J'ai mis c'sujet dins les inciens métiers du nord bin que cha se passot pas dins le Nord, pace que c'que j'ai visité pindant mes vagances a grammint de similitudes avec c'qui s'passot dins l'nord à l'même époque.
In étot dins le Morbihan (56), à 15 kms de Lorient, à Hennebont précisemment pou ceusses qui connaissent, et in est allé visiter le musée de la forge.

Les forges avottent été créées in 1860 et alles ont fonctionné jusqu'in 1966. Is faisottent surtout les botes in fier blanc, imprimées directemint d'sus le fier, pou les conserves de pichons, surtout les sardines qui étottent l'pincipale pêque de l'région, mais bin sur au fil du timps is se sont diversifiés et ont fait plein d'autes botes.
I avot des viux outils et maquines, qui devrottent rappeler des cosses à gramint d'intre vos mais in avot pas l'drot de faire des photos alors je n'd'ai pas fait.
Le guide nos a espliqué l'traval qui faisottent là et qu'un directeur avot créé dins l'région les premiers villaches d'ovriers, style coron (ch'est li qui a dit coron) et in a très bin vu su les maquettes arconstituées que ch'étot vraimint comme des corons avec l'tiot gardin pou que les gins améliorent un tiot peu l'ordinaire (comme a dit l'guide), pis i a parlé des jornées de traval, avec des rudes conditions, les ovriers étottent payés à l'quinzaine et les infants travaillottent dès l'âche de 12 ans -normalemint 12 ans mais is comminchottent souvint avant, sins respect de la loi-.
Souvint dins l'quinzaine qui étot donnée dins une tiote bourse, i minquot des doupes, mais personne n'osot réclamer, pace que sinon ch'étot la porte directe et que comme l'direction "protégeot" les ovriers avec les logemints et aussi un dispensaire de soins, les ovriers disottent rin. Ch'étot souvint un meilleu traval que l'agriculture qui in c'momint là allot mal dins l'région et is voulottent pas ardevenir paysan.... pis fallot nourir l'famile.
Dins chés forges, au début du 20ème sièque, i a eu aussi tous les grinds mouvemints de grèfe pou l'amélioration du salaire et des conditions de traval, pratiquemint aux mêmes dates que dins l'région NPDC, mais i a fallu attinde les années 1950 pou que chés ovriers comminchent à avoir un tiot peu d'pus de sécurité su leu liux d'traval.
I a eu des gins d'autes régions et pays qui sont venus ouvrer dins les forges au momint de leu apogées dont des gins de ch'Nord et de Belgique.
Un des directeurs de l'forge a fait des écanges avec un pays britanique, i leu prenot leu carbon (qui étot moins querre que chti du NPC, paraitrot) pou alimenter les fux de l'forge et in contre partie i leu fournissot des poteaux de mines pou les galeries....

Alors vos pinsez bin que cheule visite cha m'a rappelé gramint de souvenirs racontés par mes grinds parints su leu condition de traval et su leu vie dins chés corons et que chés ovriers des forges et des mines is arottent pus s'donner la main et s'comprinde si à cheule époque in arot pu voyager aussi facilemint que maintenant.

si vos buquez "Forges d'hennebont" su gougoule, i a tout un artique su Wikipédia

Et t'as pas rincontré min camarate "Daniel Leruyet" qui reste à Hennebont ? Ch'étot un aviateur.

Qu'est-ce que te racontes bien cheftaine!

Incroyape qu'in forgeot les boîtes de sardines! L'boîte elle devot coûter plus cher que les sardines....

Dins l' timps:fleche: comme distent les viux, avant 1960 et un tiot peu après l' courant électrique étot fourni par eune cintrale thermique .

. L' courant sous 15 000 volts arrivot à l' fosse par deux gros câpes gros comme min bras super isolés et blindés et interrés.

. Les câpes arrivotent dins s' qu'in appelot "l' Posse électrique". I n' avot qu'un, d' câpe in service, l' aute étot in réserfe.

. Avec des sectionneurs, et un gros disjoncteur à bain d' huile l' courant étot invoyé dins des maousses transfos à bain d' huile eusses aussi in 15000 volts pour ète transformé in 3000 volts.

. Les très gros moteurs marchotent sous 3000 volts.

. Un aute transfo 3000 / 110 et 220 volts alimintot tout l' restant de l' fosse et les habitations des gins à l' estérieur in basse tinsion.

.......

Pourquoi 15000:fleche: 3000:fleche: 220:fleche: 110 volts ? ch' est pasque plus "in monte " in volts , pour eule même puissance l' même forche i faut des câpes ayant des section pus faipes.... 110 volts n' étot pus utilisé. (Puissance= Tension X Intinsité)

......

I avot deux câpes vénant de l' Cintrale. D' timps in temps i fallot les permutter. Cha consistot:

1) les mètte in paralléle, aliminter l' fosse aveuc les deux câpes puis

2) coper ch'ti la qu' i va dévnir in réserfe à sin toour.

Mais...... I fallot pas oblier d' mète les deux câpes in paralléle avant d' coper ch'ti qui va pus ète utilisé ! ! ! ! I avot un panneau d' au moins deux mètes d' long d'sur l' quel étot arprésinté eune espèce d' dragon aveuc eune lonque lanque rouche qui léquot les barres pour mète in garte l' gardien d' posse....

.... Quand cha arrivot toute l' intinsité de l' fosse étot copée, cha faijot eune esplosion terripe et l' gardien d' posse i volot par tierre jusqu' à l' aute bout du bâtimint...I étot parfos brûlé par l' flamme qu' cha faijot ! !

.... Nous autes in rigolot et in dijot à ch' malheureux,"Té l' as vu l' biète rouche ?.