Je ne sais nin vousautes, mais mi je trouve qu'à l'télé is nous distent un tiot peu trop directemint que si qu'in arwette lus programmes de jux in dot être babaches.

Armarquez, ch'est des fos vrai....

N'impêche, qui qui pourrot m'expliquer à quo que cha rime de deminder à les gins qui veultent participer à eune loterie si que - par eximple - l'fumelle du taureau ch'est l'vaque ou l'sauterelle?

Tchand que je pinse qu'i n'd'a qui sont payés pour poser les questions les plus idiotes possipe, cha m'énerfe! Incore que cha serot un boulot qui me plairot bin....

I a que mi que cha énerfe?

Ou i a que mi qui des fos arwette, qu'in général ch'est par obligation, juré cratchi.

Money drop. Z'avez déjà arwetchi? Tcheue misère! Et cha babelle pour rin dire.... Misère, misère qu'i dijot Coluche, qui arot à ch't'heure 70 ins, que cha fait peur tchand qu'in y pinse.

Récemmint j'ai appris que l'présintateusse de money drop, laurence brocoli, elle avot eu un afant in 2013. Cheule-là elle a pu garder l'événemint secret énon? Cha dit, elle a eune bonne bouille, comme in général les rontes.

J'su sur que t'argrettes "La tête et les jambes"  cha chétot des bieaux programmes, il fait dire qu'in n'avot pas grammin d'choix à c't'époque ! Et pas de coupures Pub.

Mi c'ginre d'programme cha m'donne des boutons et colmme j'ai quer avoir eune bielle peau ben je l'ravisse nin !...
Eune fos, y a queques ans, j'sus quéhue in zappant su l'émission "l'île de la tentation" min diu seigneur marie joseph (comme disot m'grind mère) que misère ! mi je n'comprindrai jamais commint qu'in peut s'inscrire à des jux parels... les gins ont tellemint besoin d'arconnaissance qu'is vont s'fourvoyer la dedins ??? pou mi cha demeure un mystère ? l'pus pire (comme disent mes tiots) c'est que contrairemint à c'qui voudrottent is pass'tent pou d'fameux idiots...
Mais eune aute question qui est aussi un mystère pou mi, ch'est que si ça passe toudis ch'est qu'i a des babaches pour raviser, énon ?
Money drop ?? je n'savos même pas que cha existot ??? cha passe à quelle heure et su quelle chaine ???
Allez j'm'in va boire min jus devint chés infos -que cha nin plus ch'est nin toudis drôle

Mi non pus j'sus pas adepte ed tout cha. Comme j'sus l'reine de l'zapette dès que j'vos des questions ou jeux bêbêtes, j'leur coupe l'sifflet. I m'arrife d'm'artrouver d'vant l'télé dins l'journée où là y a des bons films ou d'bonnes émissions, j'veux dire des momints du qu'in apprind queque cosse. Money drop ? j'connos pas. Faut croire qu'y a pleins d'gins qui z'ont querre puisque cha dure.. y a d'l'audimat.

.    Mi l'viux cha m'énerfe aussi, j'ravisse pas tous les bêtisses qu'in passe à l'télé..Pamperse aveuc ses questions débiles, J'voudros bin y daller mais i m'posse eune question et à min tour j' li in posse eune comme  qu'in faijot à l'orale des cirtificais d'étutes.....
.....
.    Ah!!! Ach't'heure i a les rediffusions à perpétuité........Navarro par eximpe,les Moulins...l'fin-me d'honneur ...etc..."  
......Et les fims américains, cha tire, cha explosse, les carrettes voltent dins les airs......heureus'mint i n'da des bons quand même...à m'n'avis........ d'vieillard.....
......J'arrête m'tinsion alle va armonter
.     J'ai deux inregistreux et j'inregisse c'qui est supsessipe d'm'intèresser.et j'arguette quand que j'veux...c'que j'veux sans m'farcir l'pub que j'fais passer à l'vitesse grand V.......
.....
    Et dire qu'au début in n"avot qu'eune chaine sur un pétit écran d'36cm in noir et blanc et qu'in étot épatés aveuc 36 candelles......La piste aux étoiles......La caméra explore le temps...j'in passe et des meilleux...
.    'Les grands écrans ch'"étot des 51 cm, (in diagonale) j'faifos du dépannache télé ....chez les gins, j' dallos pas assez vite pour canger eune lampe; eul' PL 81 qui ténot pas l'choc....J'in avos eune valisse compèlte d'lampes claquées. A ch't'heure quand qu j'oufe par curiosité un télé j'cairos à l'rinverse.
.........
In intindant "Qu"est c'qui dégringole.....Anatole......"

 (Faudrot faire eune liste d'émissions d'bêtisses.....nan d'bonnes émissions cha sérot pus court)
....

mi j'a puss quére d'arbeyer d'z-émissions vec des questions  ex( attention a la marche ) putôt que d'argueter chés  télés réalités ....cho pour el coup ch'est vraimint a foute a l'oust !! 

bon j'vous quitte lo ; y o question pour un champion qui cominche !!!!!