Ch't'au soir je fais des spaghetti carbonara. Avec de l'ail cru écrasé par au-dessur, ch'est un régal.

Surtout pour quelqu'un qui dort tout seu...

Bref, pour faire cha i faut de l'crême fraîche. Et je n'd'avos acaté de l'bonne: de marque Présidint. Z'avez qu'à vir si que j'avos invie de faire bonne chère!

In fait je l'avos acatée i a bétôt 2 semaines. Du coup j'ai arwetchi l'étiquette pour vir si que l'date du père Amsion elle étot passée. I faut la minger avint aujord'hu, cha quet bin.

Et in ravisint l'étiquette, quo que j'vos d'écrit in bin gros pour qu'in prinse cheule-là plutôt qu'eune autre dins le rayon? Eh ben ch'est écrit "au lait intier*". Alors dins m'tiête je m'a dit "hum! au lait cru, comme à l'since..." et pis j'ai tiqué. Ch'étot nin écrit au lait cru mais au lait intier*, avec eune astérisque à côté. J'ai pinsé in vutesse qu'is n'allottent quind même nin printe du lait écrêmé pour in extraire de l'crême...

Du coup j'ai cachi quo que l'astérisque elle invitot à aller lire et j'ai trouvé. Cha dit "comme n'importe quelle crême fraîche, la crême Président est produite à partir de lait intier".

Ch'est printe les gins pour des babaches énon?

D'ichi bétôt in va nous vinte des oeufs avec écrit in gros "de glaines qui font coot cooot" ou des chériches avec écrit "de chérichiers à fleurs blanques".

Bon, je m'in vas, mes spaghettis is vont être trop cuits.

Mi, d'pu longtimps, j'acate pu d'bouquins policiers...
D'ine part depuis qu'y a pu d'san antonio nouviaux, (j'les ai tous lus au moins tros fos)
D'aut part depuis que j'mai acaté un tabouret pliant.
J'm'esplique:

J'm'in vais dès l'ouverture dins un magasin qui s'a installé à un crois'mint d'rues depuis qu'y s'a aperchu qu'yétot devenu pu grand (ou pu pétit, cha dépind du bout de l'lorgnette du qu'in ravisse) que nou viux continent.

Là j'ceuminche à un bout d'rayons, et j'lis toutes chés étiquettes, in essayant de déchiffrer des jus dins l'genre de cha que nous raconte min n'veu.

J'vas pon donner d'détals, mais cha serot bien, que tartous in in ramène ine comme cha, cha ferot avancher l'enquête.

Intre parenthèse, jamais printe ine boîte de devant de ch'rayon, chelles du fond alles ont des dates de ch' père Amption pu éloignées.
Ch'est peut êt' du au fait qu'alles sont protégées de l'lumière par chelles qui sont devant nan ?

ouais, elles gondolent' moins vite!

ch'est tout simplemint qu'din ché magasins quand i rimplissent ché rayons i mettent ché zancins d'vant et ché nouviaux dérriére in appelle cha faire el ressert

Et au resto, tchand que le garchon i deminte "je vous ressers?" cha veut dire qu'i arfile les viux rossignols de la velle ou de l'avint velle alors?

Dorénavint, j'in prindrai toudis grammint du premi cop