L'Ducasse
ln juillet, ch'est l' ducasse ed la Plinne.
Et ch 'est pour tout l' monde,
Einne occasion in or, pour oublier toutes ses p'tites pinnes.
L' ducasse ed la Plinne j' sus bien sûr
Al est connue, toute à la ronde!
Al y est toudis, in s'y amuse incore,
Mais dins l'temps, ch'étot quette cosse
I faut vous dire, qu'y avot des artistes!
Tataf li, in l' promenot, dins einne voiture d'infants!
Et pour dire qui n' meure pas d' soif
ln y donnot tous les quarts d'heure
Sin biberon ed pinard !
Pendant huit jours, certains y n' dormottent pas.
ln cantot, in riot, in dansot !
Chaque café, y avot s' n'orchestre.
L'accordéon, avec un tiot Zaz banc,
Souvint chétot, l' père et pis l' garchon !
Petits et grands, faisottent l' course à sac sans imbarras!
Nez dins l' farine, ou bien dins l'iau,
ln cafouillot, pour dire de n'arsaquer einne belle grosse pièche!
L' soir, l' bal volant y étot plein !
Mais l' clo d'el fête, ej cros bien,
Que ch'étot l'course à baudets!
ln riot, à in picher dins ses maronnes !
Surtout, quand un baudet, à bout d'haleinne
Malgré l' carette qu'in y tindot, s' couchot sur l' dinne !
Vous ravisant, d'un air ed vous dire:
- « Eh dis donc ti, té m' prinds pour un bébête!
Ej sus comme ti, quand ej sus mate, mi j'in prinds cinq,
Et pis j' m'arrête! » -.
Alors veillant qu'y avot pus rien d'aute à faire,
Ech Lillos, ech' tiot Florimond qu'in appelot l' frisé,
Ils l'impoignottent, et ils portottent,
Jusqu'à sus l' ligne ed l'arrivée.
Ch'est chà l' ducasse ed not' quartier
Et si un jour vous venez
Vous rincontrerez, sourire et amitié.
Jules Grare