Tchand qu'in arwette l'météo, i apparait eune séquo qu'i faudrot y pinser sérieusemint à partir d'à ch't'heure.

Vu qu'i fait grammint plus bieau au nord qu'au sud à ch't'heure, i faudrot pinser à organiser le prochain festival de Cannes au bord de l'mer du Nord, ou évintuellemint de l'Minche.

Et pis pour les starlettes cha serot moins cher à se loger - i a tout plein de mobil homes avec un seul m - et pis tertous i se pourléquerot à minger des moules frites.

Ch'est autremint meilleux que l'berdoule, ou que l'bouillabaisse comme is distent là in bas.

Quo qu'ch'est que vous in pinsez?

cannes aveuc un o deux "n" ?

Bin ouai ,v'là eune rute idee Batisse et pis l'hotel Régina i pourrot ouvrir ches grandes portes...

Ben cha oué pi au lieu de leu mette un tapis rouche un leur féro un allée ed pavés !!!

In va in causer à l'voix du nord énon?

L'Festival de Cannes à Bray-Dunes aurait pu rinte hommache à Bebel, qui a joué dins l'film Week-end à Zuydcoote, qui se passe en partie à Bray-Dunes.

Ch'est vrai cha, tandis qu'à Cannes, i ne s'a jomais rin passé.

Si?

Si, y'a un marchind d'tapis rouche qui a fait fortune à Cannes ( aveuc 2 N et un O comme dit Camanette).
Y'a gravi les échelons et y cacho à trouver l'filon pour plachi s'marchindisse .
Tout y'a cminchi aveuc un représintint qui avot apporté un échintillon d'tapis pour un hotel; Y'avot nin trouvé ses ciseaux alors y'avot inmené l'rouleau d'tapis in inti.
Vlà qui arriffe in haut des marches et que l'chuchotte de s'ficelle elle s'a pris dins sin sorlet ( que s'botinne elle a défait l'noeud et qu'tout y a chu!)

Y'avot dins l'quarti, des guernoules in mini ropes aveuc des leunettes ed solé dins leur caveux, qui sont venues vir c'pauff homme qui a vot tché sur sin tchul.
Et pis cha a fait un atroupemint.
Comme y s'passe jomais rin à Cannes ( contrairemint à Bray Dunes) hé bin les photographes y sont venus vir et mette leurs photos dins l'journeau local: la Voix du Sud.. ou Sud Eclair.
Ch'est depis c'timps là que tous les ins y z'arcominchent l'concours de cti lal qui va savoir monter les marche sins tcherre.... pace que pour eune fos y s'a passé eune séquo à Cannes!

Mazette un modele ed patois !!

Ché pas possipe a z'êtes né et z'avez vécue din ché corons avant ed partir un Touraine si ch'cro che qui est marqué

Citation :

Sujet: Re: Prochain festival de Cannes à Bray Dunes Aujourd'hui à 16:52
Ch'est vrai cha, tandis qu'à Cannes, i ne s'a jomais rin passé.

Si?

Si y s'a ène fos passé ketkos, Sophie Marceau, elle avot nin bin (elle l'avot surmint fait expès) mis l'bretelle de s'robe...

et là , ché pon l'chuchotte de sin tapis à ch'marchand d'mérilou qu'y s'a défaite, hein ouais?

J'connos pas l'mot "chuchotte" et je ne l'treuve pos dins l'glossaire..

T'inquiète nin, tchin que Sophie Marceau elle sera eune visse guernoule, l'air d'arien elle va bin acrotchi ses chuchottes de s'rope... cha devrot pu li arriver.

Pour Flersois: Eune chuchotte ch'est un noeud. Par eximpe: tchin qu'in fait eune rassarssissure ( eune reprise) y faut nin oublier d'faire eune chuchotte aveuc l'fil au bout.
Dins l'cas qui nous interresse ichi: si l'représintint d'commerce y'avot bin fait l'chuchotte ed ses lacets d'botines, hé bin y'arot nin d'festival ed cannes... Té suis à ch t'heure Flersois?

quo qu'y dot essuyer ?

Citation :

Té suis à ch t'heure Flersois?

.

J'té suis tout à fait, quint Sophie elle vindra à Bray-Dunes, j'irai li faire ène belle chuchotte..

tout près de s'n'orelle ? 

Eune chuchotte ch'est un noeud, ouais et non.

In fait je ne vos nin commint qu'in peut faire eune chuchotte aux lacets de ses bottines. Ou avec les lacets de ses bottines.

Pour mi, eune chuchotte cha vient de chucher. Eune chuchotte ch'est comme qui dirot eune tutute.

Cha se fait avec du tissu, nin avec eune fichelle. Te prinds un torchon, te fais un noeud avec un coin, cha fait comme eune tutute que les afants is peutent chuchi.

Par extinsion, si qu'i fait caud, te prinds un tire jus - de préférinche propre - te fais eune chuchotte à chaque coin et t'as un capieau de solel.

Par extinsion de l'extinsion, si t'as un sac in toile avec un trou, te fais un noeud avec l'zone du trou, comme cha i n'a pus de trou. Ch'est aussi eune chuchotte.

Te comprinds?

Oh là ! Mais ch'est qu'Batisse y s'y connot su l'tutute....
Ch'n'explication elle est suremint pus complète que l'mienne.
Cor eune fos j'avos compris au 7ème degré que par extension ch'est foque un noeud.
Si que Flersois ch'est un fan ed maitre Capello, forchémint qui étot resté su s'faim aveuc min racourci.
Bonne journée à tertous, j'm'in va à l'ouvrache.

T'as vu cha si que je chus un espécialisse de l'tutute!

A t'fabrique, te diras bin le bonjour au docteur Pouchin hein...

Mi aussi je m'in vas bétôt à m'fabrique, direction le sud est, in principe.

Et vu que j'ai nin ouvré l'semaine passée - trop courte, adieu l'amour - i est probable que l'semaine prochaine je m'in vasse vers le Nooord, l'Normindie, l'Sologne et pis tout cha qu'i a intre.

Allez, eune bonne semaine à tertous, et duchemint à l'tutute!

Bonne semaine à vouzottes...
Ene aut fos j'demindrais quo cha veut dire chuche mourette.

Ch'est eune séquo que les guernoules elles printent in faijint des tiots ys.

Bon, je chus à la bourre. Je serre min manicraque et je m'in vas ouvrer.

Je te confie l'inquête Flersois...

Citation :

Ch'est eune séquo que les guernoules elles printent in faijint des tiots ys

Cha s'minche ou cha s'boit ce séquo ?

T'as déjà deviné que cha s'met à s'bouque. Bravo! Tcheu flair. In devrot t'appeler flairsois

Cha se chuche puq que cha se bot. Ch'est miux avec un tiot vierre. Cha fait vulgaire de le printe directemint à ch'goulot.

ouais ch'est pas fait pou les madames "prout-prout-tiot-dogt-in-l'air"....