ehh ouais premiers pas dins l'autobus munie de l'carte senioriale (pon seigneuriale hein!!)
cha n'a pon cangé grand cosse à m'vie, mais j'ai toudis voyagé gratuit et par ché timps chi cha n'est pon négligeable
ch'te carte là all m'a permis aussi d'avoir eune intrée à l'piscine (j'y vas tous les lundis aveuc m'copine)
pour 1 euro 80....cha aussi cha vaut l'cop!!
bon assez babellé, j'm'in va à leclerc (là à l'caisse m'carte senioriale all va m'servir à rien du tout) j'vas faire mes achats, ché l'anniversaire d'min biau fiu ch' week end..j'ai déjà sin cadeau d'pis un momint!!

J'espère que ch'est pas des dinrées périssapes, l'cadieau pou tin bieau fiu ? comme de l'crème fraique ou du fromache par eximpe, sinon cha va embaumer...

Armarque si l'cadieau n'y plait pas emmène le au restaurant chinois, j'cros qu'i a des prix là bas avec eune carte sénioriale... 

A ch't'heure i te faut du discernemint - je ne dis nin que te n'd'avos nin avint hein... - parce que tchand qu'eune caissière portougaiche ou de la zone te diras "malchi senior" i ne faudra nin nécessairemint te printe pour eune déesse....

Te comprinds?

Non....

Je m'in doutos

Pouquoi té veux que l'caissière portugaiche alle dire "malchi sénior" à Camanette, alle a l'vox d'un homme et arsonne à un homme nou Camanette ?, cha m'étonnerot, ou alors faudrot que l'caissière seuche un tiot peu dure d'orelles (qu'alle euche les portugaises ensablées quo,  ) et qu'in pus alle euche l'vue basse, cha fait gramint de handicaps pou eune caissière...

hein???

Bon, là j'ai nin min tchoeur à rigoler parce que je chus dins le brun, bin profond: j'ai jué au Marcel et j'ai gagné: ordi kaput! Je buque chu un tiot de dépannache, qui rame comme ch'est nin permis. I faut attinte eune demi seconde intre chaque lettre, et in puq les t is sortent tchand qu'is y pinstent!

J'ai perdu toutes mes adresses émile. Tout cha in voulint récupérer le contenu de min disque dur, qui faijot des bruits nin catholiques.

Et justemint, la caissière elle peut dire "merci seigneur" tchand qu'in li tind des doupes énon?

Bon, obliez!

Roger, commint que je peux faire pour que min lordi i détecte mes disques durs? J'ai un messache "table de partition non valide. Au secours chef!

Et ch'ti chi d'ordi, i m'énerfe grave....

Citation :

J'ai un messache "table de partition non valide.

Vlà chi un lien qui peut p'tête te dépanner!
http://www.01net.com/editorial/230945/go/xp-affiche-une-table-de-partition-non-valide/

Merci garchon. Ch'lien-là je l'avos trouvé, mais in buquint R au lincemint, cha n'affichot nin cha qu'is distent!

Intretimps, dins min malheur j'ai eu de l'veine: j'ai appelé un copain espécialisse qui habite Strasbourg et, coup de bol i étot ichi dins le secteur. I vient de partir. I a tout réparé.

Ouf!

In peut dire que té né sur eun' bonne étoile!!!
j'sus bin contint pour ti que ch'est réparé.

Ben... je pinsos que cha l'étot... In fait, l'ordi i ne redémarre pus! Tcheu brun. Et ch't'ichi i va finir par le cassis. Saleté d'ingin...

Je téléphonerai à min copain demain. Suspence. I a arparti à s'majon...

Citation :

Et ch't'ichi i va finir par le cassis.

Dis-me Batisse, i a quel ache tin l'ordi ? Te sais bin que quand on vieusit, in va plus logmint, i faut parfos chinger des piches ou bin l'tiète elle fonctionne moins bin. Dins chas-là, t'eutanasies tin l'ordi pour l'rimplacher par un aute ! Je sais t'es très attaché à ch'ti lal, i a toute un' histoire intre vous peut-ete mais l'aute que t'as, te veux déjà l'passer par l'cassis.....te verras avec un aute te finiras par t'y habituer, parfos i faut savoir s'remette in causse et canger !

té fros moins d'm'noules pour un tiot rojin contre eune gernoule vétérante hénon?

