min nain a écrit:

Super l'Flersois! J'in avos aperçu à Berck, mais là c'est vraimint super!!

je n'ai jamais réussi à en avoir un qui sort s'tiète de l'eau, cha va trop vite...

batisse a écrit:

Rin, du momint que ch'est nin li qui est chu l'photo.

Parce que je ne sais nin si que t'es au courint, mais i va souvint à Berck le gaillard.

De toutes façons, cha m'étonnerot que t'aiches trouvé des nudisses à Berck. Allez, si que t'as des photos, chiche! J'ai comme eune idée de cha que te vas nous mettre.... roulemint de timbour....

Quo qu'te dis ?? Y'a nin d'plache naturisse à Berck ...

Bin sur qu'il y en a ène in allant vers Merlimont...

min nain a écrit:

In parlant des culottes blanques ed' marilyn, y avot à l'même époque les slips des militaires, vach'ment sexy

avint d'pinser à la p'tite culotte ed Marilyn, Pinse à c'que vous portiez à l'époque!

Dis donc, i faudra que te m'expliques quo que te faijos avec des mirlitaires du timps de Marilyn tisaute....

Marilyn elle est morte in 62. Et avint de mourir, elle vivot. Donc in va dire que le coup de la soufflerie de métro cha date des années 50. Mi j'étos à peine né et je ne pinsos nin à aller vir les dessous des femmes de mirlitaires.

Alors que si que je comprinds bin, ti t'exploros déjà tout cha. Ben bravo! Bel eximple pour l'jonesse qu'elle nous lit.

Du timps que mi j'ai fait min service mirlitaire obligatoire, in a effectivemint archu des slips réglemintaires, mais i a personne qui les mettot. Le fond i arrivot intre nous genouilles. I parait que ch'est nin bon pour l'arproduction d'être trop serré, mais là in devot être rudemint prolifiques. Cha berloquot là-dedins, je ne te raconte nin.

A l'époque je portos des "Athena", taille 3. Is n'étottent nin énormes. Lu seul problème ch'est qu'is étottent blancs. I fallot faire rudemint gaffe avec les traces de pneus....

D'autint que le PQ de l'armée, ch'étot du ginre scotch brite...

Hein ouais ches hommes?

Dis me Batisse, pour si bin décrire les snips de l'armée...t'as du in porter, pitète pas souvant mais t'in a porté !

Ben ouais... in les a essayés!

Et des fos i avot revue de paquetage... et là si qu'in avot un snip civil chu nous tchul, cha pouvot barder!

Parel avec les marcel... mais pour eux ch'étot moins grave

L'armée, j'in garte des bons souvenirs. A part les caneçons parce que, frinchemint, is étottent bons pour l'poubelle, même neufs...

Par contre, LE grind souvenir vestimintaire de l'armée, ch'est les rangers. Les bien chiants, avec in haut un rabat avec deux pattes à infiler dins des boucles. Pour sortir in tenue, in mettot s'maronne à l'intérieur et in serrot les brides. In étot bieaux et élégints...

Mais les rangers, à part ches saloperies de brides, ch'étot des pantoufles. In étot rudemint bin là-dedins. Nin dins les neufs, qui foutottent des impoules incroyapes... nan, dins les viux qui avottent déjà servis à plusieurs bidasses avint nousautes.

Tchand que je dis que ch'étot des pantoufles, ch'in étot, vu qu'in n'd'avot nin des vraies! Cha fait qu'au matin, in deschindint du lit, in mettot nous pids nus dins nous rangers et in allot pichi un coup avint toute autre activité. Et là le bruit i est incore dins m'tiête... Forchémint personne i ne serrot ses lacets ni ne mettot les brides dins les boucles. Du coup les boucles elles faijottent gling à chaque pas, un tiot peu comme les gilles de Binche.

Pour ceux qui n'ont nin connu cha, ch'est inimaginape. Infin, je pinse...

Si qu'in se met à causer de nous souvenirs d'armée, à m'mote qu'in n'a nin fini... cha vaudrot un sujet à li tout seu

Ché un hasard, mais cha va faire 50 ans d'main que j'ai pris l'train à'l'gare de Tourcoing..

J'vins d'arvétir mes papis, j'ai grandi d'quat cintimète depuis ch'timps là...

Grindi?

T'étos nin fini?

batisse a écrit:

Grindi?

T'étos nin fini?

S't'à croire hein...Te verros m'photo d'min life mirlitaire, in dirot un tiot communiant...

T'es parti in juillet?

De min timps, in 70, in partot les mos pairs. Te te souviens pouquo que cha a chingé? L'Algérie ch'étot fini énon? Te partos pour combien de mos?

Mi, min livret mirlitaire i a disparu dins les méandres de l'deminte de pinsion ou de l'médale du traval. Ch'est dommache, j'avos là-dessur eune tiête de bagnard inimaginape.

Même que tchand qu'elle l'a vu, m'mère elle m'a dit "heureusemint que j'ai nin vu cheule photo à l'époque, j'aros brait tous les larmes de min corps".

Citation :

L'Algérie ch'étot fini énon? Te partos pour combien de mos?

Chéto pas incore fini, mais presque, in partot pour 27 mois 27 jours mais j'sus revenu après 19 mois..mais dins quel état

[quote="flersois"]

Citation :

j'sus revenu après 19 mois..mais dins quel état

Dis nous dins quel état ! T'avos trop fêté l'père 100 ? Bin non pusque t'es rintré avint de l'fêter 19 au lieu d'27 ! Cha arsimble à m'soeur qui a été majeure à 19 ins et des briquettes pac'que l'lo avot chingée d'21 à 18. Mi j'ai du attindre mes 21 ins pour taper su' l'tabe et dire : "J'chus majeure !"

Mais bon ch'est suremint des mauvais souv'nirs tin r'tour de l'conscription mirlitaire pour ti.

Dis donc Flersois, te ne cros nin que t'exagères un tiot peu avec tin nouvieau lavatar?

Tcheu prétintieux ch'ti-là...

Armarque, te vas faire flipper Min Nain (je mets bin les majuscules pour qu'i n'ait nin de confusion hein....) qu'elle a déjà éluminé Marcel et mi à cause de nous gros vintes.

Je pinse qu'André i n'a aucune chince. Le grind chef à pleumes, je serre m'guiffe. Les autres je ne sais nin.

V'la incore ène séquo qu'j'ai vu in voyache, ch'ti là, les phoques y z'ont nin su l'printe...

I a au moins tros pointures de trop à ses bottes ch'ti-là!

Te me diras, si que ch'étot le même prix...

ène ....deux en une... dernière.....

Seul'mint in hiver,l'Fersois!

Superbe les photos des naturistes! is ont l'air d'ête bien nourri

Et v'là Min Nain qui passe in revue chés biaux mecs musclés.



ch'est ch'jour là qu'alle a vu aussi des phoques.

Ché vrai... y'avot tant d'place à côté, pourquo qu'elle a bin été passer juste d'vant eusses ?
.
.
J'ai pt'ète trouvé pourquo.... elle avot vu un bieau chauve...

. Les phoques is viennet d' sur la plache pour printe des bains d' solèle ? ?

l'tiote galette bleusses qu'is ont d'sus l'tiêtes chés phoques, ch'est pou suife leu déplacemints ?
cha devot ête fort intéressant d'vir cha

Meeeunon, ch'est des phoques AWAC, comme les avions.

Ou alors, avec des bieaux capieaux comme cha, cha pourrot être des espions de l'reine d'Ingletierre.

Meeeunon, in capieau de l'reine d'Ingleterre cha arot donné cha :