Qui ch'est qui sin rappelle d'avoir jué à l'guiss'?

Le jeu de guise
Jeu-roi des corons, ce jeu appelé << à l'guiss'>> en patois a inspiré Frémicourt, chantre lillérois du début du siècle.
« Té vas bétôt avoir des comarates,
Té vas courir comme un p'tit luron
Pour juer aux barres, à l'guiss' et aux mapes,
A l'maqu'lotte et au ju d'bouchon ... »

Au cri de « Guiss'», poussé par le lanceur, les autres joueurs répondent « batte» et le jeu peut commencer.
La guise, petit morceau de bois taillé en fuseau, est projetée en l'air d'un coup de « batte» et le lanceur doit l'envoyer d'un coup assuré, le plus loin possible et hors d'atteinte des partenaires de jeu. Ceux-ci doivent l'arrêter avant sa chute sur le sol et marquent un nombre de points différent suivant que cet arrêt est fait d'une main ou des
deux mains.
Un grand nombre de variantes existe suivant les cités minières, mais partout, les « carreaux d'vitres» sont les victimes des maladroits.

du livre "histoire des mines de l'Artois"
de Bertrand COCQ et de Guy DUBOIS

Bin mi j'connaissos pas c'ju là, j'ai appris quette cosse !

Parel pour mi. Cha ne dot être connu qu'in boyauroucherie ch't'affaire

j'in ai bien rimboursé des carreaux, avec el guise ,et bien attrappé sus em guiffe par mes parints ..

mi, je nn'ai appris l'existence qu'à travers chés textes in patois au théâtre...tout comme ché "dragons dins ch'ciel" bin chéto chés cerfs volants....

in à bien coupé des manches ed balais ou des manches ed grauets pour faire des guisses

comme in parle du jeu de guise dins un aute sujet, j'fais armonter cheule esplication que Roger a fait...

Alors mi non pus , j'a jamais jué à cha et j'a même jamais vu dins ches corons aux alintours, pourtant chez mi,ches gardins is étotent devant,, alors les carreaux i risquotent rien.

. Nous aussi in juot à l' guisse.
. Comme l' esplique nous camarate, l' guisse alle est taillée in pointes aux deux bout, dins un bout d' bos qui étot deux tros fos au moins de l' section d' un manche à balai. (Du moins dins nous coin) D'un cop d' bâton sur eune pointe faut l' faire sauter in l' air et d' un aute cop d' bâton,buquer d' sure au vol pour l' invoyer l' pus loin possipe. A vingt mètes par dévant , i n' d' avot un, ou plusieurs, qui devotent l' impêcher d' passer in l' attrappant, , au risque d' el printe dins les dints....
. In a souffert dins nous jeunesse.......sans jus vidéo ! ! !
.....

. Parmi les viux jus d'dins l' temps i avot aussi juer au billon. J' ai vu min père y juer mais j' connos pas l' rèque du jeu.
Les billons ch' étos des espèces d' bâton d' flic, un peu pus long . Les jueux lançotent cha vers un piquet in bos planté à dix ou quinze mètes d' vant eux ...
J' cros bin qu'i n' da pas grandmint qui zont vu juer à cha.

Citation :

i avot aussi juer au billon

Citation :

j' connos pas l' rèque du jeu.

j'vas faire un sujet la d'ssus,j'y mettrais l'règle du jeu.

In parle aussi d' dragon dins l' sujet. Les dragons ch' étot bin aussi des cerfs volants.
. Eune finme qui n' étot pas sérieusse, in dijot d' elle "qu'alle fait voler sin dragon"

Roger, té connos l' jeu du billon. A Billy, cha s' juot dins l' cour d' un bistrot .

. J' dos ajouter qu' étant donné m' n' ache, j' ai connu les horreurs d' la guerre. Déhors pas eune auto pas eune mobylette pas un vélo,"Streng Verboten" pus un posse d' radio pour l' même raison donc in s' rabattot sur ces jus la dins les corons.
. L' route étot à nous ! ! !

. In juot aussi à l' "gaboule" mais cha vous devez connaîte...

non; explique

Jeu d' antan à l' ducasse. Tir à l' carabine. 1947 ou 1948.
URL=http://www.imagup.com/data/1124943744.html][/URL]
Si té fais mouche, t' es pris in photo.
. PAN ! In plein d' dins min commandant. J' avos 18 ans. A côté d' mi, m' fiancée. In n' avot pas d' copine cucul mais des fiancées à l' époque. A droite min cousin. Li, i a tiré après mis mais l' gros malin d' forain i avot du débrancher les fils ! !

I a des fotes, tant pire ! ! !

Comme ju d' antan i avot aussi juer au soldat.
. Cha comminchot par l' passache consèle, et passer la visite.
.

Nousautes in appelot cha juer au docteur... cha avot un avintache, ch'est que ch'étot nin réservé aux garchons!

. Un jour, in juot aux soldats avec mes deux cousins. In avot creusé un tro dins un terrain vaque(vague) et in avot mis la d' sure des bâtons et des toiles pour faire un abri. un bunker.
. Mi j' étos dins l' bunker, min cousin, l' pus viux ch' étot l' enn'mi. A distance, i m' balanchot des grenates. Normal'mint les grenates cha arot dû ète des bettrafes, des rurabagas, des navets nan, ch' étot des silex qui avot ramassés d' sur l' balaste de l'voie d' quémin d' fier.
.....J' m' arlèfe...Pan dins m' n' oeul ! ! ! J' pouvos pus l' ouvrir ! !
.....Saisi, min cousin i présintot des morciaux d' jornal pour vire si que m' oeul i n' étot pas quervé........
.... I n' étot pas quervé mais j' ai pas pu l' ouvrir pindint quince jours.
M' mère alle étot in colère, alle voulot pus qu' j' alle juer avec eusses. Mi, j' aimos bin, is faijotent toudis d' travers.
Ch'étot pindint la guerre ! ! !

. Batisse,j' parie m' tiète conte un camembert qu' ch'étot toudis ti qu'i étot l' docteur ! ! Grosse Filou ! ! !