Recette d'André
Tout d'suite, j'insiste, l'titre ed min sujet, y'est bon, j'in connos
qui appel'tent cha du pâté au poif', mais ch'est nin l'bonne
appelation.
Y faut:
1 lapin, bin ouais, hein !
l'même poids de poitrine ed' cochon assez grasse, (mitant mitant aveuc de l'gorge)
quiques feules d'laurier
du thym du seldu poif'... pon des tonnes, hein, attintion
1 éclat d'al par 250gr
de l'poute ed' perlinpin in français in appelle cha de l'gélatine !
In découpe toute chelle viande in morciaux à façon d'gins, pon trop pétits, mais pon trop gros non pu... hein!
Pindant ch'temps là, in fait cuire les quiques oches qui vont nin dins ch'paté, aveux de l'coine décopée, dins de l'iau.
Quand chés oches y sont nettoyés, in ajoute ch'l'al.
Là y'a deux écoles:
ou in les met intiers répartis au mitant de l'viande, ou in l'met écrasé, mélange à l'iau d'cuisson de chés oches.
In fait fondre l'gélatine dins l'même iau, aveuc ch'poivre et ch'sel
In mélanche bien chés viandes, et attention, ichi in arrive à un
point important, condition pour que ch'pâté seuche raté ou réussi, in
dépose harmonieusemint cheulle tiête, aveuc ou sans chés yux, (cha
ch'est affaire ed'goût) mais au mitant de ch'pâté pour qu'alle seuche
el' miux présintée au démoulache.et iin ar'père du qu'in a mis ch'foie,
pour ête l'premier à in minger, vu qui in n'a pon gramint et que
tartous y'in veut
Mouiller aveux l'iau de cuisson des oches, et compléter à l'iau caude, jusqu'à niveau.
Bien vérifier l'asaisonnemint et aller duchemint aveuc ch'poif'.(
l'poif cha s'mesure à l'cuillère à café, et nan à l'cuillère à soupe).
A four caud, pâté fermé, 140° 1 heure, pi après in vérifie souvint, pour pon êt' obligé de l'déchint in marche