c'matin in sortant de m'douche, j'vos eune tiote bestiole qui s'promène su min lavabo, j'mets mes leunettes et j'vos qu'ch'est eune tiote cocchinelle
alors j'me sus posée eune question : normalemint ch'est pas muché in hiver les cocchinelles ?.........

y a pus d'saison pour à rien , m'pauf'femme !

y in a même qui mainge des fraises au mois d'janvier !

Muillerd, ch'est bin cauffé chez tisaute!

Elle a fait s'tiote crotte la cocchinelle? Parce que cha minge des pucherons ches tiotes bébêtes... alors à l'occasion te n'd'as aussi chu tes plantes.

Arwette et tiens nous au courint hein? In te dira quel pchit pchit ch'est le miux pour les pucherons des plantes.

Te peux m'faire conffinche... eune main plus verte que l'mienne, ch'est dur à trouver

ch'est pas ti , ch'géant vert , batisse ?
ptête que t'es vert des pieds à la tête !

"Batisse l'jardinier", in aurot tout intindu !!!!! quind in sait que t'es in assassin de l'salate, in meutrier des tomates, et in criminel du persil, ch'est sur que j't'inverrai pas m'tiote cocchinelle in pension.... pauf bête !!!

les seu' parasites que j'ai su mes plantes (mes orchidées qu'j'ai gramint querre, notez cha dins in coin d'vos tiêtes, cha peut servir ), donc les seu parasites ch'est des cochenilles, que j'ai traité su les consels d'eune vraie fleuriste, et cha n'arsonne pas du tout à des pucerons, cha fait eune espèce d'poudre blanque qui colle, in dirot du papin pou tapisser quind in comminche à l'delayer....

Nanadette, t'as peut-être nin tout suivi... je te mets eune photo de 2 des 3 salates rescapées des 12 plants que j'avos acatés.

Là elles ont 3 mos d'affinache. L'dernière étot nin si bielle que ches deux-là.

Eh ben te me croiras si que te veux... j'aros eu du mau à min tcheeur de les minger, alors elles sont mortes de lu bielle mort: arrachées avec lus racines.
Euh... non... seulemint lus raciness arrachée, vu qu'elles n'avottent rin d'autre!

Oh, in a buqué in même timps...

ouais tertous à la preufe que j'raconte JAMAIS d'cacoule....
tiens pouquo j'ai min nez qui s'allonche ???

Cochenilles et cocchinelles.... ch'est fait pour bin s'intinte, à m'mote!

Allez, du pchit pchit! L'ieau de javel i parait que cha fait des mervelles.

J'ai intindu tin loroscope Tiote Bellotte, l'guernoule elle dijot "jour de chince".

tiote bellotte a écrit:

les seu parasites ch'est des cochenilles, que j'ai traité su les consels d'eune vraie fleuriste, et cha n'arsonne pas du tout à des pucerons, cha fait eune espèce d'poudre blanque qui colle, in dirot du papin pou tapisser quind in comminche à l'delayer....

In appelle cha le libouli des cocchinelles d'ailleurs.

tiote bellotte a écrit:

(mes orchidées qu'j'ai gramint querre, notez cha dins in coin d'vos tiêtes, cha peut servir .

Dis la tiote, in m'a offert un' orchidée, in m'dis d'mette du NPK. Comment j'el mets c't'ingrais dis ?

NPK, ch'est un produit Bayer, ch'est cha?

Ch'est allemind...

Cha veut dire Nourrir Poucoup Koksinellen.

Ch'est de l'pourette vitaminée pour les coccinelles qui n'hiberntent nin.

tiotte belotte t'es nous annonce l'printemps avec tiotte bestiole.

enfin note quémin yé dégelé,aprés huits jours sans sortir un bol air cha fait du bin.

Matante a écrit:

Dis la tiote, in m'a offert un' orchidée, in m'dis d'mette du NPK. Comment j'el mets c't'ingrais dis ?

bin ma foi j'in sais rin, pace qui j'mets jamais d'engrais et que j'sais même pas à quo cha arsonne du NPK ......... j'oblie toudis d' acater l'engrais, même mes géraniums l'été, j'in mets bin pindant les 15 premis jours pis après ch'est quind j'y pinse........ et si j'pinse bin à les arroser, ch'est eune fos qu'ch'est fait que je m'rind compte que j'ai cor oblier l'engrais, alors j'me dis l'prochain cop... et bin sur l'fo d'après in arcomminche l'même cinéma !!

in fait pou mes orchidées j'ai l'chance d'avoir l'véranda avec gramint d'luminosité alors cha leu suffit pou bin arfleurir, in c'momint elles ont tertoutes des nouvielles tiges qui pouss'tent (avint quind j'avos pas l'véranda, j'arrivos raremint à les garder pus d'1 an)
alors désolée j'peux pas t'aider, t'as caché su gougoule ? ou té demindes à in fleuriste

N : ch'est ed l'Azote
P: ch'est du phosphore
K : ch'est du potassium
Y n'd'a dins m'tiête hein des fos?
Tchin qu'te sais pas te m'deminde... la Chimie, ch'est comme l'infeurmatique, cha ne s'perd nin.

Elle va nous faire eune bombe au phosphore cheule-là... ah is vont avoit belle mine tes orchidés après, is arsonneront à du persil ou à des jacynthes.

Pour l'instant i a 3 tiges qui mouttent el bout leur nez, j'va pu rin faire et attinte....

Ouais, si que te veux, je te donnerai min avis l'semaine prochaine.

T'aras qu'à faire net l'inverse!