au mois de juillet, ni veste,ni corset.
je'n sai pas que temps qui fait ché vous autes mais ichi in région parisienne i fait eune frodure d' leu.

Bin à ch't'heure chi j'sus in short et min vinte à l'air.
Dehors i a un p'tit vint mais i fait 19° et i y a du solèle.

je n'sais pon, je n'sus pon cor sortie....mais l'solèle y est là, j'm'in va laver mes puches, sortir m'carette à reules....et hop hop hop à ch'marché....

Très belle jornée! i fait presque trop caud! Pas besoin ed corset, nounours, plus in in inlève et mieux in sint bien!

Bin ici i a fait beau mais j'chus réhue ! Ch'étot l'fiète à m'boutique et j'ai travallé toute el jornée. In a fait 500 sandwichs ! Bonne soirée à tertous

Quo que te minges ch't'au soir? Un sandwich?

Viens à l'majon Matante, c'soir ch'est apéritif dinatoire (comme in dit dins l'grind monte), tiotes verrines, cake salé, crudités avec des tiotes sauces, pastèque, melon..... cha t'cangeras des casse-croûte!

Ah cha sonne, t'es d'jà là ???????

Ch'est vrai cha.... et quo que je minge mi ch't'au soir?

Ah ouais, des artichauts. Hmmmm je vas faire bonne chère... à part que l'cocotte mineute elle est occupée par eune autre séquo. Cha m'étonnerot que je peuche cuire cha au micro ontes hein. J'ai peut-être incore eune cocotte du timps de mathusalem qui traîne quelque part. Eune avec un système de soupape autremint qu'ainsi, qu'in a toudis peur que cha nous pète à l'figure.

Cha ajouterot incore à min charme...

Bon, si vous n'avez nin de nouvielles de mi demain, ch'est qu'i s'a passé eune séquo explosatoire. Cha serot dommache pour les artichauts. Au prix qu'is sont!

tiote bellotte a écrit:

Viens à l'majon Matante, c'soir ch'est apéritif dinatoire (comme in dit dins l'grind monte), tiotes verrines, cake salé, crudités avec des tiotes sauces, pastèque, melon..... cha t'cangeras des casse-croûte!

Si t'habitos l'porte d'à côté, j'viendros tout'sute mais bon.....j'fais foque imaginer que cha s's'rot bien ! Merci tiote pour c't'invitation.

arpose-te Ma tante, té l'as ben mérité! Dors ben ! Nous, c'soir, in va minger des nems, ché vite fait aveuc unne laitue, mais t'es vraimint trop loin por que j't'invite! Cha s'ra por unne aute fos!

min nain a écrit:

i fait presque trop caud! ... plus in in inlève et mieux in sint bien!

Ah? In dit comme cha dins le 62?

Nousautes, pour expliquer l'même séquo in dit "au puq qu'in in inlève, au puq que cha sint fort"

si t'inlève tout,y va pus rien ed rester..

Citation à Batisse:Nousautes, pour expliquer l'même séquo in dit "au puq qu'in in inlève, au puq que cha sint fort"
Jé n'conossos pon ch'l'esspression. Cha n'm'étonne pas passe que nous, les 62,in s'lave ed timps in timps!

Si ch'duc, i restra "4 sous d'sé d'in in échue-mains"!Por enn' pos avoir d'histoires aveuc ché voisins, j'garde el minimum!

min nain a écrit:

nous, les 62,in s'lave ed timps in timps

Te vos... ch'est ti-même qui le dis.

Nousautes in se lave tous les jours. Lalalalalèèèèère!

Sauve qui pue!

ed toute façon, nous les guernoules, in n'aura jamais el dernier mot. Aveuc ti. ed note temps, y avot unne canchon qui disot:"laissons dire , laissons dire..." ( Seila, pet -ête?) Alors, té peux continuer, Nous ,in écoute et in n'in pinse pas moins!

Ouais Sheila, ch'est à peu près cha, t'es pas quéu loin, passe que ch'étot Adamo.

Adamo avec les couettes de Sheila, cha aurot pu ête drôle

Salut Tiote t'es d'jà l'vée?

Bin ouais ch'est pas cor les vagances.... m'tiote tribu vient d'arriver, is sont in train d's'habiller pis après faut que j'leu sorte l'circuit d'voitures, que cha ch'est foque pindant les vagances que j'l'installe....

Je ne connochos nin cheule canchon-là. Du coup j'ai cachi et j'ai trouvé chu internénette.

Ch'est rigolo du Adamo in rock and roll (ou twist? Ch'est quo l'différince au niveau de l'musique?).

Avec s'voix, cha cange de johnny haliday, eddy mitchell et pis tous ches durs-là...

T'es trop jone pou connaît' l'canchon là Batisse.

Maint'nant que tel dit Loumarcel, j'arconnos m'n erreur, d'autant plus que j'ai caché ches paroles tout l'nuit. Plus j'y pinsos moins j'ovoïos Sheila. J'ai pinsé à chti lal qui cantot "et j'entends siffler le train"! Bref!
OUAIS, Ché in twist Batisse
L'différence aveuc el rock and roll, Ché l'rythme et ché surtout por el danser. Por l'rock, i faut ête 2 avec in bon cavalier qui sait danseï et pas sauteï, qui n'agrippe pas tes caveux à chaqu' cop qu'i t'fait tourner, et qui sait t'arténir sans t'laisser quer/ En in mot, i faut avoir confiance, quoi!
L'twist, li ,i peut ête plus ou moins rapide et in n'pirnd pas trop d'risque, puisqu'in peut dinser tout seu. In stortine in rythme ,d'in gambe su l'aute parfos et d'avant en arrière et l'contrair ,en arrivant parfos même in s'ajouquant tout en stortinant ! Seul problème, i fallot pas avoir ed maux à ses rotules!
maint'nant, Batisse et tout ceux qui le désirtent vous pouvez r'mette el canchon, et vous exercer, Sans oublier ed canter in même temps!

Loumarcel a écrit:

T'es trop jone pou connaît' l'canchon là Batisse.

T'as raison! Je t'arvaudrai cha

Min homme ch'est l'ro du twist.... i arrive à descende in s'déhanchant jusqu'à mette chés genouilles presque par tierre !
(bon après i met deux jours à s'in armette, mais quo qu'in f'rot pas pou épater les copines !)
Mi j'fais un twist pépère, faut s'ménager !

Pauve Tiote Bellote! Et'n homme , i a l'air triste por twister, Ché in vrai claque à z'oches! Quo qu't'i fait pas faire! Ché d'venu in vrai squelette! Fais y danser el slow, cha va l'arposer et y pourra s'rimplumer; et fais i des pâtes, des fraîch's ed préférence: cha va l'arquinquer;,Té devros aller à in cours por apprinte. Mi j'dis cha ,mais j'dis rien!