200 g de spéculoos
9 cl de lait
60 g de glucose liquide
(se trouve en pharmacie, épicerie fine, certaines boulangeries ou sur le net)
50 g de beurre
100 g de chocolat blanc

Réduire les spéculoos en poudre à l'aide d'un mixeur, puis ajouter le beurre en pommade.
Dans un grand bol casser le chocolat en morceaux.
Dans une casserole faire chauffer le lait et le sirop de gulcose, puis verser le lait bouillant sur le chocolat blanc.
Bien remuer jusqu'à l'obtention d'un mélange homogène.
Ajouter ce mélange aux spéculoos et remuer de nouveau.

Verser dans un pot en verre, le fermer et le laisser refroidir à température ambiante.
La pâte se conserve 3 semaines au réfrigérateur.

Connaisant les galaffes qu'i a su l'forum, j'sais pas si l'pot i durerot tros semaines eune fos intamé !

J'peux t'dire que ch'est délicieux et que ch'pot a nin fait long feu!
Mais chétot du nin fait maison,in avot acaté ch'pot!

Cha dot ète bon, et quo qu'in bo avec cha ????

Ch'est chinq millions de calories par cuiller ches bazars-là... mais que ch'est bon énon?

Je ne chus nin un goulaffe, ou alors un tout petit, mais te me fais bin rigoler avec tes tros semaines de conservation. Tros gouttes de lait et 4 carrés de chocolat...

Parmi les autres séquos ainsi qui ne risqtent nin de faire long fu au frigo - à supposer qu'is aitent le timps d'y intrer - i a aussi la crême de caramel au burre salé (heureusemint que ch'est introuvable hors de Bretagne), la pâte à tartiner ovomaltine crunchy (un bocal orange) et le classique nutella. Et pour ma part, le lait conchintré sucré. J'in mingeros chu l'tiête d'un pouilleux!

Rin que de pinser à tout cha, j'ai pris 500 grammes.

Dis me tiote bellotte, à l'plache du glucose liquide que cha fait produit chimique, i a nin moyen de mettre du sirop de chuc de canne?

Dis me incore, tiote bellotte, t'es nin malate au moins? Je deminde cha parce que ch'est eune arcette qu'i ne faut nin de bain marie...

flersois a écrit:

Cha dot ète bon, et quo qu'in bo avec cha ????

Du fraiche café et un bazar pour faire foncer...

mi j'j'appelleros cha einne bistoule

Ouais si que le machin pour faire foncer i est mélingé avec le jus, mais j'imaginos plutôt que le destop i serot utilisé pur à la fin...

In fait, chacun i fait comme i veut hein.

I paraitrot qu'à l'fabrique de l'vraie pâte à tartiner au spéculos, is cauftent au bain marie. Ch'est dire....

Armarque, vu que ch'est eune des rares arcettes d'ùche qu'i faut aller à l'pharmacie AVINT de minger le bazar, autint in profiter pour acater in même timps de l'hépatoume ou de l'alquaserzer ou eune séquo ainsi pour après...

Is ont des chauffe biberon à l'pharmacie... à l'occasion is aurottent aussi des chauffe plats?

Ou, miux, des apparels de bain marinate?

batisse a écrit:

.

Ou, miux, des apparels de bain marinate?

T'as d'ja essayé d'faire boullir du lait au bain-marie ?

batisse a écrit:

1)
Dis me tiote bellotte, à l'plache du glucose liquide que cha fait produit chimique, i a nin moyen de mettre du sirop de chuc de canne?


2) Dis me incore, tiote bellotte, t'es nin malate au moins? Je deminde cha parce que ch'est eune arcette qu'i ne faut nin de bain marie...

1) paraitrot qu'in peu mette du miel liquide à l'pache du sirop de glucose, mais dins c'cas j'pinse qu'i faut pas prinde un miel trop fort comme chti de châtaignier car cha dot quind même canger d'goût, enon ?

2) bin valà, j'fais un effort surhumain, vos pouvez pas imaginer, pou cacher eune arcette sins bain marie et v'lan, patatra cha m'arvient comme un boomerang du pays des kangourous.... roux comme l'couleur de l'pâte aux spéculoos

flersois a écrit:

batisse a écrit:

.

