine qui comminche "bin" pou mi !!! j'sins que j'vas arteurner à l'école !!! j'vas astiquer m'carnassière !
Vos savez les russes que j'ai eu pou faire l'première vidéo avec mes tiots films d'vagances.... C'matin toute continte j'donne l'DVD à chés tiots qui bin sur veultent l'raviser.
In s'installe, l'film i comminche et, là, d'sus eune photo que j'avos commintée j'vos eune ENORME faute d'orthographe !!! j'ai écrit chevaux "cheveaux", min diu seigneur marie joseph (comme dijot m'grind mère)! Heureusemint que j'avos ravisé l'montache au moins tros fos avint d'l'inregistrer et de l'graver !
Bin sur depis j'ai effacé tous chés tiots bouts d'film pou faire de l'plache d'sus d'ordi. J'peux donc pas arcommincher !
Du cop j'me sus donnée eune punition : j'dos copier 100 fos
- un cheval, des chevaux

cha va comme punition ppPB ou bin t'as eune aute idée ?

Bin mi, j'viens d'in finir avec un montach' vidéo,cha m'a pris tros s'maines,j'étos nin nan plus huit heures par jour ed d'ssus...
eun' bonne heure tout au plus,et des jours sans...
Tout cha pour eun' vidéo d'eun' demi heure...
mais ch'est vrai que cha deminde pas mal de traval,mais quand té vos ch'résultat, et bin té d'dis, t'as bin euvré!!!
J'avos oublié... j'ai core l'pochette à faire!
bon bin j'min vas à l'ouvrache.

J' sus obligé d' écrire in Français: Rappel:
On écrit chevaux quand il y a plusieurs chevals ! !
Exemple:
...........une prune, des prunaux ! ! !

Flersois, té bin certain que t' guernoule ch' est pas eune crapaude ? ?
.

Ché vrai qu'in a l'habitude à la télé d'vir des montages professionnels, in a bin sur maintenant des bons outils , mais in n'peut nin rivaliser avec chés pros, et quelquefos, in ne va pas jusq'au bout d'not projet..

pépéPéBé a écrit:

...........une prune, des prunaux ! ! !

et bin sur un chacal, des chacaux... ah non ! j'm'a gourrée
In a bieau dire i a des sacrés pièches dins l'lanque françaisse

pépéPéBé a écrit:

Flersois, té bin certain que t' guernoule ch' est pas eune crapaude ? ?
.

Te connos l'différence ti ?? In tout cas cha croassait ou bin cha coassait, commint qu'in dot dire ?

flersois a écrit:

Ché vrai qu'in a l'habitude à la télé d'vir des montages professionnels, in a bin sur maintenant des bons outils , mais in n'peut nin rivaliser avec chés pros, et quelquefos, in ne va pas jusq'au bout d'not projet..

depis min premi montache, j'me sus améliorée ! samedi in a été chez des amis, et nou amie ch'étot pus ou moins sin traval d'faire des montaches, alle m'a donné l'nom d'un logiciel qui fait pus d'séquos et qui restitue miux chés photos et chés films que "movie maker".
J'ai installé hier l'version d'essai pou vir et du cop j'ai arcomminché l'tiot montache que j'avos comminché pou l'anniversaire de m'maman qui a 80 ins cheule semaine (j'peux l'écrire, bin que mes parints lisent l'forum d'timps in timps, pace qu'is sont pas chez eusses in c'momint)
Bin ch'est vrai que ch'est gramint miux comme logiciel...

Un blairal, des blaireaux

Mi aussi am maison in diso "Seigneur Marie Joseph", ché ptete d'in nou coin, Tiote, qu'in dit cha.

ed toute façon, depuis que j'suis à la retraite, j'n'écris pus trop! Et depuis que j'essaie d'écrire in patois, alors là! C'est catastrophique! j'artroufe toujours des fautes; c'est la cata!C'est vraiment difficile, et in plus, in n'vaut pus nos fautes su l'coup!
Cha rappelle quind in faisot des corrections, à forche, in voyot pus ches fautes!
Alors, rien n'est grave, Tiote Bellotte, mais j'comprends que c'est dur à avaler! On vérifie mais on ne voit plus! qu'en relisant; J' pense que c'est pour cela que dans les journaux, il y a plusieurs correcteurs. Nous sommes des humbles, alors il faut nous pardonner " en se claquant la tête contre les murs".

J' ai l'même problème min nain, j' vos pas tout d' suite quand que j' fais des fautes commes des majons ! ! I a des momints au liu d' écrire in Français à quéqu'un j' li balanch' ros des mots in patois.
.......
A Babel , le bon diu avoulu foute l' bazar inter les hommes in mélangeant les lanques nous i nous éra pas. In parle comme in peut in ch'ti faut pas s'faire d'bile, l' important ch' est d' communiquer et de s' comprinte.
Faut s' lancer ! ! ! ! !

Ch'est quoi tin logiciel Tiote, mi j'ai "Pinnacle Studio 12" et cha fait des trucs pas mal du tout.

Quand j'arçois des e-mails qui ont l'air sérieux mais avec des fautes d'orthographe, cha m"met l'puce à l'orelle et j'les supprime, ché quelquefois pas grand'chose...

Loumarcel a écrit:

Ch'est quoi tin logiciel Tiote, mi j'ai "Pinnacle Studio 12" et cha fait des trucs pas mal du tout.

mi ch'est l'version studio 15 HD ultimate...

flersois a écrit:

Quand j'arçois des e-mails qui ont l'air sérieux mais avec des fautes d'orthographe, cha m"met l'puce à l'orelle et j'les supprime, ché quelquefois pas grand'chose...

Souvint ch' est pour t' soutirer toutes les coordonnées de t' carte bleusse.
J' in archos d' SFR et même Paypal, des faux bin intindu.