Quind in est rintré d'vagances, min homme a monté un abri d'gardin in bos, i a tout juste fini hier, ouf ! pace qu'i arprenot l'boulot c'matin..
Mi j'sus cor in congés pou eune dizaine d'jours et min traval in attindant l'arprise bin ch'est d'mette in peinture cheul abri pace que ch'est toudis mi qui peint, min homme a pas querre cha - tiens cha m'rapelle quequ'un - et que mi au contraire cha m'déringe pas de l'faire...
Alors d'pis c'matin ch'est l'rumba du pinceau, j'ai fait deux côtés, c'qui m'minque l'pus ch'est d'pas pouvoir travaller in musique, bin ouais in a pus d'viux poste à piles que j'pourros immener au fond du gardin, in a même pus d'poste éleuctrique que j'pourros brincher avec eune rallonche..
J'me sus dit qui devot bin rester queque part un balladeur des infants, bin non.
Min homme a un "arcos" (j'sais pas si in l'écrit comme cha) qu'i acoute pindant sin heure de trinsport in train, demain j'vas pet ête y prinde... pace que travaller manuellemint in musique j'troufe que cha aide...
J'canteros bin, mais min vojin étot dins sin courtil c'matin et j'voulos pas l'faire sauver !

Bin nous in a démonté ch'l'abri in bos, pou commander un aut' abri in résine, i est d'jà arrivé l'seminne dernière mais ches cartons d'imballach' is étotent abimés et ches morciaux in résine tout écrasés, alors ar'tour à l'invoyeur.
J'attinds le suite cha n'devrot pus tarder.
Not abri in bos i étot ed 1986, mais avec gramint d'couches d'lasure, pou l'péserver presque tous les deux ans et pis aussi grammint d'vis pou le s'tabiliser., i partot tout d'bistincoin.
Alors i fallot printe eun' décision.

j'in monté in in tole à min tiot voisin fabrice,bin ch'est in sacré bazar à monter, avant y à fallus couler eine chape ed 15 cm d'épaisseur 2m50 sur 4m , y avot ech plan avec , mais rien ed détaillé edsus, in sin est sorti quand meme, j'in avot déja monté in pour min patron,cha fait trois semaines qui est monté ,y est pas core inv olé et y à pas ed fuites d'ieau

Ch'est des abris pour vousautes ou des abris pour vous otiles de gardin et des autres saloperies ainsi?

In tous les cas, in roumbate du pinceau in tchoeur cheftaine. Après avoir poncé des volets - heureusemint ch'est les deux dernières paires - j'ai peinturluré. J'adooooore, surtout tchand que l'brouche que t'as bin posé à plat chu l'bord du pot elle décide de tcherre dedins, et des séquos ainsi.

La rumba du pinceau, j'cros qu'ch'est Bourvil qui cantot cha!
Mi, j'devros m'y mette por les f'nêtes mais j'avoue qu'j'a pas courache§ In a installé les farniètes, quan d i avotent canger l'mastic pass que ch'étot toxique! Depuis, l'mastic i coule ed partout, ch'est dégueu..., plus in in inlèfe,et plus cha coule et cha colle. In plus, ch'est couleur marron rouche; Si quequ'un connôt unne solution, ch'sus tout ouïe!

Ch'est quo ch't'histoire de mastic toxique? Du mastic standard ch'est de l'hule de lin mélingée à de l'pourette ginre chaux ou eune séquo ainsi. Rin que du naturel!

A l'plache de cha, i arot un menuisier qui arot réussi à te convaincre de mettre des autres ferniêtes mais avec du mastic rouche? Si ch'est le cas, j'appelle cha un escroc...

Solution - à moins que j'aie rin compris - : bin inlever le mastic rouche et in armettre du beige, standard. Ou alors du synthétique, mais là ch'est moins sur que cha soche écolo si que t'es attirée par cha!

batisse a écrit:

Ch'est des abris pour vousautes ou des abris pour vous otiles de gardin et des autres saloperies ainsi?

Alorse, ch'est pas un abri anti-atomique qu'in s'a construit, ch'est pou ringer les otiles-tondeusse-broyeusse à feules-louchet-pots d'fleur-barbecue et cie...
Ch'est comme pou Marcel, ch'est un remplacemint, l'viux étot installé depis 1987, i comminchot, malgré un intretien régulier, à n'pus ête trop potape, in avot fait avec nous moyens de l'époque et ch'étot pas de l'qualité supérieure, pis surtout i étot devenu trop petit pou ringer tout l'bazar.... tout comminchot à s'impiler, eune vaque arot pas artreuver sin tiot... là in a pris presque l'doupe de surface et bin sur, i a fallu arfaire eune aute chape, que min homme a fait juste avint qu'in parte in congés pou qu'elle seuche bin sèche à l'artour pou faire l'montache.
Pou l'montache, tout s'est bin passé, malgré un descriptif pus que léger (comme dit ch'duc), des fos i a de quo s'énerver, mais déjà ch'étot in Français, pas in japonais ou suédois, in s'in tirot pas mal.
Infin, tout s'est bin passé jusqu'à l'installation des portes, les charnières étottent pas adaptées -bin sur cha in s'in a aperçu diminche quind l'magasin étot freumé, et lundi ch'étot férié- du cop tout l'dimanche, min homme, tel Mc gyver, a bricolé pou que les charnières s'incrinquent bin dins c'qui étot prévu... i avot pas assez d'clous nin pus dins l'bote d'montache, mais bon, heureusemint in in a tout un stock...