Ou, miux, des apparels de bain marinate?

T'as d'ja essayé d'faire boullir du lait au bain-marie ?

Té sais flersois, Batisse i veut toudis compliquer les cosses !

In peut aussi mette:

du saindoux au lieu du burre,

de'l'crème à'l'plache du lait,

et des pt'tis beurres à'l'plache des espéculosses

A m'mote qu'in a tchés chu un phénomène ichi....

in n' peut pas l'arroser d'génefe cha donnerot pus d' saveur.

nounours-94 a écrit:

in n' peut pas l'arroser d'génefe cha donnerot pus d' saveur.

Ou bin du rhum, cha fr'o spéculorom...Amen

J'pinse qu'in dot ète tertous parels, in vot ène recette et après, in fit comme in veut, souvint avec ch'quin a sous la main, si in n'a fok que du chocolat au lait cha dot surmint aller aussi....

Et si à l'plache d'tout cha, in prenot eune banane et qu'in l'mangerot avec eune tartine burrée ?
pou faire cha vos cujissez l'banane que vos volez, d'Martinique ou bin d'Côte d'Ivoire, l'pain qu'vos voulez, de mie, d'campane, de seigle, j'in passe et des meilleures, pis bin sur l'bure que vos volez, salé ou nin......
cha vos va comme cha ? pas b'soin d'aller à l'pharmacie, d'avoir ou nin un bain marie, d'castroles, d'bol.... juste eune boutelle d'bistoule si vos n'davez invie
Pis ch'est bon les fruits, n'obliez pas faut in minger pusieurs par jour avec chés légueumes

Mi j'in connos qui font des efforts pour trouver chinq fruits à consommer tous les jours.

Is ont le choix te diras: Kisch, quetsch, pomme, genièfe, rojin, poire williams, anis, framboisse, cassis etc.

In tous les cas, je ne sais nin si que ch'est eune coutume denaineusse, mais minger eune banane avec eune tartine... j'ai jamais fait et j'ai jamais vu faire!

Par contre, minger eune banane in faijint des menoules, cha ouais, j'ai souvint vu.

Méfie te tiote bellotte. Avec des séquos ainsi te vas faire passer les 59 pour des incore pires que les 62...

Des fraises écrasées chu du pain, avec du chuc, ouais, cha je connos et je l'ai fait. Avec les fraises du gardin. Mais avec des bananes... de toutes manières dins min coin i n'in poussot nin au gardin!

Peut-être qu'à ch't'heure, avec le récauffemint climatique...

Euh... ch'est quo eune boutelle de bistoule?

Je l'imagine d'ichi la pleumette: Toniiiiiiiiiiiiiiiiiiii! is font rin que de m'imbêter. Définds me, fais quet cosse infin...

si batisse dins min coin ch'a faisot,in étant jon e pour nous quatre heure,nous parints écrasottent einne banane sur nos tartines!!

Cha m'rapelle y'a bin longtimps, j'avo un copain qui voulot dev'nir coureur à vélo, sin père y l'obligeot à minger des pains d'épices et des bananes....Y'a pos gagné gramin d'courses....

batisse a écrit:

Je l'imagine d'ichi la pleumette: Toniiiiiiiiiiiiiiiiiiii! is font rin que de m'imbêter. Définds me, fais quet cosse infin...

té parles j'peux toudis appeler au s'cours ! Toni i est in train d'tronçonner des parpaings et d'faire du chiment au sous sol, i m'intindrot même pas crier
(n'impêche que li aussi i mangeot de l'banane su du bain burré quind i étot jone, cha li arrife même incore quind i troufe qu'in a mingé "trop léger", ch'est un d'ses desserts préférés)

flersois a écrit:

Cha m'rapelle y'a bin longtimps, j'avo un copain qui voulot dev'nir coureur à vélo, sin père y l'obligeot à minger des pains d'épices et des bananes....Y'a pos gagné gramin d'courses....

Pourtint in descente i devot tertous les batte ! bon ch'est sur qu'in montée cha devot pas ête parel, pace qu'ch'est pas vraimint léger l'pain d'épices + l'banane