Mi?

Ch'est bin min ginre....

Bon, i a l'air que j'ai réussi à armettre le bazar plus ou moins in route, mais je chus bon pour tout réinstaller et j'ai complètemint perdu tout cha qu'i avot dins m'messagerie. Mais à m'mote que j'ai ringé mes adresses émile quelque part. I faut juste que j'artrouve l'indrot

Le manicraque i me dit que le disque dur d'ùche que m'messagerie et tout cha étot i n'est nin formaté.

Mi qui voulos récupérer mes données avint que min disque dur i ne rinte l'âme, j'ai gagné! I a l'air d'avoir mouru chu l'taffe d'opération.

I faut incore que je trouve commint armettre du son... Ch'est un ordi fabriqué par un assimbleux, qui a bin gardé toutes les notices, CD etc. pour li.

Matante a écrit:

Dis-me Batisse, i a quel ache tin l'ordi ? Te sais bin que quand on vieusit, in va plus logmint, i faut parfos chinger des piches ou bin l'tiète elle fonctionne moins bin. Dins chas-là, t'eutanasies tin l'ordi pour l'rimplacher par un aute ! Je sais t'es très attaché à ch'ti lal, i a toute un' histoire intre vous peut-ete mais l'aute que t'as, te veux déjà l'passer par l'cassis.....te verras avec un aute te finiras par t'y habituer, parfos i faut savoir s'remette in causse et canger !

Gnagnagna. Ben chu le coup, ch'est comme si que je n'd'avos un tout neuf.

Et te sais quo? Je ne vos nin de différinche avec l'incien, à part que dins l'incien i avot eune masse de séquos que je n'artrouve pus ichi

Citation :

Le manicraque i me dit que le disque dur d'ùche que m'messagerie et tout cha étot i n'est nin formaté.

si cha nin était formaté!!té peux les récupérer!
j'ai un appareil pour récupérer tout cha,si té canges de Pc,démonte tin disque dur,l'jour que té passe té l'prinds avec! si j'écoute min répondeur?
Maint'nint si t'as plus d"cd de chés drivers???
J'ai bin un logiciel, mais té restes nin à côté d'mi...
eun' p'tite question!
ya quel âge tin PC!

I a quind même gramint d'chance Batisse, si, si ! Pourquo ? bin, un manicraque cha fonctionne sins piles.... pace que sinon, i n'étot pas sorti d'l'auberche

mi j'ai eune photo d'batisse, c'matin au rével :

Citation :

I a quind même gramint d'chance Batisse, si, si ! Pourquo ? bin, un manicraque cha fonctionne sins piles....

J' ai eu l'même réaction in arvétiant sin messache!
si...si... cha fonctionne aussi avec eun' pile un PC..
Ya eun' grosse pile ronde plate comme un met dins eun' montre,mais in plus gros,qui a sur l'carte mère, Cette pile, généralement une batterie au lithium de 3 V, permet de conserver la date, l'heure, ainsi que les paramètres système, même lorsque votre ordinateur est arrêté.

Citation :

une batterie au lithium de 3 V,

ène pile comme cha : CR2032, j'cros, elle peut durer plus que 10 ans, quand elle est foutue, y'a fok qu'à armette l'date et l'heure à chaque démarrache.

Ah... au moins un qui ne se fout nin de m'guiffe... merci flersois!

Bon, je comminche à y artrouver mes tiots. M'messagerie non. Elle elle est aux oubliettes, à m'mote pour de bon.

Si jamais i a quelqu'un qui connot quelqu'un qui oeuvre chez wanamou ou oranche, cha serot bin qui li deminte pourquo que chez eux is ne font nin comme chez yahoo....

Parce que yahoo ch'est gratuit, et in puq is stocktent les messaches chez eux.

M'messagerie chez yahoo, je l'ai récupérée intacte.

I a un truc.

Peut-être que chez oranche is n'ont nin assez de piles pour sauvegarder tout cha...

Pour ète trinquille, quint te reçois un message que te veux garder, te l'rinvoie à ton autre adresse ya hou... Mi j'fais comme cha avec gmail....