Hier j'ai fait tout l'première couche extérieure, deuxième couche aujourd'hui, pis après faudra faire l'intérieur...
Intre les midi j'ai eune copine qu'i m'a proposé d'l'arjoinde au bord de s'piscine pou eune après midi papotache et bronzache, bin j'ai résisté : "non que j'y ai dit, faut que cha seuche terminé avint vindredi soir, samedi min garchon venant nou m'mette de l'résine su l'sol (ch'est sin boulot actuel)"... z'avez vu, j'ai resisté à un babellache !!!!! l'bronzache, cha, j'm'in moque

tiote bellotte a écrit:

z'avez vu, j'ai resisté à un babellache !!!!!

Te trouves qu'i n'a nin assez pleu comme cha?

Avec tes bêtisses le gazon i pousse comme au printimps!

l'année prochaine, dins pas longtemps si tout va bien,ej vais m'aquater in abris ed gardin in bos genre chalet,ej pourais faire eine pitite queminée in pierre et brique,du fait que chétot em ancien métier, y aura toutes les sécuritées requises contre l'incendie,

Bon in vient d'réceptionner ch'colis (3) de l'baraque à outils. I y a cor des coups sus ches cartons mais j'pinse qu'i y a rien d'cassé et que j'devros monter tout cha sans problinme. J'va vérifier l'intérieur ed chés cartons, j'ai émis des réserffes sus ch'déballach' passe que j'ai pas tout déballé, ni vérifié pièch' par pièch.

J'ai fini l'journée couleur caramel, non pas à cause du bronzache (i faisot sacrémint caud aujourd'hui) mais à cause d'une bêtisse d'fin d'journée, vos savez quind in comminche à fatiguer et quind n'réfléchi pus d'trop...
Valà j'étos d'sus min escabelle et in voulant raviser in d'sous des débords d'toits si j'avos bin mis de l'peinture partout, j'ai pinché m'tiête d'un côté... et mes épaules avec, et dins eune main j'avos min pot d'lazure qui s'a rinversé d'sus mi, in guilant de min maillot d'sus mes gampes et mes cauchures...
Bin sur min pot n'étot pas presque vide... que dallache à tout nettier !

aveuc un tour parel, et des produits aussi agressifs, ya pu qu'un remette : in bonne séance d'esthéticienne, ed massache et d'huile su ché gampes !

toutes pareles les garnoules i in pas eune pour rattrapper l'aute

celestinetta a écrit:

aveuc un tour parel, et des produits aussi agressifs, ya pu qu'un remette : in bonne séance d'esthéticienne, ed massache et d'huile su ché gampes !

Ch'est bin eune idée de guernoule cha! Du massache. Et pourquo pos un lifting pindint que t'y es?

White spirit et huile de coude ouais.

Pour le maillot et les bottines, attinte les prochaines soldes...

Sinon, blague dins le coin, le dissolvint à vernis à zongues, ch'est radical. I n'a nin grind cosse qui résiste à cha... Mi j'ai cha avec mes affaires de bricolache...

In puq ch'est écrit "extra doux" chu l'boutelle... t'as qu'à vir!

Vos in faisez nin mes gins, j'ai lavé mes gambes (non pas au savon noir, j'vos intinds d'ichi, voyous !) avec du white truc, pou l'maillot et les cauchures, ch'est des affaires spéciales bricolache, qui ont d'jà bin vécu et in ont vu d'autes...
Mais comme min homme a osé m'dire, quind j'ai raconté cha, que ch'étot sin doute min sing belche qui étot arsorti, j'cros bin que j'vas aller m'faire pouchiner à l’esthéticienne -merci Célestinetta, j'y avos pas pinsé !- NA !

Armarque, pour ch'maillot l'esthéticienne elle a des solutions. Pour les bottines, va plutôt chez un cordonnier!

Pour le maillot... mi j'ai jamais fait, mais i a l'air qu'i n'd'a des qui font faire.

I a des drôles de métiers quind même énon?

ché des métiers dù qu'in rigole....in dit "s'poiler"non?

oui profite de l'occasion pour aller te faire dorloter et tu verras peut-être tu renverseras d'autres pots de peinture

Nous i y a pus que ch'toit à mète, comme i keminchot à faire noir i a fallu arrêter d'monter l'baraque à outils.
D'main i f'ra pus clair.

Ch'est vrai qu'i a des guernoules que ch'est des pots de peinture imbulints...

tiote,t'a pas assez bronzée in bretane?

batisse a écrit:

Ch'est vrai qu'i a des guernoules que ch'est des pots de peinture imbulints...

chés indiennes....

Nan ches indiennes is mettent un point rouch' sus leu front ch'est tout.