T'à l'heure in rintrant d'l'école min cat i étot devint l'porte de l'majon.
In montant l'poussette su l'terrasse, j'accroche un tiot arbuste et un lézard, qui devot ête muché, qué de l'branche.... Bin, j'peux vos dire que l'pauf biête à pas eu l'timps d'arriver d'sus l'carrelache, min cat a bondi comme si i avot des arsorts d'sous chés pattes et i a attrapé l'tiot lézard en vol...
Bin sur min cat a pas voulu l'lacher et s'a sauvé avec.
Ch'étot un bébé lézard qui n'a pas eu l'loisir d'découvrir la vie !
Alors bin sur ch'est la nature mais ch'est cruel, surtout que les lézards les cats les mingent pas, is juent simplemint avec jusqu'à les tuer.
In c'momint, l'chasse alle est ouverte pou min cat, in a l'drot au cadeau su l'paillasson presque tous les matins, des morcieaux d'osieaux, des restes d'mulot ou d'souris... toudis super agréape à découvrir quind in oufe l'porte... infin ch'est moins pire que l'fos d'ù qu'j'avos mis l'pid su un rat fruitier cor chaud..... là ch'étot dins l'sous sol et j'étos in pid d'cauchettes, j'ai fais un sacré bond !! ch'est énorme un rat fruitier !!!!

Code:

ch'est énorme un rat fruitier

Ch'est quo ch'bestiole là?

pareil, ch'est quoi in rat fruitier , cha minge des fruits??

Ouais cha minge des fruits, intre autre..
In a des vignes à 100 m de l'majon et is doiv'tent s'régaler avec chés rojins
v'la c'que j'ai treuvé su l'net sur chés rats fruititers :

J'ai jamais vu cha!
armarque, je n'veux nin in vir nan plus!!!
j'in ai eun' peur bleue d'chés biêtes là!!!
souris,mulot,rat,etc...brrr,brrr..

Ben mi j'peux t'dire que min coeur battot à tout rompe ! et que m'tinsion a fait un sacré bond !
J'peux dire qu'asteur j'discinds pus jamais au sous sol sins mes pantouffes ou cauchures à mes pids.....
Si vos m'aviez vu après, pace qu'i fallot bin débarasser ! j'sus allée querre un sac in plastique, pusieurs feules d'papier, j'ai attrapé l'bestiole par l'queue avec l'papier, j'l'ai j'té vite fait dins l'sac, j'ai fait tros noeuds, comme si l'bestiole morte pouvot arsortir !!!... min cat a caché après tout l'journée et i miaulot comme un dératé (si j'ose dire !)...

tiote bellotte a écrit:

min cat a caché après tout l'journée et i miaulot comme un dératé (si j'ose dire !)...

Ch'est incroyape les différinches d'expressions intre une région et eune autre. Même des régions au nord de la Somme...

Dins min coin à mi, in dijot de quelqu'un qu'i courot comme un dératé.

Dins sin coin à l'cheftaine, in miaule comme un dératé.

Sacrée cheftaine! In ne l'arot nin qu'i faudrot l'invinter. I a bin du mérite saint Toni...

MOQUEUX D'GINS
in va dire qu'i miaulot in courant d'partout comme un dératé

pour pu qui minche chés lézards tin cat tiote bellote , y faut y donner a minger , matin , midi , et soir , pi cor inter deux ,

Ch'matin j'étos déhors i fait tellemint bieau, et j'vos m'voisine sur sin balcon toutes ches portes ferniètes ouvertes, ch'est rare que j'me dis d'vire tout ouvert l'matin d'si tôt.
ale me crie ed'loin, que ch'cat i li a rapporté inne souris, et bien vivante, beurk !
pus moyen d'sortir l'bestiole ale s'cachot sous ches meubes.
J'sus pas montée li donner un cop d'main ! j'l'ai laissée à sin triste sort ! j'sus pas courageuse pour cha !
J'pinse que s'n'homme y a du faire sortir l'bestiole ch'midi.

tiote bellotte a écrit:

Ouais cha minge des fruits, intre autre..
In a des vignes à 100 m de l'majon et is doiv'tent s'régaler avec chés rojins
v'la c'que j'ai treuvé su l'net sur chés rats fruititers :

Là ché pos pour jouer avec qui l'a pris